ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
សាកលវិទ្យាល័យពុទ្ធិសាស្ត្រ និងសាកលវិទ្យាល័យកូរ៉េ បានរៀបចំសន្និសីទអន្តរជាតិ លើប្រធានបទ “យុទ្ធសាស្ត្ររដ្ឋជាស្ពានតភ្ជាប់-Bridging State Strategy (BSS)”
20, Dec 2016 ,
4:01 pm
រូបភាព
×
ដោយ:
ជី ដាណា
កាលពីថ្មីៗនេះ សាកលវិទ្យាល័យពុទ្ធិសាស្ត្រ (UP) និងសាកលវិទ្យាល័យកូរ៉េ (KU) បានរៀបចំសន្និសីទអន្តរជាតិ ស្តីអំពី គម្រោងស្រាវជ្រាវរួមលើប្រធានបទ ”យុទ្ធសាស្ត្ររដ្ឋជាស្ពានតភ្ជាប់-Bridging State Strategy (BSS)” ដោយការស្រាវជ្រាវឆ្នាំនេះ ផ្តោតសំខាន់ទៅលើ “ការបង្កើតផែនទីចង្អុលផ្លូវ ឆ្ពោះទៅការកសាងកញ្ចុំឧស្សាហកម្ម លើវិស័យស្នូលមួយចំនួន ក្នុងខេត្តកំពង់ស្ពឺ" ដែលប្រព្រឹត្តទៅនៅសាកលវិទ្យាល័យពុទ្ធិសាស្ត្រ ដើម្បីធ្វើការចែករំលែក និងផ្សព្វផ្សាយអំពីលទ្ធផលនៃការស្រាវជ្រាវ ជូនដល់ស្ថាប័នជាតិ ដែលពាក់ព័ន្ធនឹងការបង្កើតគោលនយោបាយនិងការស្រាវជ្រាវ សហគមន៍អ្នកស្រាវជ្រាវនិងអប់រំ និងភាគីពាក់ព័ន្ធផ្សេងៗ ។ គម្រោងស្រាវជ្រាវរួមនេះ ត្រូវបានឧបត្ថម្ភមូលនិធិដោយទីភ្នាក់ងារសហប្រតិបត្តិការអន្តរជាតិកូរ៉េហៅកាត់ថា KOICA និងសហការគាំទ្រដោយ សហភាពសហព័ន្ធយុវជនកម្ពុជា (UYFC) និង ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ (CARD)។
នៅក្នុងសន្និសីទអន្តរជាតិនេះ ក៏មានការអញ្ជើញចូលរួមជាអធិបតី ពីសំណាក់ ឯកឧត្តម Won-Jin Kim ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា លោកបណ្ឌិត យន់ គា តំណាងដ៏ខ្ពងខ្ពស់របស់ឯកឧត្តម ហ៊ុន មានី ប្រធានគណៈកម្មការអចិន្ត្រៃនៃគណកម្មាធិការកណ្តាលសហភាពសហព័ន្ធយុវជនកម្ពុជា លោក Jeong Yun Gil នាយកនៃទីភ្នាក់ងារសហប្រតិបត្តិការអន្តរជាតិកូរ៉េ និង បណ្ឌិត R. Anbin Ezhilan សាកលវិធ្យាធិការរង នៃសាកលវិទ្យាល័យ ពុទ្ធិសាស្ត្រ ព្រមទាំងមានការចូលរួមជាកិត្តិយស ពីក្រុមអ្នកស្រាវជ្រាវ សាស្ត្រាចារ្យ សិស្សនិស្សិត និងថ្នាក់ដឹកនាំសាកលវិទ្យាល័យ និងវិទ្យាស្ថាននានា។
សូមបញ្ជាក់ថា គម្រោងស្រាវជ្រាវរួម ”យុទ្ធសាស្ត្ររដ្ឋជាស្ពានតភ្ជាប់” នេះ បានផ្តល់ឱកាសស្រាវជ្រាវ ដល់ក្រុមអ្នកស្រាវជ្រាវកម្ពុជា ដើម្បីពង្រឹង និងពង្រីកសមត្ថភាពស្រាវជ្រាវរបស់ខ្លួន និង ដើម្បីចូលរួមផលិតឯកសារមូលដ្ឋាន សម្រាប់គាំទ្រដល់ការបង្កើតគោលនយោបាយ របស់រាជរដ្ឋាភិបាលកម្ពុជា និងមានគោលបំណងដើម្បីសិក្សាស្រាវជ្រាវ ដោយផ្តោតលើការផ្តួចផ្តើមគំនិត យុទ្ធសាស្ត្រ ចក្ខុវិស័យ ព្រមទាំងគោលនយោបាយ ដែលអាចជំរុញប្រទេសកម្ពុជាឱ្យក្លាយជាមជ្ឈមណ្ឌលសេដ្ឋកិច្ច និងវប្បធម៌ នៅក្នុងតំបន់អាស៊ាន បន្ទាប់ពីការបង្កើតសហគមន៍សេដ្ឋកិច្ចអាស៊ាន។
លទ្ធផលនៃការស្រាវជ្រាវរួមនេះ បានបង្ហាញអោយឃើញពីសក្កានុពលរបស់ប្រទេសកម្ពុជា ដែលជាប្រទេសស្ថិតនៅទីតាំងយុទ្ធសាស្ត្រ ដែលដើរតួនាទីជាស្ពានតភ្ជាប់ក្នុងប្រទេសនានាក្នុតំបន់ ដូចជា អនុតំបន់ទន្លេមេគង្គ(GSM) ប្រទេស អស៊ានCLMV តំបន់អាស៊ីអាគ្នេយ៍។ លើសពីនេះទៅទៀតប្រទេសកម្ពុជា ក៏អាចមានក្លាយជាប្រទេសមួយដ៍សំខាន់ក្នុងការតភ្ជាប់ប្រទេសមហាអំនាចសេដ្ឋកិច្ចទាំងពីរ ពោលគឺចិន និងអាមេរិកផងដែរ។ ក្រៅពីនោះ ការស្រាវជ្រាវនោះក៏បានផ្តោតលើការវិភាគកត្តាភូមិសាស្ត្រសេដ្ឋកិច្ច ការបង្កើតរចនាសម្ព័ន្ធICT ឧស្សាហូបនីយកម្ម ទេសចរណ៍ និងវប្បធម៌ ដែលធ្វើឡើងដោយការសហការគ្នា រវាងក្រុមអ្នកស្រាវជ្រាវជនជាតិកូរ៉េ និងជនជាតិខ្មែរដែលមានបទពិសោធន៍ខ្ពស់ក្នុងវិស័យពាក់ព័ន្ធ ។
( អត្ថបទពាណិជ្ជកម្ម )
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?
7 ថ្ងៃ
តើពាក្យ«ពិសោធ» និង«ពិសោធន៍» មានលក្ខខណ្ឌប្រើប្រាស់ខុសគ្នាដូចម្ដេច?
4 ថ្ងៃ
«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?
6 ថ្ងៃ
តើពាក្យ «ចរិត, ចរិក, ចរឹត, ចរឹក» មួយណាត្រឹមត្រូវ?
18 ម៉ោង
តើពាក្យ «សូម, សុំ» មានន័យខុសគ្នាយ៉ាងដូចម្តេច?
5 ថ្ងៃ
អត្ថបទពេញនិយមបន្ថែម