អត្ថបទពាណិជ្ជកម្ម
១៦ថ្ងៃ នៃយុទ្ធនាការលើកកម្ពស់ការយល់ដឹងស្ដីពីអំពើហិង្សាលើស្ត្រី និងក្មេងស្រី
×![]()
ដោយ: ជី ដាណា
រដ្ឋាភិបាល អង្គការ និងក្រុមអ្នករៀបចំយុទ្ធនាការនានានៅទូទាំងពិភពលោក ទើបតែបញ្ចប់យុទ្ធនាការ ១៦ថ្ងៃ ដើម្បីលើកកម្ពស់ការយល់ដឹងស្ដីពីអំពើហិង្សាលើស្ត្រី និងក្មេងស្រី ។ ក្នុងរយៈពេល ១៦ថ្ងៃ នៃព្រឹត្តិការណ៍ និងសកម្មភាពផ្សេងៗត្រូវបានរៀបចំឡើងនៅទូទាំងប្រទេសកម្ពុជា។ ការប្រើអំពើហិង្សាក្នុងគ្រួសារនៅតែកើតមានឡើងក្នុងចំណោមស្ត្រីជាច្រើនរូប ដូច្នេះ ក្រសួងកិច្ចការនារី បានដឹកនាំយុទ្ធនាការនេះ ដើម្បីបញ្ចប់នូវរាល់អំពើហិង្សាទាំងឡាយដែលកើតមានចំពោះស្ត្រី និងក្មេងស្រី ដោយក្រសួងកិច្ចការនារី បានរៀបចំជាខ្សែវីដេអូអប់រំជាសាធារណៈ ពិសេសមួយ ដើម្បីឆ្លុះបញ្ចាំងពីបញ្ហានានាដែលស្ត្រី និងក្មេងស្រីនៅកម្ពុជាកំពុងតែប្រឈម ។
មន្ត្រីមួយរូបនៃក្រសួងកិច្ចការនារី បានឱ្យដឹងថា កត្តាដែលបង្កឱ្យកើតមានអំពើហិង្សាទៅលើស្ត្រី គឺភាគច្រើនកើតឡើងដោយសារតែការប្រើប្រាស់ពាក្យសម្តី ជាពិសេសគឺបុរសជាអ្នកប្រព្រឹត្ត។
លោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គម បានមានប្រសាសន៍ថាដោយសារតែសង្គមនៅកម្ពុជាយើង ផ្នត់គំនិតខ្មែរយើង ច្រើនឲ្យតម្លៃទៅលើបុរសជាធំ ។ អ៊ីចឹង ផ្នត់គំនិតសង្គមហ្នឹង តែងគិតថាស្ត្រីគួរតែជាអ្នកត្រូវយកចិត្តទុកដាក់ជាមួយនឹងបុរស ហើយបុរសជាអ្នកមានសិទ្ធិ មានអំណាចនៅក្នុងក្រុមគ្រួសារ ។ការប្រើប្រាស់ការផ្សព្វផ្សាយបញ្ហាអំពើហិង្សាលើប្រព័ន្ធផ្សព្វផ្សាយ ជាពិសេសនៅតាមកញ្ចក់ទូរទស្សន៍នេះ គឺវាបានជះឥទ្ធិពលខ្លាំងទៅលើសង្គម។គាត់អាចចម្លងយកអ្វីដែលគាត់បានមើលឃើញពីកញ្ចក់ទូរទស្សន៍ យកមកអនុវត្តនៅក្នុងជីវិតរស់នៅរបស់គាត់ ។ ក្នុងឆ្នាំ២០១៥ អង្គការមូលនិធិអាស៊ី បានធ្វើការស្រាវជ្រាវមួយដោយប្រមូលយកនូវទិន្នន័យដែលទាក់ទងជាមួយនឹងអំពើហិង្សាទៅលើដៃគូស្និទ្ធស្នាលនៅក្នុងប្រទេសកម្ពុជា។ លោកស្រីបានបន្តទៀតថា យើងនឹងសហការគ្នាក្នុងការបង្កើតនូវយុទ្ធសាស្ត្រ ដើម្បីធ្វើយុទ្ធនាការទប់ស្កាត់ការផ្សព្វផ្សាយករណីអំពើហិង្សាលើស្ត្រីនៅក្នុងប្រព័ន្ធផ្សព្វផ្សាយ ជាពិសេសនៅក្នុងទូរទស្សន៍នៅកម្ពុជា ។
