ខ្មែរក្រហម
ជាតិ
×![]()
គិតមកត្រឹមថ្ងៃទី៩ ខែកញ្ញានេះគឺឈានចូលដល់សប្ដាហ៍ទី២ហើយ ដែលបុគ្គលិកជាង១៤០នាក់ ក្នុងចំណោមបុគ្គលិកជាតិសរុប២៥០នាក់ នៅសាលាក្ដីខ្មែរក្រហម បានបន្តព្យួរការងារ ដោយសារតែមិនទាន់មានដំណោះស្រាយលើបញ្ហាវិបត្តិខ្វះថវិកានៅឡើយនោះទេ។
អ្នកនាំពាក្យសាលាក្ដីខ្មែរក្រហម លោក នេត ភក្ត្រា បានប្រាប់គេហទំព័រថ្មីៗថា គិតមកដល់ពេលនេះគឺមិនទាន់មានសញ្ញាណជាវិជ្ជមានណាមួយ ស្ដីពីដំណោះស្រាយទៅលើវិបត្តិថវិការបស់សាលាក្ដីនេះនៅឡើយនោះទេ។
លោកបន្តថា៖ «ទោះបីជាមិនទាន់មានសញ្ញាណជាវិជ្ជមានក៏ដោយ ក៏កាលពីពេលថ្មីៗនេះគឺមានការជួបប្រជុំជាច្រើនរវាងមន្ត្រីតុលាការ រាជរដ្ឋាភិបាល អង្គការសហប្រជាជាតិ និងក្រុមប្រទេសម្ចាស់ជំនួយ ដើម្បីស្វែងរកដំណោះនានាទៅលើបញ្ហាវិបត្តិថវិកានេះ»។
មន្ត្រីអ្នកនាំពាក្យរូបនេះ បានសរសេរនៅក្នុងសារអេឡិចត្រូនិចមួយ ដែលបានផ្ញើមកកាន់អ្នកសារព័ត៌មាននោះ ដោយបានលើកឡើងថា៖«យើងក៏មានការព្រួយបារម្ភផងដែរថា ប្រសិនបើវិបត្តិហិរញ្ញវត្ថុមិនទាន់អាចដោះស្រាយបាន ការព្យួរការងារនៅតែបន្ត នោះវានឹងនាំឲ្យមានការពន្យារពេលលើ ដំណើរការសវនាការដែលអង្គជំនុំជម្រះគ្រោងនឹងធ្វើឡើងនៅថ្ងៃទី១៦ ខែតុលា ខាងមុខទាក់ទងនឹងការធ្វើសេចក្តីសន្និដ្ឋានបិទបញ្ចប់ការសួរដេញដោលលើសំណុំរឿង ០០២/០១ ដែលមានជនជាប់ចោទពីរនាក់គឺ នួន ជា និងខៀវ សំផននោះផងដែរ»។
ម្យ៉ាងទៀតបើបញ្ហាវិបត្តិថវិកាអូសបន្លាយកាន់តែយូរ នោះក៏នាំឲ្យប៉ះពាល់ដល់គម្រោងនៃការចេញសាលក្រមលើសំណុំរឿង ០០២ /០១ ដែលអង្គជំនុំជម្រះសាលាដំបូងមានផែនការក្នុងការប្រកាសនៅដើមត្រីមាសទី២ ឆ្នាំ ២០១៤ ។
ទាក់ទងនឹងការលាលែងពីតំណែងរបស់សហព្រះរាជអាជ្ញាអន្តរជាតិ លោកអ៊ិនឌ្រូ ខេលីឯណោះវិញ លោក នេត ភក្ត្រាក៏បានបញ្ជាក់ផងដែរថា៖«ការលាលែងចេញពីតំណែងរបស់លោកជាសហព្រះរាជអាជ្ញាអន្តរជាតិ គឺមិនជាប់ពាក់ព័ន្ធនឹងបញ្ហាវិបត្តិថវិការបស់តុលាការទេ ប៉ុន្តែដោយសារ មូលហេតុផ្ទាល់ខ្លួនរបស់គាត់តែប៉ុណ្ណោះ»។
លោក អ៊ិនឌ្រូ ខេលី បានសរសេរនៅក្នុងសេចក្ដីថ្លែងការណ៍របស់លោកថា៖«ខ្ញុំសង្ឃឹមថាបញ្ហាវិបត្តិហិរញ្ញវត្ថុបន្ទាន់មួយចំនួន ដែលតុលាការកំពុងតែប្រឈមមុខ នឹងអាចដោះស្រាយបានដើម្បីឲ្យសំណុំរឿងអាចបញ្ចប់បានត្រឹមត្រូវតាម គម្រោងផែនការរបស់ខ្លួន និងតាមពេលវេលាសមស្រប»៕
