អន្តរជាតិ
ប្រធានអាស៊ាន ឌូទើតេ អញ្ជើញនាយករដ្ឋមន្ត្រីកាដាណា ទ្រូដូ មកចូលរួម«កិច្ចប្រជុំអាស៊ីបូព៌ា» ខែវិច្ឆិកា
×![]()
នាយករដ្ឋមន្ត្រីកាណាដា លោក ចាស្ទីន ទ្រូដូ (Justin Trudeau) ទំនងជានឹងអញ្ជើញមកចូលរួមជាភ្ងៀវក្នុងកិច្ចប្រជុំកំពូលអាស៊ីបូព៌ាដែលនឹងត្រូវរៀបចំឡើងវិច្ឆិកាខាងមុខ តបតាមការអញ្ជើញរបស់ប្រធានអាស៊ានប្តូរវេនប្រធានាធិបតីហ្វីលីពីន រ៉ូឌ្រីហ្គោ ឌូទើតេ (Rodrigo Duterte)។ ក្រោមការដឹកនាំរបស់លោក ចាស្ទីន ទ្រូដូ កាណាដាមានគោលនយោបាយបង្កើនឥទ្ធិពលរបស់ខ្លួនឡើងវិញក្នុងតំបន់ និងពង្រឹងទំនាក់ទំនងជាមួយសមាជិកអាស៊ានផង។
អ្នកនាំពាក្យក្រសួងការបរទេសហ្វីលីពីន បានបញ្ជាក់ប្រាប់អ្នកសារព័ត៌មានចុងសប្តាហ៍កន្លងទៅថា ប្រធានាធិបតី រ៉ូឌ្រីហ្គោ ឌូទើតេ (Rodrigo Duterte) បានផ្ញើលិខិតផ្លូវការទៅនាយករដ្ឋមន្ត្រីកាណាដាដើម្បីអញ្ជើញលោកមកចូលរួមកិច្ចប្រជុំកំពូលអាស៊ីបូព៌ា។
លោក Robespierre Bolivar បានបញ្ជាក់ដូច្នេះ៖« ហ្វីលីពីនបានប្រកាសពីការផ្ញើលិខិតអញ្ជើញផ្លូវការរបស់លោកប្រធានាធិបតី ឌូទើតេ ដើម្បីអញ្ជើញលោកនាយករដ្ឋមន្ត្រី ចាស្ទីន ទ្រូដូ ឲ្យមកចូលរួមកិច្ចប្រជុំកំពូលអាស៊ីបូព៌ានៅខែវិច្ឆិកា ក្នុងនាមជាភ្ញៀវរបស់ប្រធានអាស៊ាន»។
តាមពិតទៅ កាណាដាបន្តស្វះស្វែងរកឱកាសដើម្បីក្លាយជាសមាជិកកិច្ចប្រជុំកំពូលអាស៊ីបូព៌ា និងកិច្ចប្រជុំរដ្ឋមន្ត្រីការពារជាតិបូក តាំងពីយូរមកហើយ ហើយហ្វីលីពីនយល់ថា វាជាពេលល្អដែលត្រូវអញ្ជើញមេដឹកនាំប្រទេសមហាអំណាចមួយនេះឲ្យមកចូលរួមកិច្ចប្រជុំនៅខាងមុខផង។ ក្រៅពី កាណាដា លោក ឌូទើតេ ក៏បានអញ្ជើញប្រធានក្រុមប្រឹក្សាអឺរ៉ុបលោក Donald Tusk មកចូលរួមកិច្ចប្រជុំខាងលើក្នុងនាមជាភ្ញៀវរបស់ប្រធានអាស៊ានដែរ។
ត្រឡប់មកវិញ បើសិនជាលោក ចាស្ទីន ទ្រូដូ អញ្ជើញមកចូលរួមតបតាមការអញ្ជើញរបស់លោក ឌូទើតេ មែន វានឹងក្លាយជាទស្សនកិច្ចលើកទីពីររបស់លោកមកកាន់ប្រទេសហ្វីលីពីនហើយ។ ទស្សនកិច្ចលើកដំបូងធ្វើឡើងនៅចុងឆ្នាំ ២០១៥ នៅពេលដែលលោកអញ្ជើញមកចូលរួមក្នុងកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APE) នៅហ្វីលីពីន។
-កាណាដាប្តេជ្ញាពង្រឹងតួនាទីរបស់ខ្លួនក្នុងតំបន់