បណ្ឌិត ស សិលា អ្នកជំនាញស្រាវជ្រាវនៃអង្គការមូលនិធិអាស៊ី បានថ្លែងថា ប្រជាពលរដ្ឋដែលមើលទូរទស្សន៍មានទំនោរក្នុងការក្លាយជាអ្នកដែលទទួលរងគ្រោះនូវអំពើហិង្សាពីដៃគូស្និទ្ធស្នាលរបស់ខ្លួន ខ្ពស់ជាងអ្នកដែលមិនមើលទូរទស្សន៍រហូតដល់១៧៨ ភាគរយ។ ហើយឆ្នាំ២០១៦ មូលនិធិអាស៊ីបានធ្វើការស្រាវជ្រាវមួយទៀតដែលមានរយៈពេល៦ខែ ដោយត្រួតពិនិត្យកម្មវិធីទូរទស្សន៍ចំនួន៥។ លោកបានបន្តទៀរតថាប្រហែល៣០ ភាគរយនៃកម្មវិធីទូរទស្សន៍ដែលចាក់ផ្សាយនៅប៉ុស្តិ៍ទាំង៥ដែលយើងបានធ្វើការត្រួតពិនិត្យនេះ គឺផ្ទុកទៅដោយខ្លឹមសារអំពើហិង្សាទៅលើស្ត្រី មិនថាផ្លូវកាយ ផ្លូវចិត្ត ឬក៏ផ្លូវភេទទេ។ ដោយបានចូលរួមក្នុងការសិក្សាស្រាវជ្រាវនេះ វិទ្យាស្ថានបើកទូលាយបានផលិតវីឌីអូមួយ ដើម្បីអប់រំពីការបង្ហាញអំពើហិង្សាលើស្ត្រីក្នុងកញ្ចក់ទូរទស្សន៍ដែលមានផលប៉ះពាល់តិចតួចបំផុត។
កញ្ញា ណយ ឆវិន មន្ត្រីកម្មវិធីវិទ្យាស្ថានបានមានប្រសាស៍ថាការបើកទូលាយ ប្រព័ន្ធផ្សព្វផ្សាយត្រូវតែផលិត ត្រូវតែបង្កើតកម្មវិធី ផ្សេងៗ ដែលបង្ហាញអំពីសារអប់រំទៅដល់ប្រជាពលរដ្ឋ ។ ទោះបីជាក្នុងហ្នឹងវាមានខ្លឹមសារហិង្សានៅក្នុងហ្នឹងក៏ដោយ ប៉ុន្តែ យើងក៏ត្រូវតែបង្ហាញថា ឈុតឆាកទាំងអស់វាគ្រាន់តែជាឈុតឆាកសម្ដែង វាគ្រាន់តែជាការអប់រំមួយដល់ប្រជាពលរដ្ឋ ។ វាមិនមែនឲ្យប្រជាពលរដ្ឋទៅចម្លង ឬយកតម្រាប់តាមហិង្សានោះទេ ។
( អត្ថបទពាណិជ្ជកម្ម )
មន្ត្រីមួយរូបនៃក្រសួងកិច្ចការនារី បានឱ្យដឹងថា កត្តាដែលបង្កឱ្យកើតមានអំពើហិង្សាទៅលើស្ត្រី គឺភាគច្រើនកើតឡើងដោយសារតែការប្រើប្រាស់ពាក្យសម្តី ជាពិសេសគឺបុរសជាអ្នកប្រព្រឹត្ត។
លោកជំទាវ ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គម បានមានប្រសាសន៍ថាដោយសារតែសង្គមនៅកម្ពុជាយើង ផ្នត់គំនិតខ្មែរយើង ច្រើនឲ្យតម្លៃទៅលើបុរសជាធំ ។ អ៊ីចឹង ផ្នត់គំនិតសង្គមហ្នឹង តែងគិតថាស្ត្រីគួរតែជាអ្នកត្រូវយកចិត្តទុកដាក់ជាមួយនឹងបុរស ហើយបុរសជាអ្នកមានសិទ្ធិ មានអំណាចនៅក្នុងក្រុមគ្រួសារ ។ការប្រើប្រាស់ការផ្សព្វផ្សាយបញ្ហាអំពើហិង្សាលើប្រព័ន្ធផ្សព្វផ្សាយ ជាពិសេសនៅតាមកញ្ចក់ទូរទស្សន៍នេះ គឺវាបានជះឥទ្ធិពលខ្លាំងទៅលើសង្គម។គាត់អាចចម្លងយកអ្វីដែលគាត់បានមើលឃើញពីកញ្ចក់ទូរទស្សន៍ យកមកអនុវត្តនៅក្នុងជីវិតរស់នៅរបស់គាត់ ។ ក្នុងឆ្នាំ២០១៥ អង្គការមូលនិធិអាស៊ី បានធ្វើការស្រាវជ្រាវមួយដោយប្រមូលយកនូវទិន្នន័យដែលទាក់ទងជាមួយនឹងអំពើហិង្សាទៅលើដៃគូស្និទ្ធស្នាលនៅក្នុងប្រទេសកម្ពុជា។ លោកស្រីបានបន្តទៀតថា យើងនឹងសហការគ្នាក្នុងការបង្កើតនូវយុទ្ធសាស្ត្រ ដើម្បីធ្វើយុទ្ធនាការទប់ស្កាត់ការផ្សព្វផ្សាយករណីអំពើហិង្សាលើស្ត្រីនៅក្នុងប្រព័ន្ធផ្សព្វផ្សាយ ជាពិសេសនៅក្នុងទូរទស្សន៍នៅកម្ពុជា ។
បណ្ឌិត ស សិលា អ្នកជំនាញស្រាវជ្រាវនៃអង្គការមូលនិធិអាស៊ី បានថ្លែងថា ប្រជាពលរដ្ឋដែលមើលទូរទស្សន៍មានទំនោរក្នុងការក្លាយជាអ្នកដែលទទួលរងគ្រោះនូវអំពើហិង្សាពីដៃគូស្និទ្ធស្នាលរបស់ខ្លួន ខ្ពស់ជាងអ្នកដែលមិនមើលទូរទស្សន៍រហូតដល់១៧៨ ភាគរយ។ ហើយឆ្នាំ២០១៦ មូលនិធិអាស៊ីបានធ្វើការស្រាវជ្រាវមួយទៀតដែលមានរយៈពេល៦ខែ ដោយត្រួតពិនិត្យកម្មវិធីទូរទស្សន៍ចំនួន៥។ លោកបានបន្តទៀរតថាប្រហែល៣០ ភាគរយនៃកម្មវិធីទូរទស្សន៍ដែលចាក់ផ្សាយនៅប៉ុស្តិ៍ទាំង៥ដែលយើងបានធ្វើការត្រួតពិនិត្យនេះ គឺផ្ទុកទៅដោយខ្លឹមសារអំពើហិង្សាទៅលើស្ត្រី មិនថាផ្លូវកាយ ផ្លូវចិត្ត ឬក៏ផ្លូវភេទទេ។ ដោយបានចូលរួមក្នុងការសិក្សាស្រាវជ្រាវនេះ វិទ្យាស្ថានបើកទូលាយបានផលិតវីឌីអូមួយ ដើម្បីអប់រំពីការបង្ហាញអំពើហិង្សាលើស្ត្រីក្នុងកញ្ចក់ទូរទស្សន៍ដែលមានផលប៉ះពាល់តិចតួចបំផុត។
កញ្ញា ណយ ឆវិន មន្ត្រីកម្មវិធីវិទ្យាស្ថានបានមានប្រសាស៍ថាការបើកទូលាយ ប្រព័ន្ធផ្សព្វផ្សាយត្រូវតែផលិត ត្រូវតែបង្កើតកម្មវិធី ផ្សេងៗ ដែលបង្ហាញអំពីសារអប់រំទៅដល់ប្រជាពលរដ្ឋ ។ ទោះបីជាក្នុងហ្នឹងវាមានខ្លឹមសារហិង្សានៅក្នុងហ្នឹងក៏ដោយ ប៉ុន្តែ យើងក៏ត្រូវតែបង្ហាញថា ឈុតឆាកទាំងអស់វាគ្រាន់តែជាឈុតឆាកសម្ដែង វាគ្រាន់តែជាការអប់រំមួយដល់ប្រជាពលរដ្ឋ ។ វាមិនមែនឲ្យប្រជាពលរដ្ឋទៅចម្លង ឬយកតម្រាប់តាមហិង្សានោះទេ ។
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com
