អត្ថបទពាណិជ្ជកម្ម
អតិថិជន Ford ជាង៤០០នាក់រីករាយក្នុងកម្មវិធី FORD Adventure នៅខេត្តសុរិន្ទ និងបុរីរាម
×![]()
ដោយ: ថ្មីៗ
ក្រុមហ៊ុន Ford ប្រចាំប្រទេសកម្ពុជា និងក្រុមហ៊ុន RMA Cambodia ដែលជាដៃគូ បានរៀបចំកម្មវិធី Ford Adventure លើកទី១០ ដោយនាំអតិថិជន Ford ជាង៤០០នាក់ និងរថយន្តជាង៨០គ្រឿង ធ្វើដំណើរកម្សាន្តបែបផ្សងព្រេងទៅកាន់ខេត្តសុរិន្ទ និងខេត្តបុរីរាម ប្រទេសថៃ។
ដំណើរកម្សាន្ត Ford Adventure លើកទី១០ រយៈពេល ៣យប់ ៤ថ្ងៃ ពោលចាប់ពីថ្ងៃទី៨ ដល់ថ្ងៃទី១១ ខែធ្នូ ឆ្នាំ២០១៦ ដោយមានការចូលរួមពីអ្នកសារព័ត៌មានកម្ពុជាផងដែរនោះ បានផ្តល់នូវភាពសប្បាយរីករាយជាច្រើន ក្នុងដំណើរពីរាជធានីភ្នំពេញ ឆ្ពោះទៅកាន់ខេត្តឧត្តរមានជ័យ ភាគខាងជើងនៃប្រទេសកម្ពុជា មុននឹងឆ្លងទៅកាន់ខេត្តសុរិន្ទ និងបុរីរាម ប្រទេសថៃ។
ក្រៅពីការគយគន់ទេសភាព ព្រៃភ្នំ តាមដងផ្លូវ តំណាងក្រុមហ៊ុន RMA Cambodia ក៏បានចុះចែកអំណោយដល់ប្រជាជនក្រីក្រក្នុងក្រុងសំរោង ខេត្តឧត្តរមានជ័យ ប្រហែល២០០គ្រួសារផងដែរ មុនដឹកនាំក្បួនទៅបោះតង់មួយយប់ក្នុងទឹកដីនេះ។
នៅព្រឹកថ្ងៃទី៩ ខែធ្នូ ក្បួនរថយន្ត បានបន្តដំណើរចូលទៅកាន់ខេត្តសុរិន្ទ ប្រទេសថៃ ដោយឆ្លងកាត់ច្រកព្រំដែនអន្តរជាតិអូរស្មាច់ ដើម្បីទៅទស្សនាភូមិដំរីមួយកន្លែង ដែលមានឈ្មោះថា Elephant Kingdom Surin Village។
បន្ទាប់ពីទស្សនាសត្វដំរីជាច្រើននៅក្នុងភូមិរួច ក្បូនរថយន្តទាំង៨០គ្រឿង បានបន្តដំណើរទៅកាន់រមណីដ្ឋាន Play La Ploen ដែលទីតាំងក្នុងខេត្តបុរីរាម ហើយក៏ជាទីតាំងចុងក្រោយក្នុងដំណើរកំសាន្តនេះ ដែលមានចំងាយផ្លូវប្រហែលជា១២០គីឡូម៉ែត្រ ពីខេត្តសុរិន្ទ។
ក្រុមហ៊ុន Ford ប្រចាំកម្ពុជា បានប្រកបអាជីវកម្មនៅក្នុងប្រទេសកម្ពុជាអស់រយៈពេលជាង ១៥ឆ្នាំមកហើយ ហើយបានទទួលនូវភាពជោគជ័យយ៉ាងត្រចះត្រចង់នៅលើទីផ្សារចាប់តាំងពីការចាប់ផ្តើមអាជីវកម្មជាលើកដំបូងមកម្ល៉េះ។ ក្រុមហ៊ុន អ អិម អេ ខេមបូឌា ជាក្រុមហ៊ុនខ្នាតអន្តរជាតិ ហើយមានដំណើរការនៅប្រទេសកម្ពុជាចាប់តាំងពីឆ្នាំ ១៩៩២។ ក្រុមហ៊ុនទទួលបានសិទ្ធិផ្ដាច់មុខនាំចូល និងចែកចាយផលិតផល និងសេវាកម្មលំដាប់ពិភពលោក មកប្រទេសកម្ពុជា និងមានបុគ្គលិកប្រកបដោយវិជ្ជាជីវៈខ្ពស់ក្នុងការផ្តល់សេវាកម្មដ៏ល្អប្រសើរដល់អតិថិជនរបស់ខ្លួន។
ក្រុមហ៊ុនFord និងក្រុមហ៊ុន RMA Cambodia ដែលជាក្រុមហ៊ុនដៃគូយូរអង្វែងរបស់ខ្លួន បានបង្កើតនូវអគារតាំងបង្ហាញរថយន្ត ហាងលក់គ្រឿងបន្លាស់ និងមជ្ឈមណ្ឌលសេវាជួសជុល ជាច្រើនកន្លែងនៅទូទាំងប្រទេស ព្រមទាំងបាននាំចូលនូវរថយន្តជាច្រើនប្រភេទមកកាន់ទីផ្សារកម្ពុជា៕
© រក្សាសិទ្ធិដោយ thmeythmey.com