តាមពិតទៅឆ្នាំ ២០១៧ ជាឆ្នាំពិសេសសម្រាប់ទំនាក់ទំនងរវាងអាស៊ាន និង កាណាដា ព្រោះវាត្រូវជាខួបលើកទី ៥០ឆ្នាំនៃការបង្កើតអាស៊ានផង ហើយវាក៏ជាខួបលើកទី ៤០នៃការបង្កើតទំនាក់ទំនងរវាងអាស៊ាននិងកាណដាផងដែរ។ អ្វីដែលគួរឲ្យកត់សម្គាល់ កាណាដា ក្រោមការដឹកនាំ របស់លោក ចាស្ទីន ទ្រូដូ ក៏មានគោលនយោបាយការបរទេសកំណត់យកតំបន់អាស៊ានជាតំបន់អាទិភាពផងដែរ។ លោក មានគោលបំណង ផ្សាភ្ជាប់ទំនាក់ទំនងរវាងកាណាដា ជាមួយអាស៊ានដែលត្រូវបានបង្កើតឡើងកន្លងមកឲ្យកាន់តែប្រសើរនិងស៊ីជម្រៅ គ្របដណ្តប់លើវិស័យជាច្រើនមាននយោបាយ សន្តិសុខ សេដ្ឋកិច្ច និងការទូតជាដើម៕
សប្តាហ៍នេះ គេឃើញមានវត្តមានលោកស្រីរដ្ឋមន្ត្រីការបរទេសកាណាដា Chrystia Freeland នៅក្រុងម៉ានីល ប្រទេសហ្វីលីពីន ដែរ ដោយស្រីអញ្ជើញមកចូលរួមក្នុងកិច្ចប្រជុំវេទិកាសន្តិសុខតំបន់អាស៊ាន (ARF)។ ក្នុងវេទិកាសន្តិសុខប្រចាំឆ្នាំនេះ លោកស្រីប្រមុខការទូតកាណាដា បានលើកឡើងពីការប្តេជ្ញាចិត្តរបស់កាណាដា ក្នុងការចូលរួមរក្សាសន្តិសុខ សន្តិភាពនិង ស្ថិរភាព នៅក្នុងតំបន់អាស៊ីប៉ាស៊ីហ្វិក។ គម្រោងផ្តល់ជំនួយអភិវឌ្ឍ និងសន្តិសុខចំនួន ១២ ត្រូវបានប្រកាសដោយរដ្ឋមន្ត្រីការបរទេសកាណាដា បន្ថែមលើជំនួយមនុស្សធម៌ និង អប់រំដែលមានទំហំប្រហែល ២០លានដុល្លារនោះ។
បន្ថែមពីនេះលោកស្រីក៏បានចូលរួមពិភាក្សាផ្លាស់ប្តូរយោបល់ជាមួយជាមួយសមភាគីតំណាងប្រទេស ២៦ ផ្សេងទៀតដែលមានវត្តមានក្នុងវេទិកាតំបន់អាស៊ាន ដើម្បីដោះស្រាយបញ្ហាសន្តិសុខ រួមទាំងបញ្ហានុយក្លេអ៊ែរកូរ៉េខាងជើង និងការកើនឡើងនៃចលនាភេរវកម្ម និងមនោគមន៍វិជ្ជាជ្រុលនិយមក្នុងតំបន់អាស៊ីអាគ្នេយ៍ផងដែរ៕
អ្នកនាំពាក្យក្រសួងការបរទេសហ្វីលីពីន បានបញ្ជាក់ប្រាប់អ្នកសារព័ត៌មានចុងសប្តាហ៍កន្លងទៅថា ប្រធានាធិបតី រ៉ូឌ្រីហ្គោ ឌូទើតេ (Rodrigo Duterte) បានផ្ញើលិខិតផ្លូវការទៅនាយករដ្ឋមន្ត្រីកាណាដាដើម្បីអញ្ជើញលោកមកចូលរួមកិច្ចប្រជុំកំពូលអាស៊ីបូព៌ា។
លោក Robespierre Bolivar បានបញ្ជាក់ដូច្នេះ៖« ហ្វីលីពីនបានប្រកាសពីការផ្ញើលិខិតអញ្ជើញផ្លូវការរបស់លោកប្រធានាធិបតី ឌូទើតេ ដើម្បីអញ្ជើញលោកនាយករដ្ឋមន្ត្រី ចាស្ទីន ទ្រូដូ ឲ្យមកចូលរួមកិច្ចប្រជុំកំពូលអាស៊ីបូព៌ានៅខែវិច្ឆិកា ក្នុងនាមជាភ្ញៀវរបស់ប្រធានអាស៊ាន»។
តាមពិតទៅ កាណាដាបន្តស្វះស្វែងរកឱកាសដើម្បីក្លាយជាសមាជិកកិច្ចប្រជុំកំពូលអាស៊ីបូព៌ា និងកិច្ចប្រជុំរដ្ឋមន្ត្រីការពារជាតិបូក តាំងពីយូរមកហើយ ហើយហ្វីលីពីនយល់ថា វាជាពេលល្អដែលត្រូវអញ្ជើញមេដឹកនាំប្រទេសមហាអំណាចមួយនេះឲ្យមកចូលរួមកិច្ចប្រជុំនៅខាងមុខផង។ ក្រៅពី កាណាដា លោក ឌូទើតេ ក៏បានអញ្ជើញប្រធានក្រុមប្រឹក្សាអឺរ៉ុបលោក Donald Tusk មកចូលរួមកិច្ចប្រជុំខាងលើក្នុងនាមជាភ្ញៀវរបស់ប្រធានអាស៊ានដែរ។
