គ្រូបង្វឹកវ័យ២៥ឆ្នាំរូបនេះ បានប្រាប់សារព័ត៌មានថ្មីៗតាមហ្វេសប៊ុកថា៖«ខ្ញុំ ពិតជាសប្បាយចិត្ត ព្រោះយើងបាននូវភាពជោគជ័យមួយ ឲ្យបរទេស បានស្គាល់ បានឃើញពីក្បាច់គុនយើង។

នៅទីក្រុង Bordeaux សម្បូរបរទេស ដែលចូលចិត្តមើលប្រដាល់ណាស់។ ខ្ញុំ សប្បាយចិត្តខ្លាំង យើងប្រកួតគុនខ្មែរ នៅទឹកដីបរទស។ យើងបង្ហាញពីម្ចាស់ដើម នៃក្បាច់ប្រដាល់នេះ។»។
 

គួរបញ្ជាក់ផងដែរថា ក្រៅអំពីកីឡាករ ធីម សៀងហៃ ក៏មានកីឡាករកម្ពុជាផ្សេងទៀត ត្រៀមប្រកួតនៅទីនោះ មានដូចជា៖ឈឿង ល្វៃ, លន បញ្ញា, កីឡាការិនី ទួន ស្រីភីន, ឃីម បូរ៉ា និង ឈុត សេរីវាន់ថង។ កីឡាករ ឈឿង ល្វៃ ត្រូវប្រកួតជាមួយ Omar Samb ចំណែក លន បញ្ញា ត្រូវប៉ះជាមួយ Oumar Bathily។ រីឯកីឡាការិនី ទួន ស្រីភីន ត្រូវប្រកួតជាមួយ Alexandra Chatenet។ ឃីម បូរ៉ា និង ឈុត សេរីវាន់ថង​ ត្រូវប្រកួតជម្រុះជាមួយកីឡាករបរទេស២រូបផ្សេងទៀត។ ក្នុងលក្ខខណ្ឌ កីឡាករកម្ពុជា ២រូបនេះឈ្នះ ពួកគេ នឹងត្រូវប្រកួតគ្នា ដណ្ដើមរថយន្ត៕