អ្នកនាំពាក្យសាលាក្ដីខ្មែរក្រហម លោក នេត ភក្ត្រា បានប្រាប់គេហទំព័រថ្មីៗថា គិតមកដល់ពេលនេះគឺមិនទាន់មានសញ្ញាណជាវិជ្ជមានណាមួយ ស្ដីពីដំណោះស្រាយទៅលើវិបត្តិថវិការបស់សាលាក្ដីនេះនៅឡើយនោះទេ។
លោកបន្តថា៖ «ទោះបីជាមិនទាន់មានសញ្ញាណជាវិជ្ជមានក៏ដោយ ក៏កាលពីពេលថ្មីៗនេះគឺមានការជួបប្រជុំជាច្រើនរវាងមន្ត្រីតុលាការ រាជរដ្ឋាភិបាល អង្គការសហប្រជាជាតិ និងក្រុមប្រទេសម្ចាស់ជំនួយ ដើម្បីស្វែងរកដំណោះនានាទៅលើបញ្ហាវិបត្តិថវិកានេះ»។
មន្ត្រីអ្នកនាំពាក្យរូបនេះ បានសរសេរនៅក្នុងសារអេឡិចត្រូនិចមួយ ដែលបានផ្ញើមកកាន់អ្នកសារព័ត៌មាននោះ ដោយបានលើកឡើងថា៖«យើងក៏មានការព្រួយបារម្ភផងដែរថា ប្រសិនបើវិបត្តិហិរញ្ញវត្ថុមិនទាន់អាចដោះស្រាយបាន ការព្យួរការងារនៅតែបន្ត នោះវានឹងនាំឲ្យមានការពន្យារពេលលើ ដំណើរការសវនាការដែលអង្គជំនុំជម្រះគ្រោងនឹងធ្វើឡើងនៅថ្ងៃទី១៦ ខែតុលា ខាងមុខទាក់ទងនឹងការធ្វើសេចក្តីសន្និដ្ឋានបិទបញ្ចប់ការសួរដេញដោលលើសំណុំរឿង ០០២/០១ ដែលមានជនជាប់ចោទពីរនាក់គឺ នួន ជា និងខៀវ សំផននោះផងដែរ»។
ម្យ៉ាងទៀតបើបញ្ហាវិបត្តិថវិកាអូសបន្លាយកាន់តែយូរ នោះក៏នាំឲ្យប៉ះពាល់ដល់គម្រោងនៃការចេញសាលក្រមលើសំណុំរឿង ០០២ /០១ ដែលអង្គជំនុំជម្រះសាលាដំបូងមានផែនការក្នុងការប្រកាសនៅដើមត្រីមាសទី២ ឆ្នាំ ២០១៤ ។
ទាក់ទងនឹងការលាលែងពីតំណែងរបស់សហព្រះរាជអាជ្ញាអន្តរជាតិ លោកអ៊ិនឌ្រូ ខេលីឯណោះវិញ លោក នេត ភក្ត្រាក៏បានបញ្ជាក់ផងដែរថា៖«ការលាលែងចេញពីតំណែងរបស់លោកជាសហព្រះរាជអាជ្ញាអន្តរជាតិ គឺមិនជាប់ពាក់ព័ន្ធនឹងបញ្ហាវិបត្តិថវិការបស់តុលាការទេ ប៉ុន្តែដោយសារ មូលហេតុផ្ទាល់ខ្លួនរបស់គាត់តែប៉ុណ្ណោះ»។
លោក អ៊ិនឌ្រូ ខេលី បានសរសេរនៅក្នុងសេចក្ដីថ្លែងការណ៍របស់លោកថា៖«ខ្ញុំសង្ឃឹមថាបញ្ហាវិបត្តិហិរញ្ញវត្ថុបន្ទាន់មួយចំនួន ដែលតុលាការកំពុងតែប្រឈមមុខ នឹងអាចដោះស្រាយបានដើម្បីឲ្យសំណុំរឿងអាចបញ្ចប់បានត្រឹមត្រូវតាម គម្រោងផែនការរបស់ខ្លួន និងតាមពេលវេលាសមស្រប»៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
