ជាតិ
អាយុមធ្យមរៀបអាពាហ៍ពិពាហ៍នៅកម្ពុជា៖ ប្រុសអាយុ២៧ឆ្នាំ ស្រីអាយុ២៤ឆ្នាំ
×![]()
ដោយ: រួបរួម
របាយការណ៍ជាតិស្តីពីលទ្ធផលចុងក្រោយនៃជំរឿនទូទៅប្រជាជននៅកម្ពុជាឆ្នាំ២០១៩ បានបង្ហាញថា អាយុមធ្យមរៀបអាពាហ៍ពិពាហ៍ដំបូងនៅកម្ពុជា គឺ២៥.៣ឆ្នាំ ដែលក្នុងនោះប្រុសជាមធ្យមអាយុ២៧ឆ្នាំ និងស្រីអាយុ២៤ឆ្នាំ។
ការគណនាអាយុរៀបការដំបូង (SMAM) ផ្អែកលើការបែងចែកអាយុក្នុងជំរឿនឆ្នាំ២០១៩ ដែលបានបង្ហាញបុរសខ្ពស់ជាងស្ត្រី ដោយមានគម្លាតខុសគ្នា៣ឆ្នាំ។ ជាទូទៅ SMAM ក្នុងចំណោមបុរសគឺ២៧ឆ្នាំ និងស្ត្រី២៤ឆ្នាំ ប៉ុន្តែបើបែងចែកតំបន់វិញ នៅទីប្រជុំជន បុរសមានអាយុ២៨.១ឆ្នាំ ស្ត្រីអាយុ២៥ឆ្នាំ ខណៈនៅជនបទ បុរសអាយុ២៦ឆ្នាំ ស្ត្រីអាយុ២២.៧ឆ្នាំ។
លទ្ធផលជំរឿន២០១៩ បង្ហាញផងដែរថា អ្នកធ្លាប់រៀបការចន្លោះអាយុពី១៥ទៅ១៩ឆ្នាំ បុរសមាន១.៨ភាគរយ ស្ត្រីមាន៨.២ភាគរយ។ ចន្លោះអាយុពី២០ឆ្នាំទៅ២៤ឆ្នាំ បុរសមាន២៦.២ភាគរយ ស្ត្រីមាន៤៨.១ភាគរយ។ ចន្លោះពីអាយុ៤៥ឆ្នាំទៅ៤៩ឆ្នាំ បុរសមាន៩៣.៣ភាគរយ ស្ត្រីមាន៨៤.៨ភាគរយ៕
Tag:
ជំរឿន
© រក្សាសិទ្ធិដោយ thmeythmey.com
