អត្ថបទពាណិជ្ជកម្ម
សិស្សានុសិស្ស AIS & Aii ៤៦នាក់ បញ្ចប់ទស្សនកិច្ចសិក្សានៅជប៉ុនដោយជោគជ័យ
×![]()
ក្រោយពីបានធ្វើដំណើរទស្សនកិច្ចសិក្សានៅប្រទេសជប៉ុនរយៈពេល៥ថ្ងៃ រាប់ចាប់តាំងពីថ្ងៃទី១៩ រហូតដល់ថ្ងៃទី២៣ ខែកុម្ភៈ ឆ្នាំ២០១៧ កន្លងមកថ្មីៗនេះ សិស្សានុសិស្សនៃវិទ្យាស្ថាន និងសាលារៀន អន្តរទ្វីប អាមេរិកាំង ទាំង៤៦នាក់ រួមនឹងគណៈប្រតិភូដឹកនាំបានវិលត្រឡប់មកវិញដោយជោគជ័យជាមួយនឹងបទពិសោធ និងចំណេះដឹងថ្មីៗដ៏សម្បូរបែប។
ថ្លែងនាឱកាសវិលត្រឡប់មកវិញនៅឯអាកាសយានដ្ឋានអន្តរជាតិភ្នំពេញ យុវសិស្ស ហ៊ុយ កុសល រៀនថ្នាក់ទី១០ នៃសាលារៀន អន្តរទ្វីប អាមេរិកាំង សាខាម៉ៅសេទុង បានប្រាប់អ្នកសារព័ត៌មានយើងឱ្យដឹងថា ក្នុងដំណើរទស្សនកិច្ចសិក្សានោះ ពួកគេបានទៅទស្សនា និងសិក្សារៀនសូត្រពីវប្បធម៌ខ្លះៗនៃតំបន់មួយចំនួនក្នុងប្រទេសជប៉ុន ដូចជាភាពស៊ីវិល័យរបស់ក្រុង Tokyo, ផ្សារទំនើប Shinjuku, វិមានរដ្ឋបាលក្រុងតូក្យូ Metropolitan, មជ្ឈមណ្ឌលកម្សាន្ដ kabukicho, សួនកម្សាន្តគ្មានដែនកំណត់ Tokyo Disneyland, សាកលវិទ្យាល័យ Chiba, រមណីយដ្ឋាន Hakone, ឧទ្យានសន្តិភាព Peace Park, ភូមិបុរាណ Sohino Hakkai ដែលជាសម្បត្តិបេតិកភណ្ឌពិភពលោក និងទេសភាពនៅតំបន់ភ្នំ Fuji ជាដើម។ ថ្លែងដោយទឹកមុខរីករាយនោះ យុវសិស្សរូបនេះបន្តថា ខ្លួនពិតជាមានអារម្មណ៍ប្លែក ប្លែកដោយហេតុថាប្រជាជននៅទីនោះមានវប្បធម៌ និងរបៀបរបបខុសឆ្ងាយពីកម្ពុជាយើងច្រើនណាស់ ដោយប្រជាជនជប៉ុនគេចូលចិត្តធ្វើសកម្មភាពការងារប្រចាំថ្ងៃលឿនរហ័ស ដំណើរហាក់ប្រញាប់ប្រញាល់ និងគោរពពេលវេលាបានល្អ។ លើសពីនោះ បរិស្ថាន អនាម័យ សណ្ដាប់ធ្នាប់ ឥរិយាបថ របៀបទំនាក់ទំនង និងចរាចរណ៍ជាដើម គឺសុទ្ធតែរៀបចំបានល្អគួរឱ្យចង់រស់នៅ។
