ជាតិ
សង្គមជាតិ
នៅកម្ពុជា អ្នកឆ្លង«អូមីក្រុង» ចំនួន៥១នាក់បានស្លាប់ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ក្នុងយុទ្ធនាការអប់រំសុខភាពរួមគ្នា ទប់ស្កាត់ការចម្លងវីរុសកូវីដ-១៩ នៅថ្ងៃទី២២មីនានេះ។ រូបថត៖ ហ្វេសប៊ុកក្រសួងសុខាភិបាល
× មេរោគបំប្លែងថ្មី ប្រភេទ«អូមីក្រុង» បានសម្លាប់អ្នកជំងឺចំនួន ៥១នាក់ហើយ ចាប់ពីវីរុសប្រភេទថ្មីនេះ ឆ្លងចូលមកប្រទេសកម្ពុជា។ នេះបើយោងតាមប្រសាសន៍ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ក្នុងពិធីបើកយុទ្ធនាការជាតិអប់រំសុខភាព រួមគញនាទប់ស្កាត់ការចម្លវីរុសកូវីដ-១៩ ក្រោមប្រធានបទ«រួមគ្នាប្រយុទ្ធវីរុសកូវីដ-១៩ បំប្លែងថ្មីអូមីក្រុង ដែឆ្ងលលឿនខ្លាំងជាងមុន អាចបង្កឱ្យមានហានិភ័យធ្ងន់ធ្ងរដល់អ្នក និងគ្រួសារ» នៅថ្ងៃទី២២ ខែមីនានេះ។
ពីពិធីបើកយុទ្ធនាការ ដែលប្រារព្ធធ្វើនៅខេត្តកំពង់ស្ពឺ លោក ម៉ម ប៊ុនហេង បានបញ្ជាក់ថា ចាប់តាំងពី«អូមីក្រុង» ចូលមកប្រទេសកម្ពុជា នៅពាក់កណ្តាលខែធ្នូ ឆ្នាំ២០២១ មកដល់ថ្ងៃទី២១ ខែមីនា ឆ្នាំ២០២២នេះ ករណីឈឺ និងស្លាប់ នៅតែរកឃើញមានបន្តបន្ទាប់រៀងរាល់ថ្ងៃ។ បើតាមលោករដ្ឋមន្ត្រីក្រសួងសុខាភិបាល គិតចាប់ពីថ្ងៃទី១៤ធ្នូ ឆ្នាំ២០២១ ដល់ថ្ងៃទី១២ មីនា ឆ្នាំ២០២២ មានអ្នកស្លាប់ដោយសារអូមីក្រុងនេះ ៥១នាក់ ក្នុងចំណោមអ្នកវិជ្ជមានសរុប ១៣ ៥៦១នាក់ ដែលត្រូវបានរកឃើញនៅកម្ពុជា។ «ហានិភ័យនៃការកើនឡើងនៃករណីជំងឺកូវីដ-១៩ ដោយសារតែអូមីក្រុង គឺប្រហែលជាមានខ្ពស់ នៅក្នុងចំណោមសហគមន៍ ដោយសារពួកគាត់បានធ្វើតេស្តរហ័សហើយ ស្នាក់នៅព្យាបាលនៅផ្ទះដោយខ្លួនឯង។ នេះមានន័យថា ជំងឺរាតត្បាតកូវីដ-១៩ នៅឆ្ងាយពីទីបញ្ចប់»។ នេះជាការបញ្ជាក់របស់លោក ម៉ម ប៊ុនហេង។
សូមជម្រាបថា គិតត្រឹមថ្ងៃទី២២ ខែមីនា កម្ពុជារកឃើញអ្នកឆ្លងជំងឺកូវីដ-១៩ សរុប ១៣៥ ១៥៨នាក់ ក្នុងនោះជាសះស្បើយចំនួន ១៣១ ១១០ នាក់ និងអ្នកស្លាប់សរុប ៣ ០៥២នាក់។ នេះបើតាមរបាយការណ៍ប្រចាំថ្ងៃរបស់ក្រសួងសុខាភិបាលកម្ពុជា៕
Tag:
សុខភាព
កូវីដ-១៩
អូមីក្រុង
© រក្សាសិទ្ធិដោយ thmeythmey.com