អត្ថបទពាណិជ្ជកម្ម
តើធនាគារស៊ីអាយអិមប៊ី ផ្តល់អត្ថប្រយោជន៍ពិសេសអ្វីខ្លះទៀតសម្រាប់ឥណទានគេហដ្ឋានដល់អតិថិជន? ![](https://image.thmeythmey.com/pictures/2017/02/23/mrs__heng_thida.jpg)
×![]()
ភ្នំពេញ៖ កាលពីឆ្នាំ ២០១៦ការផ្តល់ឥណទានគេហដ្ឋាន របស់ធនាគារ ស៊ីអាយអិមប៊ី មានការរីកចម្រើនគួរឲ្យកត់សម្គាល់ ដែលគិតជាទឹកប្រាក់ប្រមាណជាង ៩១ លានដុល្លារអាមេរិក កើនឡើង ៣០ ភាគរយ បើប្រៀបធៀបនឹងឆ្នាំ ២០១៥។ ដើម្បីរក្សាកំណើនដ៏វិជ្ជមាន និងពង្រីកវិសាលភាពឥណទានគេហដ្ឋានរបស់ខ្លួន នៅក្នុងទីផ្សារដ៏ប្រកួតប្រជែងនេះ ធនាគារ ស៊ីអាយអិមប៊ី ភីអិលស៊ី នៅតែបន្តផ្តល់នូវអត្ថប្រយោជន៍កាន់តែប្រសើរផងដែរ សម្រាប់អតិថិជនរបស់ខ្លួន នៅក្នុងឆ្នាំ ២០១៧។
ជាមួយគ្នានេះ ធនាគារក៏បានបង្កើតនូវកម្មវិធីពិសេស សម្រាប់ឥណទានគេហដ្ឋាន នាដើមឆ្នាំនេះផងដែរ។ ដើម្បីស្វែងយល់កាន់តែច្បាស់អំពីលក្ខណៈពិសេស នៃការផ្តល់ជូនរបស់ធនាគារ ស៊ីអាយអិមប៊ី សូមតាមដានការធ្វើបទសម្ភាសរបស់យើង ជាមួយលោកស្រី ហេង ធីតា នាយិកាហិរញ្ញវត្ថុបុគ្គលរបស់ធនាគារ ស៊ីអាយអិមប៊ី ដូចតទៅ៖
អ្នករាយការណ៍ថ្មីៗ៖
សូមជម្រាបសួរលោកស្រី! សម្រាប់ដើមឆ្នាំ ២០១៧នេះ តើធនាគារ ស៊ីអាយអិមប៊ី មានផ្តល់ជូនកម្មវិធីពិសេស សម្រាប់ឥណទានគេហដ្ឋាន ជាមួយនឹងអត្ថប្រយោជន៍លេចធ្លោអ្វីខ្លះ?
លោកស្រី ធីតា៖
ចាស៎ ជម្រាបសួរ! ដោយសារមានការគាំទ្រ និងការជឿទុកចិត្ត ពីសំណាក់អតិថិជន ទៅលើឥណទានគេហដ្ឋាន ទើបបានជាធនាគាររបស់យើង ខិតខំបង្កើតនូវកម្មវិធីផ្តល់ជូនពិសេស នាពេលនេះ ជាមួយនឹងអត្ថប្រយោជន៍កាន់តែអស្ចារ្យ និងពិសេសប្លែកពីឆ្នាំមុនផងដែរ រួមមានអត្រាការប្រាក់ត្រឹមតែ ៧,៩៩ ភាគរយ ក្នុងមួយឆ្នាំ រយៈពេលវែងនៃឥណទាន រហូតដល់ ២០ឆ្នាំ ទទួលបានប្រាក់កម្ចីបន្ថែម រហូតដល់ ៥០.០០០ដុល្លារអាមេរិក និងទទួលបាន រហូតដល់ ៨០ ភាគរយ នៃតម្លៃអចលនទ្រព្យ ជាមួយនឹងអត្រាការប្រាក់សមរម្យ។ ក្នុងនោះ យើងផ្តល់ជូនទាំងសម្រាប់សំណើរឥណទានថ្មី និងការផ្ទេរឥណទានពីធនាគារផ្សេង មកធនាគារ ស៊ីអាយអិមប៊ី។
អ្នករាយការណ៍ថ្មីៗ៖
ក្នុងចំណោមអត្ថប្រយោជន៍ពិសេសខាងលើ តើអតិថិជន ដែលចង់ដាក់ពាក្យស្នើសុំឥណទានថ្មី នឹងទទួលបានផលប្រយោជន៍អ្វីខ្លះ?
