ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ក្រុមហ៊ុន DENSO សម្រេចបានលទ្ធផលសិក្ខាសាលា MONOZUKURI ប្រកបដោយសុទិដ្ឋិនិយម
14, Dec 2016 ,
2:40 pm
រូបភាព
×
ដោយ:
ជី ដាណា
ថ្ងៃទី១២ ខែធ្នូ ឆ្នាំ២០១៦ កម្ពុជា– សិក្ខាសាលាទីមួយនៃសិក្ខាសាលា MONOZUKURI ធ្វើឡើង ដើម្បីនាំមកនូវការអភិវឌ្ឍឧស្សាហកម្មគ្រឿងយន្តនៅកម្ពុជា ក្រោមកិច្ចសហប្រតិបត្តិការរវាង ក្រុមហ៊ុន DENSO និង វិទ្យាស្ថានបច្ចេកវិទ្យាកម្ពុជា (ITC) ត្រូវបានបញ្ចប់ប្រកបទៅដោយលទ្ធផលជោគជ័យ ដោយសិក្ខាកាមទទួលបានចំណេះដឹងមូលដ្ឋានអំពី MONOZUKURI, QCDS, និង 5S ព្រមជាមួយ វិធីអនុវត្តការងារប្រកបដោយសុវត្ថិភាព ដើម្បីនាំមកនូវផលិតផលប្រកបដោយគុណភាព និងតម្លៃសម រម្យ។
សិក្ខាសាលាក្រោមបរិបទ QCDS & 5S បានបង្ហាត់បង្ហាញដល់សិក្ខាសាលារយៈពេល៣ថ្ងៃ ដែលពួកគាត់បានស្វែងយល់ច្បាស់អំពី MONOZUKURI ដែលជាដំណើរការផលិតផលនូវផលិតផលមាន គុណភាព តម្លៃទាប និងផ្គត់ផ្គង់បានទាន់ពេលវេលា ហើយក្នុងនោះមាន QCDS មានន័យថាគុណភាព តម្លៃ ការផ្គត់ផ្គង់ និងសុវត្ថិភាព ដែលជាមូលដ្ឋានដ៏ មានសារៈសំខាន់សម្រាប់ MONOZUKURI ដោយមាន 5S ជាគោលគ្រឹះមួយទៀត រួមជាមួយដំណើរ សិក្សាស្វែងយល់ទៅកាន់រោងចក្រផ្ទាល់នៅថ្ងៃ ចុងក្រោយផងដែរ។
សម្រាប់ថ្ងៃទី១ សិក្ខាកាមបានសិក្សាអំពីនិយមន័យនៃ MONOZUKURI, QCDS, និង 5S ដែលពួកគេបានយល់ច្បាស់អំពីគោលការណ៍ការងារដែលធានាសុវត្ថិភាព តាមរយៈការធ្វើលំហាត់ អនុវត្តលើការដឹកជញ្ជូន ការលើកដាក់សម្ភារៈ ហើយពួកគេក៏បានយល់ច្បាស់ទំនួលខុសត្រូវដើម្បីធានា ឲ្យបាននូវគុណភាព ជាមួយការពិសោធអនុវត្ត "Defect Screening"។
ថ្ងៃទី២ សិក្ខាកាមសិក្សានិងអនុវត្តលើ 5S (Sort, Set in Order, Shine, Standardize, Sustain)។ ពួកគេ ត្រូវបានបង្ហាត់ឲ្យចេះអនុវត្តជាជំហានៗ ក្នុងការសម្អាតកម្ទេចកម្ដី ធូលី និងប្រេងកខ្វក់ ការលាងសម្អាតម៉ាស៊ីន ការរក្សាអនាម័យ ដើម្បីកាត់បន្ថយភាពកខ្វក់ កាត់បន្ថយការបែកឬបាក់ និងការពារខ្លួនពីការរអិលធ្លាក់ចុះដោយសារប្រេងរំអិលជាដើម ការរៀបចំឲ្យមានសណ្ដាប់ធ្នាប់ ងាយ ស្រួលក្នុងការស្វែងរក ចំណាយពេលតិច ឬចំណេញពេលក្នុងការធ្វើការងារ ដើម្បីរក្សាឲ្យបាននូវការរៀប ចំតាមប្រភេទ(Sort) មានលំដាប់លំដោយ(Set in Order) និងងាយស្រួលរក (Shine)។ នេះជាប្រភេទការងារក្នុងការផ្គុំ ឬ ដំឡើងផលិតផល ក្នុងលក្ខណៈជាឧទាហរណ៍បង្ហាញ។ តាមរយៈ ការងារផ្គុំនេះ សិក្ខាកាមអាចយល់ច្បាស់និងដោយផ្ទាល់អំពីសារៈសំខាន់នៃ 5S ក្នុងការផ្គុំប្រកបដោយ ប្រសិទ្ធភាព និងមិនធ្វើឲ្យខ្វះចន្លោះ ឬមានកំហុសណាមួយឡើយ។ លើសពីនេះទៀត ពួកគេក៏បានស្វែង យល់ច្បាស់អំពីរបៀបផលិតនូវផលិតផលក្នុងតម្លៃទាប ផ្គត់ផ្គង់ទាន់ពេលវេលា។ បន្ទាប់មកទៀត យើងក៏មានការធ្វើតេស្ដសាកល្បង លើការយល់ដឹងរបស់ពួកគេផងដែរលើមេរៀនថ្ងៃទី១ និងថ្ងៃទី២។
នៅថ្ងៃទី៣ដែលជាថ្ងៃចុងក្រោយ សិក្ខាកាមទទួលបានឱកាសចុះផ្ទាល់ទៅកាន់រោងចក្រ ដើម្បីស្វែងយល់ អំពីការ អនុវត្ត QCDS & 5S នៅកន្លែងការងារជាក់ស្ដែង នៅរោងចក្រ DENSO។
សិក្ខាសាលា ត្រូវបានធ្វើឡើងនៅថ្ងៃទី៣ គឺថ្ងៃទី៣ ទី១០ និងទី១២ ខែធ្នូ ឆ្នាំ២០១៦ នៅ វិទ្យាស្ថាន បច្ចេកវិទ្យា កម្ពុជា (ITC)សម្រាប់២ថ្ងៃដំបូង និងនៅរោងចក្រDENSO នៅថ្ងៃបញ្ចប់។
ក្រោយបញ្ចប់សិក្ខាសាលារយៈពេល៣ថ្ងៃ គេជឿជាក់ថា សិក្ខាកាមទាំងនេះនឹងក្លាយជាជាធនធានគន្លឹះ ក្នុងការចែកចាយក៏ដូចជាសាបព្រោះ បន្តនូវជំនាញបច្ចេកទេសរបស់ DENSO ដល់និស្សិតកម្ពុជាផ្សេងៗ ទៀតទូទាំងប្រទេស ដើម្បីការ អភិវឌ្ឍ និងកំណើតប្រកបដោយចីរភាពរបស់កម្ពុជា។
ក្រុមហ៊ុន DENSO គឺជាក្រុមហ៊ុនលំដាប់ពិភពលោកដ៏ធំបំផុតមួយ និងឈានមុខគេក្នុងឧស្សាហកម្ម គ្រឿងបន្លាស់រថយន្ត ដែលរីករាយដុះដាល់ជុំវិញពិភពលោក រួមមានកម្ពុជាផងដែរ។ ក្រុមហ៊ុន DENSO កម្ពុជា ចាប់ផ្ដើមប្រតិបត្តិការនៅកម្ពុជាក្នុងឆ្នាំ២០១៣ ហើយបានសាងសង់រោងចក្រផ្ទាល់ខ្លួន លើផ្ទៃ ដីទំហំ២ ហិកតា ក្នុងឆ្នាំ២០១៦។ DENSO ផ្ដោតលើ MONODUKURI មកពី HITOZUKURI ដែលមានន័យថាផលតិកម្មគឺពឹងផ្អែកលើ ការអភិវឌ្ឍធនធានមនុស្ស៕
( អត្ថបទពាណិជ្ជកម្ម )
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?
7 ថ្ងៃ
តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?
4 ថ្ងៃ
«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?
6 ថ្ងៃ
តើពាក្យ «ចរិត, ចរិក, ចរឹត, ចរឹក» មួយណាត្រឹមត្រូវ?
20 ម៉ោង
តើពាក្យ «សូម, សុំ» មានន័យខុសគ្នាយ៉ាងដូចម្តេច?
5 ថ្ងៃ
អត្ថបទពេញនិយមបន្ថែម