ស្រដៀងគ្នានេះដែរ យុវតី សុជាតិ សិស្សថ្នាក់ទី១២ នៃសាលារៀន អន្តរទ្វីប អាមេរិកាំង សាខាម៉ៅសេទុង ដែរនោះ បានបញ្ចេញចំណាប់អារម្មណ៍របស់ខ្លួនថា ប្រជាជននៅទីនោះរួសរាយរាក់ទាក់ គោរពរាប់អានភ្ញៀវអន្តរជាតិ ហើយឱ្យតម្លៃយើងដោយមិនរើសអើងពណ៌សម្បុរ ឬជាតិសាសន៍អ្វីឡើយ។ យ៉ាងណាក៏ដោយ សិស្សថ្នាក់ទី១២រូបនេះក៏លើកឡើងផងដែរថា ខ្លួននិងមិត្តភក្តិ ព្រមទាំងថ្នាក់ដឹកនាំ មានផលវិបាកតិចតួចក្នុងការបរិភោគអាហារ និងកត្តាអាកាសធាតុ។
សូមជម្រាបជូនថា ជុំវិញដំណើរទស្សនកិច្ចសិក្សាលើកនេះ អ្នកស្រី ចាប ស្រីឃួន ចាងហ្វាងមត្តេយ្យ និងបឋមសិក្សា នៃសាលារៀន អន្តរទ្វីប អាមេរិកាំង សាខាទួលគោក និងជាអ្នកដឹកនាំសិស្សានុសិស្សក្នុងឱកាសទស្សនកិច្ចសិក្សានោះបានឱ្យដឹងថា សាលារៀនបង្កើតឱ្យមានដំណើរទស្សនកិច្ចសិក្សាក្រៅប្រទេសបែបនេះឡើង គឺដើម្បីឱ្យសិស្សានុសិស្សបានឈ្វេងយល់ពីការសិក្សារបស់សិស្ស និងនិស្សិតនៅតាមគ្រឹះស្ថានអប់រំនានានៃប្រទេសជប៉ុន, ចេះផ្សារភ្ជាប់ការសិក្សា និងកំណត់គោលដៅបន្ដការសិក្សានៅថ្នាក់មហាវិទ្យាល័យ, សិក្សាឈ្វេងយល់ពីជីវភាពរស់នៅ របាយប្រជាជន អាកាសធាតុ វប្បធម៌ និងអរិយធម៌ វប្បធម៌, ទស្សនារមណីយដ្ឋាន និងសិក្សាពីតំបន់ទេសចរណ៍ដ៏ល្បីៗ, ស្គាល់ពីភូមិសាស្ត្រនៃតំបន់មួយចំនួនក្នុងក្រុងតូក្យូ ហេដ្ឋារចនាសម្ព័ន្ធ សេដ្ឋកិច្ច និងបច្ចេកវិទ្យានៃប្រទេសជប៉ុន, រឹតចំណងមិត្តភាពរវាងសិស្សរួមថ្នាក់ និងមិត្តរួមសាលារៀន និងជាពិសេសចង់បង្កើនភាពក្លាហាន ការសហការ ការដឹកនាំ ភាពម្ចាស់ការ សាមគ្គីភាព ទំនាក់ទំនងក្នុងក្រុម ទំនាក់ទំនងជាមួយមហាជនដល់សិស្សរបស់ខ្លួនជាដើម។ ពិសេសដើម្បីជំរុញឱ្យសិស្សានុសិស្សទទួលបាននូវចំណេះដឹង និងបទពិសោធទូលំទូលាយជាសកល ពីបណ្ដាប្រទេសក្នុងតំបន់ផ្សេងៗនៅក្នុងពិភពលោក ក៏ដូចជាបណ្ដុះទឹកចិត្តឱ្យសិស្សានុសិស្សចាប់អារម្មណ៍ការសិក្សានៅបរទេសផងដែរ។
គួររម្លឹកជូនដែរថា វិទ្យាស្ថាន និងសាលារៀន អន្តរទ្វីប អាមេរិកាំង តែងតែរៀបចំដំណើរទស្សនកិច្ចសិក្សាក្រៅប្រទេសបែបនេះក្នុងមួយឆ្នាំសិក្សាម្ដង សម្រាប់សិស្សានុសិស្សកម្រិតមធ្យមសិក្សាទុតិយភូមិ ពោលគឺចាប់ពីថ្នាក់ទី១០ ដល់ថ្នាក់ទី១២ ហើយនេះជាដំណើរទស្សនកិច្ចសិក្សានៅបរទេសលើកទី៥ហើយ ដែលកន្លងមក វិទ្យាស្ថាន និងសាលារៀន មួយនេះធ្លាប់បានធ្វើទស្សនកិច្ចសិក្សានៅប្រទេសម៉ាឡេស៊ី សិង្ហបុរី សាធារណរដ្ឋប្រជាមានិតចិន និងសាធារណរដ្ឋកូរ៉េខាងត្បូង៕