លោកស្រី ធីតា៖
បើនិយាយអំពីការស្នើសុំឥណទានគេហដ្ឋានថ្មី អតិថិជនអាចរីករាយនឹងអត្រាប្រាក់ទាប ត្រឹមតែ ៧,៩៩ ភាគរយ ប៉ុណ្ណោះ ក្នុងមួយឆ្នាំ ជាមួយរយៈពេលវែងនៃឥណទាន រហូតដល់ ២០ឆ្នាំ ហើយពួកគេអាចស្នើសុំឥណទានរហូតដល់ ៧០ ភាគរយ នៃតម្លៃគេហដ្ឋានសរុប។ យ៉ាងណាមិញ អតិថិជនក៏អាចស្នើសុំឥណទាន ៨០ ភាគរយ នៃតម្លៃគេហដ្ឋានផងដែរ គ្រាន់តែអត្រាការប្រាក់នឹងបត់បែនទៅតាមការសិក្សាជាក់ស្តែងទៅលើពួកគាត់ ប៉ុន្តែអត្រានៅតែល្អ ដែលអាចប្រកួតប្រជែងនៅលើទីផ្សារ។
អ្នករាយការណ៍ថ្មីៗ៖
ចំពោះការផ្ទេរឥណទានគេហដ្ឋាន ពីធនាគារផ្សេង មកធនាគារ ស៊ីអាយអិមប៊ី តើអតិថិជននឹងទទួលបានផលប្រយោជន៍អ្វីខ្លះដែរ?
លោកស្រី ធីតា៖
ដូចទៅនឹងការស្នើសុំឥណទានថ្មីដែរ អ្នកស្នើសុំបុនហិរញ្ញប្បទាន ឬការផ្ទេរឥណទានគេហដ្ឋាន ពីធនាគារផ្សេង មកធនាគារ ស៊ីអាយអិមប៊ី នឹងទទួលបានអត្ថប្រយោជន៍ដូចគ្នាទាំងអស់ ដែលបានរៀបរាប់ខាងលើ។ ប៉ុន្តែអ្វីដែលថ្មីកាន់តែពិសេស គឺការផ្តល់ជូននូវប្រាក់កម្ចីបន្ថែម រហូតដល់ ៥០.០០០ដុល្លារអាមេរិក ពីលើទំហំឥណទានគេហដ្ឋាន ដែលបានផ្ទេរនោះ សម្រាប់ធ្វើការប្រើប្រាស់ផ្ទាល់ខ្លួនផ្សេងៗទៀត ខណៈដែលការប្រាក់នឹងបត់បែន គឺអាចប្រកួតប្រជែងនៅលើទីផ្សារ ។
អ្នករាយការណ៍ថ្មីៗ៖
ផ្អែកតាមភាពទាក់ទាញនៃការផ្តល់ជូនពិសេស សម្រាប់ឥណទានគេហដ្ឋាននេះ បើសិនជាអតិថិជនចង់ស្នើសុំ ឬផ្ទេរឥណទានគេហដ្ឋាន តើពួកគាត់ត្រូវមានឯកសារ ឬបំពេញលក្ខខណ្ឌអ្វីខ្លះ?
