អន្តរជាតិ
កូរ៉េខាងត្បូង ស្នើកែប្រែតំបន់គ្មានយោធាខណ្ឌចែកឧបទ្វីបកូរ៉េទៅជាតំបន់សន្តិភាពវិញ
ប្រធានាធិបតីកូរ៉េខាងត្បូង មូន ចេអ៊ីន ថ្លែងនាកិច្ចប្រជុំមហាសន្និបាតអង្គការសហប្រជាជាតិ។ រូបភាព AFP
×![]()
ដោយ៖ ងួន សុភាវត្តី
នៅថ្ងៃអង្គារទី២៤ខែកញ្ញា ប្រធានាធិបតីកូរ៉េខាងត្បូងលោក មូន ចេអ៊ីន បានស្នើទៅអង្គការសហប្រជាជាតិអោយបង្កើតតំបន់សន្តិភាពមួយដើម្បីជំនួសអោយតំបន់គ្មានយោធានៅឧបទ្វីបកូរ៉េ។ លោក មូន បានលើកឡើងថា គំនិតនេះនឹងជំរុញសន្តិភាពក្នុងតំបន់ ក៏ដូចជាការធានាសន្តិសុខសម្រាប់កូរ៉េខាងជើងផងដែរ។
លោក មូន ចេអ៊ីន ប្រធានាធិបតីកូរ៉េខាងត្បូង ដែលបានត្រួសត្រាយផ្លូវការទូតដល់កិច្ចជំនួបប្រវត្តិសាស្ត្ររវាងកូរ៉េខាងជើង និងសហរដ្ឋអាមេរិក បានដាក់ចេញនូវចក្ខុវិស័យថ្មីមួយសំរាប់ដោះស្រាយបញ្ហាឧបទ្វីបកូរ៉េ។ លោក មូន បានស្នើអោយសហគមន៍អន្តរជាតិគាំទ្រដល់ការបង្កើតតំបន់សន្តិភាពអន្តរជាតិមួយដើម្បីជំនួសអោយតំបន់គ្មានយោធា (DMZ) ប្រវែង២៥០គីឡូម៉ែតដែលបានពុះចែកកូរ៉េជាពីរជាង៦០ឆ្នាំមកនេះ។
តំបន់សន្តិភាពថ្មីនេះនឹងជួយជំរុញបន្ថែមដល់កូរ៉េខាងជើងអោយបោះបង់អាវុធនុយក្លេអ៊ែរ ដែលវាជាចំនុចស្នូលនៃកិច្ចជំនួបរវាងមេដឹកនាំកូរ៉េខាងជើងនិងលោកប្រធានាធិបតី ដូណាល់ ត្រាំ ជាងមួយឆ្នាំកន្លងមកនេះ។ ថ្លែងនាកិច្ចប្រជុំមហាសន្និបាតអង្គការសហប្រជាជាតិនៅថ្ងៃទី២៤ ខែកញ្ញាលោក មូន បញ្ជាក់ថា៖ «ការបង្កើតតំបន់សន្តិភាពថ្មីនេះនឹងផ្តល់នូវការធានាដល់សុវត្ថិភាពកូរ៉េខាងជើង។ ទន្ទឹមនឺងនោះដែរ កូរ៉េខាងត្បូងនឹងទទួលបានសន្តិភាពជានិរន្តភាព»។
ជាមួយគ្នានេះ មេដឹកនាំកូរ៉េខាងត្បូងរំពឹងថា តំបន់ថ្មីដែលមានទំហំ៤គីឡូម៉ែតនេះនឹងក្លាយជាទីតាំងដោះស្រាយជម្លោះនិងបរិស្ថានរបស់អង្គការសហប្រជាជាតិ។ លោកក៏សង្ឃឹមថា តំបន់នោះនឹងត្រូវបានចាត់ទុកជាតំបន់បេតិកភណ្ឌពិភពលោកដោយអង្គការ UNESCO ផងដែរ។ បើទោះបីជាមានជំរំយោធានៅសងខាងក៏ដោយ លោក មូនបានលើកឡើងថា វានឹងក្លាយជាតំបន់អេកូឡូស៊ីដ៏មានតម្លៃមួយ។
នៅពេលដែលតំបន់គ្មានយោធាបានប្រែក្លាយទៅជាតំបន់សន្តិភាពវិញ នោះឧបទ្វីបកូរ៉េនឹងក្លាយទៅជាស្ពានសម្រាប់ផ្សារភ្ជាប់ប្រទេសផ្សេងៗ និង ផ្សារភ្ជាប់សន្តិភាពនឹងភាពរីកចម្រើន។ នេះជាការបញ្ជាក់របស់លោកមូន មុនបន្ថែមថា លោកបាននិយាយជាមួយលោក គីម ជុងអ៊ីន ពីរឿងតភ្ជាប់ផ្លូវរទេះភ្លើងរវាងប្រទេសទាំងពីរ ដែលបានប្រើប្រាស់នៅឆ្នាំ១៩៥០ ដល់ឆ្នាំ១៩៥៣ ឡើងវិញផងដែរ៕