(អត្ថបទសាលា)
ថ្លែងនាឱកាសវិលត្រឡប់មកវិញនៅឯអាកាសយានដ្ឋានអន្តរជាតិភ្នំពេញ យុវសិស្ស ហ៊ុយ កុសល រៀនថ្នាក់ទី១០ នៃសាលារៀន អន្តរទ្វីប អាមេរិកាំង សាខាម៉ៅសេទុង បានប្រាប់អ្នកសារព័ត៌មានយើងឱ្យដឹងថា ក្នុងដំណើរទស្សនកិច្ចសិក្សានោះ ពួកគេបានទៅទស្សនា និងសិក្សារៀនសូត្រពីវប្បធម៌ខ្លះៗនៃតំបន់មួយចំនួនក្នុងប្រទេសជប៉ុន ដូចជាភាពស៊ីវិល័យរបស់ក្រុង Tokyo, ផ្សារទំនើប Shinjuku, វិមានរដ្ឋបាលក្រុងតូក្យូ Metropolitan, មជ្ឈមណ្ឌលកម្សាន្ដ kabukicho, សួនកម្សាន្តគ្មានដែនកំណត់ Tokyo Disneyland, សាកលវិទ្យាល័យ Chiba, រមណីយដ្ឋាន Hakone, ឧទ្យានសន្តិភាព Peace Park, ភូមិបុរាណ Sohino Hakkai ដែលជាសម្បត្តិបេតិកភណ្ឌពិភពលោក និងទេសភាពនៅតំបន់ភ្នំ Fuji ជាដើម។ ថ្លែងដោយទឹកមុខរីករាយនោះ យុវសិស្សរូបនេះបន្តថា ខ្លួនពិតជាមានអារម្មណ៍ប្លែក ប្លែកដោយហេតុថាប្រជាជននៅទីនោះមានវប្បធម៌ និងរបៀបរបបខុសឆ្ងាយពីកម្ពុជាយើងច្រើនណាស់ ដោយប្រជាជនជប៉ុនគេចូលចិត្តធ្វើសកម្មភាពការងារប្រចាំថ្ងៃលឿនរហ័ស ដំណើរហាក់ប្រញាប់ប្រញាល់ និងគោរពពេលវេលាបានល្អ។ លើសពីនោះ បរិស្ថាន អនាម័យ សណ្ដាប់ធ្នាប់ ឥរិយាបថ របៀបទំនាក់ទំនង និងចរាចរណ៍ជាដើម គឺសុទ្ធតែរៀបចំបានល្អគួរឱ្យចង់រស់នៅ។
ស្រដៀងគ្នានេះដែរ យុវតី សុជាតិ សិស្សថ្នាក់ទី១២ នៃសាលារៀន អន្តរទ្វីប អាមេរិកាំង សាខាម៉ៅសេទុង ដែរនោះ បានបញ្ចេញចំណាប់អារម្មណ៍របស់ខ្លួនថា ប្រជាជននៅទីនោះរួសរាយរាក់ទាក់ គោរពរាប់អានភ្ញៀវអន្តរជាតិ ហើយឱ្យតម្លៃយើងដោយមិនរើសអើងពណ៌សម្បុរ ឬជាតិសាសន៍អ្វីឡើយ។ យ៉ាងណាក៏ដោយ សិស្សថ្នាក់ទី១២រូបនេះក៏លើកឡើងផងដែរថា ខ្លួននិងមិត្តភក្តិ ព្រមទាំងថ្នាក់ដឹកនាំ មានផលវិបាកតិចតួចក្នុងការបរិភោគអាហារ និងកត្តាអាកាសធាតុ។