លោកស្រី ធីតា៖
បើនិយាយដោយសង្ខេប អតិថិជនដែលដាក់ពាក្យស្នើសុំឥណទាន ត្រូវមានលិខិតសម្គាល់ខ្លួន លិខិតបញ្ជាក់ចំណូល និងកិច្ចព្រមព្រៀងស្តីពីការទិញលក់អចលនទ្រព្យ (ប្រសិនបើមាន) និងរបាយការណ៍ធនាគារ ៦ខែចុងក្រោយ សម្រាប់អ្នកដែលផ្ទេរឥណទាន មកធនាគារ ស៊ីអាយអិមប៊ី។ រីឯលក្ខខណ្ឌវិញ អតិថិជនត្រូវតែជាជនជាតិខ្មែរ ដែលមានអាយុចាប់ពី ១៨ ដល់ ៦៥ឆ្នាំ និងចាំបាច់ត្រូវមានការធានារ៉ាប់រងអគ្គិភ័យ ដើម្បីការពារទ្រព្យសម្បត្តិ ក្នុងករណីគ្រោះភ័យជាយថាហេតុ។ ហើយអតិថិជនអាចដាក់បន្ទុកនៅធនាគារ ជាមួយនឹងប្លង់រឹង នៃគេហដ្ឋានដែលទិញនោះ ឬប្លង់រឹង នៃអចលនទ្រព្យ ដែលមានស្រាប់ណាមួយផ្សេងទៀត។
អ្នករាយការណ៍ថ្មីៗ៖
បើប្រៀបធៀបនឹងធនាគារពាណិជ្ជដទៃទៀត តើធនាគារ ស៊ីអាយអិមប៊ី មានលក្ខណៈពិសេសអ្វីខ្លះ សម្រាប់ឥណទានគេហដ្ឋាន?
លោកស្រី ធីតា៖
ជារួម គ្រប់ធនាគារពាណិជ្ជទាំងអស់ សុទ្ធសឹងតែមានការប្រកួតប្រជែង និងភាពទាក់ទាញរៀងៗខ្លួន សម្រាប់ការផ្តល់នូវឥណទានគេហដ្ឋាន។ ប៉ុន្តែសម្រាប់ធនាគារ ស៊ីអាយអិមប៊ី ខ្ញុំអាចនិយាយបានថា ចំណុចល្អបំផុត នៃកម្មវិធីពិសេសរបស់យើង គឺការផ្តល់នូវអត្រាការប្រាក់ថេរ ៧,៩៩ភាគរយ ក្នុងមួយឆ្នាំ ក្នុងររយៈពេល ២០ឆ្នាំពេញ ដោយពុំមានការផ្លាស់ប្តូរឡើយ។ ជាងនេះទៅទៀត អតិថិជនរបស់យើង អាចទទួលបានប្រាក់កម្ចីបន្ថែម រហូតដល់ ៥០.០០០ដុល្លារអាមេរិក រួមទាំងការបត់បែនទំហំឥណទាន ដែលពួកគេអាចខ្ចី រហូតដល់ ៨០ ភាគរយ។
អ្នករាយការណ៍ថ្មីៗ៖
សូមអរគុណចំពោះការចំណាយពេលវេលាដ៏មានតម្លៃរបស់លោកស្រី ក្នុងការបកស្រាយយ៉ាងក្បោះក្បាយ ជូនដល់មិត្តអ្នកអាន! ជាចុងបញ្ចប់ តើលោកស្រីមានមតិយោបល់ និងការផ្តាំផ្ញើដែរឬទេ?
លោកស្រី ធីតា៖
ជាការពិតណាស់ ការទិញគេហដ្ឋានមួយ គឺជាការប្ដេជ្ញាចិត្តផ្នែកហិរញ្ញវត្ថុដ៏ធំធេង ដែលចាំបាច់បំផុត នៅក្នុងជីវិតរបស់យើង។ ប៉ុន្តែមនុស្សមួយចំនួនមានការប្រឈមនឹងតម្លៃ ហើយត្រូវការប្រាក់បង្គ្រប់ ដើម្បីទិញគេហដ្ឋាន ដែលខ្លួនចង់បាន។ ដូច្នេះធនាគារ CIMB អាចជួយធ្វើឲ្យគេហដ្ឋានក្នុងក្តីស្រមៃរបស់អតិថិជនក្លាយជាពិត ជាមួយនឹងលក្ខខណ្ឌឥណទានល្អបំផុតមួយ។ សូមរៀបចំផែនការអនាគតរបស់លោកអ្នក ជាមួយយើង នៅថ្ងៃនេះ!