ត្រឡប់មកវិញ បើសិនជាលោក ចាស្ទីន ទ្រូដូ អញ្ជើញមកចូលរួមតបតាមការអញ្ជើញរបស់លោក ឌូទើតេ មែន វានឹងក្លាយជាទស្សនកិច្ចលើកទីពីររបស់លោកមកកាន់ប្រទេសហ្វីលីពីនហើយ។ ទស្សនកិច្ចលើកដំបូងធ្វើឡើងនៅចុងឆ្នាំ ២០១៥ នៅពេលដែលលោកអញ្ជើញមកចូលរួមក្នុងកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APE) នៅហ្វីលីពីន។
-កាណាដាប្តេជ្ញាពង្រឹងតួនាទីរបស់ខ្លួនក្នុងតំបន់
តាមពិតទៅឆ្នាំ ២០១៧ ជាឆ្នាំពិសេសសម្រាប់ទំនាក់ទំនងរវាងអាស៊ាន និង កាណាដា ព្រោះវាត្រូវជាខួបលើកទី ៥០ឆ្នាំនៃការបង្កើតអាស៊ានផង ហើយវាក៏ជាខួបលើកទី ៤០នៃការបង្កើតទំនាក់ទំនងរវាងអាស៊ាននិងកាណដាផងដែរ។ អ្វីដែលគួរឲ្យកត់សម្គាល់ កាណាដា ក្រោមការដឹកនាំ របស់លោក ចាស្ទីន ទ្រូដូ ក៏មានគោលនយោបាយការបរទេសកំណត់យកតំបន់អាស៊ានជាតំបន់អាទិភាពផងដែរ។ លោក មានគោលបំណង ផ្សាភ្ជាប់ទំនាក់ទំនងរវាងកាណាដា ជាមួយអាស៊ានដែលត្រូវបានបង្កើតឡើងកន្លងមកឲ្យកាន់តែប្រសើរនិងស៊ីជម្រៅ គ្របដណ្តប់លើវិស័យជាច្រើនមាននយោបាយ សន្តិសុខ សេដ្ឋកិច្ច និងការទូតជាដើម៕
សប្តាហ៍នេះ គេឃើញមានវត្តមានលោកស្រីរដ្ឋមន្ត្រីការបរទេសកាណាដា Chrystia Freeland នៅក្រុងម៉ានីល ប្រទេសហ្វីលីពីន ដែរ ដោយស្រីអញ្ជើញមកចូលរួមក្នុងកិច្ចប្រជុំវេទិកាសន្តិសុខតំបន់អាស៊ាន (ARF)។ ក្នុងវេទិកាសន្តិសុខប្រចាំឆ្នាំនេះ លោកស្រីប្រមុខការទូតកាណាដា បានលើកឡើងពីការប្តេជ្ញាចិត្តរបស់កាណាដា ក្នុងការចូលរួមរក្សាសន្តិសុខ សន្តិភាពនិង ស្ថិរភាព នៅក្នុងតំបន់អាស៊ីប៉ាស៊ីហ្វិក។ គម្រោងផ្តល់ជំនួយអភិវឌ្ឍ និងសន្តិសុខចំនួន ១២ ត្រូវបានប្រកាសដោយរដ្ឋមន្ត្រីការបរទេសកាណាដា បន្ថែមលើជំនួយមនុស្សធម៌ និង អប់រំដែលមានទំហំប្រហែល ២០លានដុល្លារនោះ។
បន្ថែមពីនេះលោកស្រីក៏បានចូលរួមពិភាក្សាផ្លាស់ប្តូរយោបល់ជាមួយជាមួយសមភាគីតំណាងប្រទេស ២៦ ផ្សេងទៀតដែលមានវត្តមានក្នុងវេទិកាតំបន់អាស៊ាន ដើម្បីដោះស្រាយបញ្ហាសន្តិសុខ រួមទាំងបញ្ហានុយក្លេអ៊ែរកូរ៉េខាងជើង និងការកើនឡើងនៃចលនាភេរវកម្ម និងមនោគមន៍វិជ្ជាជ្រុលនិយមក្នុងតំបន់អាស៊ីអាគ្នេយ៍ផងដែរ៕
Tag:
កាណាដា
អាស៊ាន
កិច្ចប្រជុំកំពូលអាស៊ីបូព៌ា
Justin Trudeau
© រក្សាសិទ្ធិដោយ thmeythmey.com
