ឯកឧត្តម កឹម សុខា៖ ការបង្កជម្លោះ មិនមែនជាជំហររបស់បក្សប្រឆាំងឡើយ

ជាតិ

ឯកឧត្តម កឹម សុខា៖ ការបង្កជម្លោះ មិនមែនជាជំហររបស់បក្សប្រឆាំងឡើយ

08, Aug 2017 , 5:38 pm

រូបភាព

ដោយ: ថ្មីៗ

ភ្នំពេញ៖ ការបង្កជម្លោះ មិនមែនគោលជំហររបស់គណបក្សសង្គ្រោះជាតិ នោះទេ។ ឯកឧត្តម កឹម សុខា ប្រធានគណបក្សសង្គ្រោះជាតិ បានសរសេរលើបណ្តាញសង្គមហ្វេសប៊ុក យ៉ាងដូច្នេះ នៅថ្ងៃទី៨ ខែសីហា ឆ្នាំ២0១៧នេះ។

តាមរយៈបណ្តាញសង្គមហ្វេសប៊ុក ឯកឧត្តម កឹម សុខា មិនគាំទ្រសោះឡើយ ចំពោះទង្វើទាំងឡាយណា ដែលបង្កឲ្យអ្នកដទៃឈឺចាប់ ដូចជាការជេរប្រមាថ និងការមួលកាច់ ជាដើម។ ឯកឧត្តមក កឹម សុខា ក៏មិនគាំទ្រផងដែរ ចំពោះការប្រើអំពើហិង្សា ការគំរាមកំហែង ការបំបែកបំបាក់ និងការធ្វើទុកបុកម្នេញដាក់គ្នាទៅវិញទៅមក។

ប្រធានគណបក្សសង្គ្រោះជាតិរូបនេះ បានសរសេរយ៉ាងដូច្នេះថា៖«ល្មមដល់ពេលហើយ ដែលអ្នកនយោបាយខ្មែរ ត្រូវបោះបង់ចោលនូវអំពើអវិជ្ជមានទាំងនេះ ដើម្បីឈានទៅការកសាងសង្គមខ្មែរ ឲ្យមានសុខដុមរមនាទាំងអស់គ្នាឡើងវិញ»។

វា មិនមែនជាលើកទីមួយនោះទេ ដែលមេដឹកនាំបក្សប្រឆាំង បានប្រកាសពីគោលជំហរអហិង្សា និងមិនយកខ្មែរណា ធ្វើជាសត្រូវ។ តាមពិតទៅ សារនយោបាយបែបនេះ ត្រូវបានមេដឹកនាំបក្សប្រឆាំង ប្រើប្រាស់ចាប់តាំងពីការបោះឆ្នោតជ្រើសរើសតំណាងរាស្ត្រ ក្នុងឆ្នាំ២0១៣ មកម្ល៉េះ។ រហូតមកដល់ពេលនេះ មេដឹកនាំបក្សប្រឆាំង ក៏នៅតែបន្តប្រើសារនយោបាយបែបនេះដដែល និងតែងដាស់តឿនអ្នកគាំទ្រ រួមទាំងមន្ត្រីរបស់ខ្លួនឲ្យអត់ធ្មត់ ហើយខិតខំឆ្ពោះទៅមុខ ដើម្បីឈានទៅរកជ័យជម្នះក្នុងការបោះឆ្នោត នាឆ្នាំ២0១៨៕