ខណៈពេលនេះ កិច្ចសម្ភាសន៍របស់យើង ជាមួយលោក ហេង ធីតា នាយិកាហិរញ្ញវត្ថុបុគ្គលរបស់ធនាគារ ស៊ីអាយអិមប៊ី បានឈានមកដល់ទីបញ្ចប់ហើយ។ យើងខ្ញុំសូមថ្លែងអំណរគុណ ចំពោះយកចិត្តទុកដាក់តាមដានរបស់លោកអ្នក ហើយយើងខ្ញុំសង្ឃឹមថា លោកអ្នកនឹងទទួលបានអត្ថប្រយោជន៍ជាច្រើន ក៏ដូចជាព័ត៌មានកម្មវិធីពិសេស សម្រាប់ឥណទានគេហដ្ឋាន របស់ធនាគារ ស៊ីអាយអិមប៊ី។
សម្រាប់ព័ត៌មានបន្ថែម សូមទាក់ទងទៅកាន់ +855 (0) 23 988 388 ឬអាចទៅកាន់សាខារបស់ធនាគារ ស៊ីអាយអិមប៊ី ណាមួយក៏បាន។
អំពីធនាគារ ស៊ីអាយអិមប៊ី ភីអិលស៊ី
ធនាគារ ស៊ីអាយអិមប៊ី ភីអិលស៊ី ជាផ្នែកមួយនៃស៊ីអាយអិមប៊ី គ្រុប ដែលបានចាប់ផ្តើមប្រតិបត្តិការ នៅថ្ងៃទី១៩ ខែវិច្ឆិការ ឆ្នាំ២០១០ ដោយបានបើកសាខាពាណិជ្ជទី១ នៅចំកណ្តាលរាជធានីភ្នំពេញ។ បច្ចុប្បន្ន ធនាគារមានសាខាចំនួន ១១កន្លែង នៅក្នុងខេត្តរាជធានីសំខាន់ៗទាំង៥ រួមមានរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និងខេត្តបាត់ដំបង។ ជាមួយនឹងអតិថិជនសរុបប្រមាណ ១៩.០០០ នាក់ ធនាគារ ស៊ីអាយអិមប៊ី មានផ្តល់ជូនសេវាកម្ម និងផលិតផលធនាគារដ៏ទូលំទូលាយ រួមមានសេវាកម្មហិរញ្ញវត្ថុបុគ្គល សេវាកម្មធនាគារពាណិជ្ជ ព្រមទាំងសេវាកម្មសាជីវកម្ម និងប្រតិបត្តិការធនាគារផងដែរ។
ស៊ីអាយអិមប៊ី គ្រុប គឺជាស្ថាប័នហិរញ្ញវត្ថុដ៏ធំបំផុតទីពីររបស់ប្រទេសម៉ាឡេស៊ី និងជាធនាគារសាកលនាំមុខគេមួយក្នុងតំបន់អាស៊ាន។ ធនាគារនេះមានផ្តល់ជូនសេវាកម្មធនាគារពាណិជ្ជ ធនាគារវិនិយោគ ធនាគារឥស្លាម ក៏ដូចជាផលិតផល និងសេវាកម្មគ្រប់គ្រងទ្រព្យសកម្ម និងធានារ៉ាប់រង។ មានទីស្នាក់ការកណ្តាលនៅក្រុងគូឡាឡាំពួ បច្ចុប្បន្ននេះ ស៊ីអាយអិមប៊ី គ្រុប មានវត្តមាននៅប្រទេសចំនួន ៩ ក្នុងចំណោមប្រទេសទាំង១០ ក្នុងតំបន់អាស៊ាន (ប្រទេសម៉ាឡេស៊ី ឥណ្ឌូនេស៊ី សិង្ហបុរី ថៃ កម្ពុជា ប្រ៊ុយណេ វៀតណាម ភូមា និងឡាវ)។ ក្រៅពីតំបន់អាស៊ាន ស៊ីអាយអិមប៊ី គ្រុប ក៏មានវត្តមាននៅប្រទេសចិន ហុងកុង ឥណ្ឌា ស្រីលង្កា តៃវ៉ាន់ កូរ៉េ សហរដ្ឋអាមេរិក និងចក្រភពអង់គ្លេស។
