ជាតិ
«អាធារ» មានន័យថា គ្រឿងទ្រ, ការទំនុកបម្រុង, ការគាំទ្រ ![](https://image.thmeythmey.com/pictures/2021/09/21/234088667_383231906701947_5383878082460299391_n.jpg)
×![]()
នាមសព្ទ «អាធារ» ជាពាក្យបាលី-សំសង្ក្រឹត ដែលមានន័យថា ប្រដាប់សម្រាប់រង, សម្រាប់ទ្រ, គ្រឿងទ្រ; ការទំនុកបម្រុង; ការគាំទ្រ; ការរ៉ាប់រង; សេចក្ដីធន់ទ្រាំ, ទ្រាំទ្រ។
បើតាមវចនានុក្រមសម្តេចព្រះសង្ឃរាជ ជួន ណាត ពាក្យ «អាធារ» ក៏មានន័យថា អាងឬពាងទឹក; កន្លែងដែលទប់ខាំងទឹក, ស្រះទឹក; ទីដីមានជីជាតិល្អ ផងដែរ។
យើងក៏អាចប្រើពាក្យនេះ ជាកិរិយាសព្ទ បានផងដែរ ដែលមានន័យថា "ធន់ទ្រាំ, ទ្រាំទ្រ, រ៉ាប់រង "។ គ្មានអ្នកណានឹងអាធារចិញ្ចឹមវាទេ! ។ អាធារធ្វើការ ធន់ទ្រាំធ្វើការ ។
រីឯ «ជើងអាធារ» ជាប្រដាប់ធ្វើដោយឈើសម្រាប់ដំឡើងបញ្ឈរទ្រគម្ពីរសាស្រ្តា។ ជើងអាធាររៀន ជើងអាធារតូចសម្រាប់ដំឡើងទ្រសាស្ត្រារៀន; ជើងអាធារទេសន៍ ឬ ជើងអាធារគ្រែធម្មាសន៍ ជើងអាធារធំខ្ពស់សម្រាប់ដំឡើងដាក់បញ្ឈរពីមុខគ្រែធម្មាសន៍តម្កល់គម្ពីរទេសនា ។
កាលពីក្នុងសម័យដែលពុំទាន់មានសាលាបាលីរបស់រាជរដ្ឋាភិបាលនៅឡើយ, ភិក្ខុសាមណេរអ្នករៀនប្រែបាលី សុទ្ធតែមានជើងអាធារតម្កល់គម្ពីររៀន ៕
© រក្សាសិទ្ធិដោយ thmeythmey.com