អត្ថបទពាណិជ្ជកម្ម
ស្វែងរកផលិតផលថែសម្រស់ សុខភាព និងគ្រឿងទេសផលិតក្នុងស្រុកជាច្រើនប្រភេទ របស់ Senteurs d’Angkor នៅពិព័រណ៍ផលិតផលរបស់ខេត្តសៀមរាប
×![]()
ដោយ: សារព័ត៌មានថ្មីៗ
ដោយសារការដក់ជាប់ជាមួយនឹងរសជាតិ និងក្លិនក្រអូបបែបខ្មែរ Senteurs d’Angkor បានបង្កើតផលិតផលក្នុងស្រុកជាច្រើនប្រភេទ ដែលមានលក្ខណៈពិសេសប្លែកគេ ដើម្បីបង្អួតពីសម្បតិ្តធម្មជាតិដ៏អស្ចារ្យ នៅក្នុងប្រទេសកម្ពុជា។
ហាង Senteurs d’Angkor មានផ្តល់ជូននូវសាប៊ូច្នៃពីប្រេងដូង ដែលមានក្លិនក្រអូបចម្រុះមុខដូចជាក្លិនផ្កាម្លិះ ផ្កាកេសរកូល ស្លឹកគ្រៃ ស្លឹកតែបៃតង ស្វាយ ផ្កាឈូក និងក្រូចជាដើម។ សាប៊ូទាំងនេះ ត្រូវបានផលិតដោយដៃផ្ទាល់ ដោយប្រើបច្ចេកទេសបែបបុរាណ និងត្រូវបានចម្រាញ់ចេញពីប្រេងរុក្ខជាតិ និងគ្រឿងផ្សំបែបធម្មជាតិសុទ្ធសាធ។ ក្នុងនោះ អតិថិជន ក៏អាចស្វែងរកបាននូវប្រេងម៉ាស្សា ក្រែមលាបខ្លួន ស្ក្រាប់សម្រាប់ដុសខាត់ស្បែក និងអំបិលសម្រាប់លាយក្នុងអាងមុជទឹកផងដែរ។
សម្រាប់អតិថិជន ដែលចាប់អារម្មណ៍ជាមួយរសជាតិអាហារបែបខ្មែរពិតៗ ក៏នឹងអាចរីករាយក្នុងការសាកល្បង ជាមួយមុខម្ហូបខ្មែរជាច្រើនមុខរួមមាន ការីបែបខ្មែររសជាតិដើម ឡុកឡាក់ សាច់មាន់អាំងចង្កាក់ ស្លឹកគ្រៃ យីហ៊ុប ក្រូចឆ្មារ ម្ទេស និងម្រេចកំពត ដ៏ពេញនិយមបំផុតជាដើម។ មិនតែប៉ុណ្ណោះ ជម្រើសពិសេស ដែលអ្នកពុំគួររំលងនោះ មានដូចជាដំណាប់ស្វាយ តែនិងកាហ្វេខេត្តរតនគិរី និងស្រាសដ៏ឈ្ងុយឆ្ងាញ់ របស់ខេត្តសៀមរាបផងដែរ។
ដោយបង្កើតឡើងក្នុងឆ្នាំ ១៩៩៩ នាទឹកដីខេត្តសៀមរាប Senteurs d’Angkor ពិតជាមានមោទកភាពបំផុត ចំពោះការប្រើប្រាស់គ្រឿងផ្សំធម្មជាតិ ក៏ដូចជាគាំទ្រនូវផលិតផលរបស់អ្នកផ្គត់ផ្គង់ក្នុងស្រុក ដោយក្នុងនោះរួមមានទាំងសម្ភារវេចខ្ចប់ ដែលអាចកែច្នៃឡើងវិញបាន ដើម្បីរួមចំណែកដល់ការប្រើប្រាស់ធនធានកកើតឡើងវិញ នៅក្នុងប្រទេសកម្ពុជា។
Senteurs d’Angkor ក៏បានចូលរួមចំណែក ជួយដល់សហគមន៍មូលដ្ឋាន ដោយក្នុងនោះថវិកាមួយភាគ ដែលបានមកពីការជាវទំនិញទាំងអស់ នឹងត្រូវបានប្រើប្រាស់ ដើម្បីជួយគាំទ្រកម្មវិធីបណ្តុះបណ្តាល និងផ្តល់ឱកាសការងារ។ អាជីវកម្មបែបសហគ្រាសនេះ បានផ្តល់ការងារដល់បុគ្គលិកជាង ១៥០ នាក់ និងផ្តល់ការងារជាប្រចាំដល់ពលរដ្ឋជាច្រើនទៀត ជាពិសេសស្ត្រីមកពីតំបន់ជនបទ។ ពួកគេ ផ្តល់លក្ខខណ្ឌការងារសមរម្យ ដោយមានផ្តល់ជូននូវការគាំពារសង្គម លើកកម្ពស់ឱកាសស្មើៗគ្នា និងគោរពចំពោះសិទ្ធិរបស់ស្ត្រីជាដើម។
នៅក្នុងពិធីតាំងពិព័រណ៍ផលិតផល របស់ខេត្តសៀមរាប អ្នកទេសចរ អាចស្វែងរកនូវផលិតផលថែរក្សាសម្រស់ និងសុខភាពក្នុងស្រុក រួមជាមួយនឹងគ្រឿងទេសជាច្រើនប្រភេទរបស់ Senteurs d’Angkor ផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