សូមជម្រាបជូនថា ជុំវិញដំណើរទស្សនកិច្ចសិក្សាលើកនេះ អ្នកស្រី ចាប ស្រីឃួន ចាងហ្វាងមត្តេយ្យ និងបឋមសិក្សា នៃសាលារៀន អន្តរទ្វីប អាមេរិកាំង សាខាទួលគោក និងជាអ្នកដឹកនាំសិស្សានុសិស្សក្នុងឱកាសទស្សនកិច្ចសិក្សានោះបានឱ្យដឹងថា សាលារៀនបង្កើតឱ្យមានដំណើរទស្សនកិច្ចសិក្សាក្រៅប្រទេសបែបនេះឡើង គឺដើម្បីឱ្យសិស្សានុសិស្សបានឈ្វេងយល់ពីការសិក្សារបស់សិស្ស និងនិស្សិតនៅតាមគ្រឹះស្ថានអប់រំនានានៃប្រទេសជប៉ុន, ចេះផ្សារភ្ជាប់ការសិក្សា និងកំណត់គោលដៅបន្ដការសិក្សានៅថ្នាក់មហាវិទ្យាល័យ, សិក្សាឈ្វេងយល់ពីជីវភាពរស់នៅ របាយប្រជាជន អាកាសធាតុ វប្បធម៌ និងអរិយធម៌ វប្បធម៌, ទស្សនារមណីយដ្ឋាន និងសិក្សាពីតំបន់ទេសចរណ៍ដ៏ល្បីៗ, ស្គាល់ពីភូមិសាស្ត្រនៃតំបន់មួយចំនួនក្នុងក្រុងតូក្យូ ហេដ្ឋារចនាសម្ព័ន្ធ សេដ្ឋកិច្ច និងបច្ចេកវិទ្យានៃប្រទេសជប៉ុន, រឹតចំណងមិត្តភាពរវាងសិស្សរួមថ្នាក់ និងមិត្តរួមសាលារៀន និងជាពិសេសចង់បង្កើនភាពក្លាហាន ការសហការ ការដឹកនាំ ភាពម្ចាស់ការ សាមគ្គីភាព ទំនាក់ទំនងក្នុងក្រុម ទំនាក់ទំនងជាមួយមហាជនដល់សិស្សរបស់ខ្លួនជាដើម។ ពិសេសដើម្បីជំរុញឱ្យសិស្សានុសិស្សទទួលបាននូវចំណេះដឹង និងបទពិសោធទូលំទូលាយជាសកល ពីបណ្ដាប្រទេសក្នុងតំបន់ផ្សេងៗនៅក្នុងពិភពលោក ក៏ដូចជាបណ្ដុះទឹកចិត្តឱ្យសិស្សានុសិស្សចាប់អារម្មណ៍ការសិក្សានៅបរទេសផងដែរ។
គួររម្លឹកជូនដែរថា វិទ្យាស្ថាន និងសាលារៀន អន្តរទ្វីប អាមេរិកាំង តែងតែរៀបចំដំណើរទស្សនកិច្ចសិក្សាក្រៅប្រទេសបែបនេះក្នុងមួយឆ្នាំសិក្សាម្ដង សម្រាប់សិស្សានុសិស្សកម្រិតមធ្យមសិក្សាទុតិយភូមិ ពោលគឺចាប់ពីថ្នាក់ទី១០ ដល់ថ្នាក់ទី១២ ហើយនេះជាដំណើរទស្សនកិច្ចសិក្សានៅបរទេសលើកទី៥ហើយ ដែលកន្លងមក វិទ្យាស្ថាន និងសាលារៀន មួយនេះធ្លាប់បានធ្វើទស្សនកិច្ចសិក្សានៅប្រទេសម៉ាឡេស៊ី សិង្ហបុរី សាធារណរដ្ឋប្រជាមានិតចិន និងសាធារណរដ្ឋកូរ៉េខាងត្បូង៕
(អត្ថបទសាលា)
© រក្សាសិទ្ធិដោយ thmeythmey.com