នៅថ្ងៃអង្គារទី២៤ខែកញ្ញា ប្រធានាធិបតីកូរ៉េខាងត្បូងលោក មូន ចេអ៊ីន បានស្នើទៅអង្គការសហប្រជាជាតិអោយបង្កើតតំបន់សន្តិភាពមួយដើម្បីជំនួសអោយតំបន់គ្មានយោធានៅឧបទ្វីបកូរ៉េ។ លោក មូន បានលើកឡើងថា គំនិតនេះនឹងជំរុញសន្តិភាពក្នុងតំបន់ ក៏ដូចជាការធានាសន្តិសុខសម្រាប់កូរ៉េខាងជើងផងដែរ។
លោក មូន ចេអ៊ីន ប្រធានាធិបតីកូរ៉េខាងត្បូង ដែលបានត្រួសត្រាយផ្លូវការទូតដល់កិច្ចជំនួបប្រវត្តិសាស្ត្ររវាងកូរ៉េខាងជើង និងសហរដ្ឋអាមេរិក បានដាក់ចេញនូវចក្ខុវិស័យថ្មីមួយសំរាប់ដោះស្រាយបញ្ហាឧបទ្វីបកូរ៉េ។ លោក មូន បានស្នើអោយសហគមន៍អន្តរជាតិគាំទ្រដល់ការបង្កើតតំបន់សន្តិភាពអន្តរជាតិមួយដើម្បីជំនួសអោយតំបន់គ្មានយោធា (DMZ) ប្រវែង២៥០គីឡូម៉ែតដែលបានពុះចែកកូរ៉េជាពីរជាង៦០ឆ្នាំមកនេះ។
តំបន់សន្តិភាពថ្មីនេះនឹងជួយជំរុញបន្ថែមដល់កូរ៉េខាងជើងអោយបោះបង់អាវុធនុយក្លេអ៊ែរ ដែលវាជាចំនុចស្នូលនៃកិច្ចជំនួបរវាងមេដឹកនាំកូរ៉េខាងជើងនិងលោកប្រធានាធិបតី ដូណាល់ ត្រាំ ជាងមួយឆ្នាំកន្លងមកនេះ។ ថ្លែងនាកិច្ចប្រជុំមហាសន្និបាតអង្គការសហប្រជាជាតិនៅថ្ងៃទី២៤ ខែកញ្ញាលោក មូន បញ្ជាក់ថា៖ «ការបង្កើតតំបន់សន្តិភាពថ្មីនេះនឹងផ្តល់នូវការធានាដល់សុវត្ថិភាពកូរ៉េខាងជើង។ ទន្ទឹមនឺងនោះដែរ កូរ៉េខាងត្បូងនឹងទទួលបានសន្តិភាពជានិរន្តភាព»។
ជាមួយគ្នានេះ មេដឹកនាំកូរ៉េខាងត្បូងរំពឹងថា តំបន់ថ្មីដែលមានទំហំ៤គីឡូម៉ែតនេះនឹងក្លាយជាទីតាំងដោះស្រាយជម្លោះនិងបរិស្ថានរបស់អង្គការសហប្រជាជាតិ។ លោកក៏សង្ឃឹមថា តំបន់នោះនឹងត្រូវបានចាត់ទុកជាតំបន់បេតិកភណ្ឌពិភពលោកដោយអង្គការ UNESCO ផងដែរ។ បើទោះបីជាមានជំរំយោធានៅសងខាងក៏ដោយ លោក មូនបានលើកឡើងថា វានឹងក្លាយជាតំបន់អេកូឡូស៊ីដ៏មានតម្លៃមួយ។
នៅពេលដែលតំបន់គ្មានយោធាបានប្រែក្លាយទៅជាតំបន់សន្តិភាពវិញ នោះឧបទ្វីបកូរ៉េនឹងក្លាយទៅជាស្ពានសម្រាប់ផ្សារភ្ជាប់ប្រទេសផ្សេងៗ និង ផ្សារភ្ជាប់សន្តិភាពនឹងភាពរីកចម្រើន។ នេះជាការបញ្ជាក់របស់លោកមូន មុនបន្ថែមថា លោកបាននិយាយជាមួយលោក គីម ជុងអ៊ីន ពីរឿងតភ្ជាប់ផ្លូវរទេះភ្លើងរវាងប្រទេសទាំងពីរ ដែលបានប្រើប្រាស់នៅឆ្នាំ១៩៥០ ដល់ឆ្នាំ១៩៥៣ ឡើងវិញផងដែរ៕
© រក្សាសិទ្ធិដោយ thmeythmey.com
