ជាតិ
កឹម សុខា ថា បាតុកម្មថ្ងៃក្រោយអាចដើរចេញពីកន្លែងប្រមូលផ្តុំ ![](https://image.thmeythmey.com/pictures/2013/09/07/1294530_730696786947623_2125219241_o(1).jpg)
×![]()
ភ្នំពេញ ៖ នៅចំពោះមុខមហាបាតុអហិង្សានៅព្រឹកមិញនេះ លោក កឹម សុខា បានប្រកាសថា ប្រសិនបើ «គ ជ ប» នៅតែប្រកាសលទ្ធផលបោះឆ្នោតដោយគ្មាន «គណៈកម្មាការពិសេសឯករាជ្យ» ពេលនោះ មហាបាតុកម្មថ្ងៃក្រោយគឺមិននៅទីកន្លែងតែមួយទេ។
មុនពេលបញ្ចប់សុន្ទរកថារបស់ខ្លួន លោក កឹម សុខា អនុប្រធានគណបក្សបានព្រមានថា «មហាបាតុចុះតាមផ្លូវ»អាចនឹងរៀបចំឡើង ប្រសិនបើ«គជប» នៅតែប្រកាសលទ្ធផលបោះឆ្នោតដោយគ្មានការបង្កើតគណៈកម្មាការឯករាជ្យទេនោះ។ បើយោងតាមគម្រោង «គជប» នឹងប្រកាសលទ្ធផលបណ្តោះអាសន្ននៅថ្ងៃអាទិត្យស្អែកនេះ។
លោក កឹម សុខា និយាយថា ដំណឹងមហាបាតុកម្មនឹងត្រូវប្រកាសនៅពេលក្រោយ។
មហាបាតុកម្មដែលរៀបចំនៅព្រឹកថ្ងៃសៅរ៍នេះត្រូវបិទបញ្ចប់នៅម៉ោងប្រមាណជា១១ព្រឹកដោយពុំមានអំពើហិង្សកើតឡើងទេ។ គណបក្សសង្គ្រោះជាតិប្រកាសថា គឺជាមហាបាតុកម្មជោគជ័យ៕
© រក្សាសិទ្ធិដោយ thmeythmey.com