ស៊ីអាយអិមប៊ី គ្រុប មានបណ្តាញសាខាធំជាងគេនៅក្នុងតំបន់អាស៊ាន ជាមួយសាខាជាង ១.០០០ កន្លែង គិតត្រឹមថ្ងៃទី៣១ ខែមិថុនា ឆ្នាំ២០១៦។ ធនាគារវិនិយោគរបស់ស៊ីអាយអិមប៊ី គ្រុប ក៏ស្ថិតក្នុងចំណោមធនាគារវិនិយោគធំជាងគេបំផុតក្នុងតំបន់អាស៊ីប៉ាស៊ីហ្វិក ដែលផ្តល់ការវិភាគទៅលើផ្សារភាគហ៊ុនរបស់ក្រុមហ៊ុនជាង ១.០០០ ក្រុមហ៊ុន នៅក្នុងតំបន់ ។
ស៊ីអាយអិមប៊ី គ្រុប ដំណើរការអាជីវកម្មតាមរយៈអង្គភាពចំបងបី គឺធនាគារ ស៊ីអាយអិមប៊ី (CIMB Bank) ធនាគារវិនិយោគ ស៊ីអាយអិមប៊ី (CIMB Investment Bank) និង ធនាគារ ស៊ីអាយអិមប៊ី ឥស្លាម (CIMB Islamic)។ ស៊ីអាយអិមប៊ី គ្រុប មានភាគហ៊ុន ៩៧,៩ ភាគរយនៅក្នុងធនាគារ ស៊ីអាយអិមប៊ី នៀហ្គា (Bank CIMB Niaga) នៅប្រទេសឥណ្ឌូនេស៊ី និង ៩៣,៧ ភាគរយ នៅធនាគារ ស៊ីអាយអិមប៊ី ថៃ (CIMB Thai) នៅក្នុងប្រទេសថៃ។
ស៊ីអាយអិមប៊ី គ្រុប ត្រូវបានចុះបញ្ជីភាគហ៊ុននៅលើទីផ្សារមូលបត្រ ប៊ូរសា ម៉ាឡេស៊ី (Bursa Malaysia) តាមរយៈ ស៊ីអាយអិមប៊ី គ្រុប ហូលឌីង ប៊ឺហាដ (CIMB Group Holding Berhad)។ ស៊ីអាយអិមប៊ី គ្រុប មានមូលធនទីផ្សារ នៅលើទីផ្សារមូលបត្រ ប្រហែលជា ៣៨,១ ពាន់លាន រីងហ្គីតម៉ាឡេស៊ី គិតត្រឹមថ្ងៃទី ៣០ ខែមិថុនា ឆ្នាំ២០១៦។ ស៊ីអាយអិមប៊ី គ្រុប មានបុគ្គលិកសរុបជាង ៤០.០០០នាក់ នៅក្នុងប្រទេសចំនួន ១៦។
សម្រាប់ព័ត៌មានបន្ថែម សូមទំនាក់ទំនងមកកាន់
លោក ស្រេង ភារុណ
ផ្នែកទីផ្សារ និងទំនាក់ទំនង
ទូរសព្ទ៖ +៨៥៥ (០) ៩២ ៩៥៧ ៤៥៥
ទូរសារ៖ +៨៥៥ (០) ២៣ ៩៨៨ ០៩៩
អ៊ីមែល៖ [email protected]
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com