បារីអេឡិចត្រូនិក ជាកត្តាជំរុញអ្នកផ្តាច់បារីឲ្យត្រលប់មកជក់វិញ

អន្តរជាតិ

បារីអេឡិចត្រូនិក ជាកត្តាជំរុញអ្នកផ្តាច់បារីឲ្យត្រលប់មកជក់វិញ

31, Aug 2019 , 5:59 pm

រូបភាព

ដោយ៖ ឈួន ឈីវអ៊ីង

បារីអេឡិចត្រូនិក អាចនឹងជំរុញអតីតក្រុមអ្នកជក់បារី ឲ្យត្រលប់មករកទម្លាប់ដើមរបស់គេ និងធ្វើជាអ្នកជក់បារីជាថ្មីម្តងទៀត។ នេះបើយោងតាមលេខាធិការប្រតិបត្តិនៃមូលនិធិសកម្មភាពជក់បារីនិងសុខភាពថៃ លោក Prakit Vathesatogkit ។

លោកវេជ្ជបណ្ឌិត Prakit Vathesatogkit បាននិយាយថា ការប្រើប្រាស់បារីអេឡិចត្រូនិកអាចជាការចាប់ផ្តើមនៃការជក់បារី។ មានរបាយការណ៍ស្តីពីសុខភាពនៃសហរដ្ឋអាមេរិកជាច្រើនបង្ហាញថា បារីអេឡិចត្រូនិកអាចនឹងជំរុញអតីតក្រុមអ្នកជក់បារី ឲ្យត្រលប់មកជក់បារីម្តងទៀត។

ដោយយោងទៅលើការសិក្សាដែលចុះផ្សាយក្នុងរបាយការណ៍សុខភាពសាធារណៈនៅអាមេរិកនៅខែសីហា លោក Prakit បន្តថា ការប្រើប្រាស់បារីអេឡិចត្រូនិកមិនល្អចំពោះសុខភាព ហើយមិនបានជួយផ្តាច់បារីបាននោះទេ។ អំឡុងឆ្នាំ ២០១៣ ដល់២០១៥ មានអ្នកដែលផ្តាច់បារីបានសម្រេចជាច្រើននាក់ ប្រើប្រាស់បារីអេឡិចត្រូនិក ហើយក៏ត្រឡប់ទៅជក់បារីកញ្ចប់ដូចដើមវិញ។

បើតាមទីភ្នាក់ងារព័ត៌មាន AFP ទិន្នន័យដែលបានចេញផ្សាយដោយមជ្ឈមណ្ដលគ្រប់គ្រងនិងបង្កាជម្ងឺកាលពីចុងសប្ដាហ៍បង្ហាញថាថា មានជំងឺថ្លើមកើតឡើង១៩៣ករណីក្នុងរដ្ឋចំនួន២២ នៅអាមេរិកដោយសារការប្រើបារីអេឡិចត្រូនិកគិតត្រឹមចុងខែមិថុនា។ យោងតាមអង្គការសុខភាពពិភពលោក ថ្នាំជក់បានសម្លាប់ប្រជាជនជុំវិញពិភពលោកជាង ៨លាននាក់ក្នុងមួយឆ្នាំ។

វត្ដុរាវដែលនៅក្នុងបារីអេឡិចត្រូនិក ត្រូវបានផ្សំឡើងពីសារជាតិនីកូទីន ដែលគេយកមកសិក្សាឃើញថាមានសារជាតិញៀនខ្ពស់ ហើយក៏មានសារធាតុចម្រុះជាច្រើនទៀតដែលជារបស់ហាមឃាត់។ នេះបើតាមបណ្ឌិត្យសភាវិទ្យាសាស្ត្រជាតិអាមេរិក៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

8 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម