អន្តរជាតិ
ប្រធានាធិបតីប្រេស៊ីល៖ ប្រព័ន្ធផ្សព្វផ្សាយកំពុងកុហកពីភ្លើងឆេះព្រៃអាម៉ាហ្ស៉ូន
ប្រធានាធិបតីប្រេស៊ីល ជែ បុលសូណារ៉ូ ថ្លែងនាកិច្ចប្រជុំមហាសន្និបាតអង្គការសហប្រជាជាតិលើកទី៧៤ ។ រូបភាព AFP
×![]()
ដោយ៖ ងួន សុភាវត្តី
នៅថ្ងៃអង្គារទី២៤ខែកញ្ញា ប្រធានាធិបតីប្រេស៊ីលលោក ជែ បុលសូណារ៉ូ (Jair Bolsonaro) បាននិយាយថា វាគឺជារឿងកុហកដែលថា ព្រៃអាម៉ាហ្ស៉ូនបានបំផ្លាញដោយសារភ្លើងឆេះ។ លោកនិយាយបែបនេះនាកិច្ចប្រជុំមហាសន្និបាតអង្គការសហប្រជាជាតិ និងក្រោយពេលដែលរងការរិះគន់ធ្ងន់ៗលើចំណាត់ការទប់ស្កាត់ភ្លើងឆេះព្រៃនេះ។ លោកក៏ឆ្លៀតបានចោទប្រកាន់ប្រទេសដែលបានរិះគន់លោកថា មានគោលគំនិតអាណានិគមទៅទៀត។
នៅក្នុងកិច្ចជំនួបប្រចាំមហាសន្និបាតអង្គការសហប្រជាជាតិ ប្រធានាធិបតីប្រេស៊ីល ជែ បុលសូណារ៉ូ បានរិះគន់ប្រព័ន្ធផ្សព្វផ្សាយនានាដែលរាយការណ៍ពីករណីភ្លើងឆេះព្រៃអាម៉ាហ្សូនរបស់ប្រេស៊ីល។ ដោយភ្លើងឆេះនេះ លោក បុលសូណារ៉ូ ផ្ទាល់ បានរងពាក្យរិះគន់ពីសហគមន៍អន្តរជាតិ។ មានតែប្រធានាធិបតីអាមេរិក ដូណាល់ ត្រាំ ម្នាក់ប៉ុណ្ណោះ ដែលសរសើរលោក បុលសូណារ៉ូ ពាក់ព័ន្ធវិធានការទប់ស្កាត់ភ្លើងរាលដាល។
លោក បុលសូណារ៉ូ បានសរសើរសមភាគីសហរដ្ឋអាមេរិករបស់លោកដែលបានគោរពអធិបតេយ្យភាពប្រទេសប្រេស៊ីល។ ការថ្លែងរបស់លោក Bolsonaroបានធ្វើឡើងមួយសប្តាហ៍បន្ទាប់ពី ក្រុមសិទ្ធិមនុស្សបានចោទប្រកាន់រូបលោកអោយមានការកាប់បំផ្លាញព្រៃឈើ និងអសម្ថភាពក្នុងការការពារ ព្រៃអាម៉ាហ្ស៉ូននេះ។
ចំពោះមុខមេដឹកនាំប្រទេសជាច្រើន ប្រធានាធិបតីប្រេស៊ីល និយាយច្បាស់ៗថា អាម៉ាហ្ស៉ូនមិនត្រូវបានបំផ្លាញដោយសារភ្លើងឆេះទេ ប្រព័ន្ធផ្សព្វផ្សាយកំពុងតែកុហកប៉ុណ្ណោះ។ លោកក៏បានបន្តថា វាគឺជារឿងខុសដែលថា អាម៉ាហ្សូនជាទ្រព្យសម្បត្តិពិភពលោក និងជាការភាន់ច្រឡំពីអ្នកវិទ្យាសាស្ត្រដែលថាព្រៃអាម៉ាហ្ស៉ូនជាសួតនៃពិភពលោក។ នេះបើតាមការផ្សាយរបស់ទីភ្នាក់ងារព័ត៌មាន AFP ។
«ជាមួយនឹងការប្រើប្រាស់និងការចោទប្រកាន់ដោយផ្អែកលើរឿងខុសបែបនេះ ប្រទេសមួយចំំនួន មិនបានជួយអ្វីឡើយ តែ ជាធ្វើអត្តចរិតមិនគួរអោយគោរព និងមានមានគោលគំនិតអាណានិគម»។ លោក បុលសូណារ៉ូ និយាយបែបនេះ ដោយមិនបញ្ចេញឈ្មោះប្រទេសណាឡើយ។ បន្ទាប់មក លោកក៏និយាយចំឈ្មោះបារាំងថា ប្រទេសមួយក្នុងចំណោមប្រទេស G7 ហ៊ានស្នើឲ្យមានការដាក់ទណ្ឌកម្មលើប្រេស៊ីលដោយមិនបានពិគ្រោះយោបល់ ឬសូម្បីតែស្តាប់ប្រេស៊ីលឡើយ។
ក្នុងកិច្ចជំនួប G7 បារាំងនិងអៀរឡង់បានគំរាមបិទកិច្ចព្រមព្រៀងពាណិជ្ជកម្មរវាងសហភាពអឺរ៉ុបនិងបណ្តាប្រទេសអាមេរិកខាងត្បូងរួមទាំងប្រេស៊ីលដោយសារតែគោលនយោបាយបរិស្ថានរបស់លោក បុលសូណារ៉ូ ។ ទន្ទឹមនឹងនេះដែរ លោក បុលសូណារ៉ូ និយាយថា លោកសប្បាយចិត្តនឹងសម្តីលោក ត្រាំដែលប្រកាន់ស្មារតីដែលគួរតែមានក្នុងចំណោមប្រទេសជាសមាជិកអង្គការសហប្រជាជាតិ គឺការគោរពសេរីភាព និងអធិបតេយ្យភាពនៃប្រទេសសមាជិកនីមួយៗ។
ប្រធានាធិបតីបារាំងលោក អេម៉ានុយអែល ម៉ាក្រុង បានវាយបកទៅលោក បុលសូណារ៉ូ វិញ នៅថ្ងៃទី២៤ ខែកញ្ញាដោយបញ្ជាក់ជាថ្មីថា ភពផែនដីមានការចាប់អារម្មណ៍រួមគ្នាលើព្រៃអាម៉ាហ្សូន ដោយសារតែផលប៉ះពាល់របស់វាទៅលើអាកាសធាតុ។ លោក ម៉ាក្រុង បានប្រាប់អ្នកយកព័ត៌មានថា៖ «ខ្ញុំនឹងមិនគាំទ្រមេដឹកនាំដែលចោទសួរការពិតនៃវិទ្យាសាស្ត្រ។ យើងត្រូវតែគោរពប្រជាជនប្រេស៊ីលក៏ដូចជាការពិតដើម្បីធ្វើឱ្យមានការរីកចម្រើន»។
បើយោងតាមរបាយការណ៍ផ្លូវការ ការកាប់បំផ្លាញព្រៃឈើនៅព្រៃអាម៉ាហ្សូនបានកើនឡើងជិតពីរដងក្នុងរយៈពេល ៨ ខែដំបូងនៃឆ្នាំនេះ បើប្រៀបធៀបនឹងរយៈពេលដូចគ្នាក្នុងឆ្នាំ ២០១៨ គឺដល់ទៅ ៦,៤០៤ គីឡូម៉ែត្រក្រឡាដែលធំជាងពីរដងនៃទំហំប្រទេសលុចសំបួ៕
នៅថ្ងៃអង្គារទី២៤ខែកញ្ញា ប្រធានាធិបតីប្រេស៊ីលលោក ជែ បុលសូណារ៉ូ (Jair Bolsonaro) បាននិយាយថា វាគឺជារឿងកុហកដែលថា ព្រៃអាម៉ាហ្ស៉ូនបានបំផ្លាញដោយសារភ្លើងឆេះ។ លោកនិយាយបែបនេះនាកិច្ចប្រជុំមហាសន្និបាតអង្គការសហប្រជាជាតិ និងក្រោយពេលដែលរងការរិះគន់ធ្ងន់ៗលើចំណាត់ការទប់ស្កាត់ភ្លើងឆេះព្រៃនេះ។ លោកក៏ឆ្លៀតបានចោទប្រកាន់ប្រទេសដែលបានរិះគន់លោកថា មានគោលគំនិតអាណានិគមទៅទៀត។
នៅក្នុងកិច្ចជំនួបប្រចាំមហាសន្និបាតអង្គការសហប្រជាជាតិ ប្រធានាធិបតីប្រេស៊ីល ជែ បុលសូណារ៉ូ បានរិះគន់ប្រព័ន្ធផ្សព្វផ្សាយនានាដែលរាយការណ៍ពីករណីភ្លើងឆេះព្រៃអាម៉ាហ្សូនរបស់ប្រេស៊ីល។ ដោយភ្លើងឆេះនេះ លោក បុលសូណារ៉ូ ផ្ទាល់ បានរងពាក្យរិះគន់ពីសហគមន៍អន្តរជាតិ។ មានតែប្រធានាធិបតីអាមេរិក ដូណាល់ ត្រាំ ម្នាក់ប៉ុណ្ណោះ ដែលសរសើរលោក បុលសូណារ៉ូ ពាក់ព័ន្ធវិធានការទប់ស្កាត់ភ្លើងរាលដាល។
លោក បុលសូណារ៉ូ បានសរសើរសមភាគីសហរដ្ឋអាមេរិករបស់លោកដែលបានគោរពអធិបតេយ្យភាពប្រទេសប្រេស៊ីល។ ការថ្លែងរបស់លោក Bolsonaroបានធ្វើឡើងមួយសប្តាហ៍បន្ទាប់ពី ក្រុមសិទ្ធិមនុស្សបានចោទប្រកាន់រូបលោកអោយមានការកាប់បំផ្លាញព្រៃឈើ និងអសម្ថភាពក្នុងការការពារ ព្រៃអាម៉ាហ្ស៉ូននេះ។
ចំពោះមុខមេដឹកនាំប្រទេសជាច្រើន ប្រធានាធិបតីប្រេស៊ីល និយាយច្បាស់ៗថា អាម៉ាហ្ស៉ូនមិនត្រូវបានបំផ្លាញដោយសារភ្លើងឆេះទេ ប្រព័ន្ធផ្សព្វផ្សាយកំពុងតែកុហកប៉ុណ្ណោះ។ លោកក៏បានបន្តថា វាគឺជារឿងខុសដែលថា អាម៉ាហ្សូនជាទ្រព្យសម្បត្តិពិភពលោក និងជាការភាន់ច្រឡំពីអ្នកវិទ្យាសាស្ត្រដែលថាព្រៃអាម៉ាហ្ស៉ូនជាសួតនៃពិភពលោក។ នេះបើតាមការផ្សាយរបស់ទីភ្នាក់ងារព័ត៌មាន AFP ។
«ជាមួយនឹងការប្រើប្រាស់និងការចោទប្រកាន់ដោយផ្អែកលើរឿងខុសបែបនេះ ប្រទេសមួយចំំនួន មិនបានជួយអ្វីឡើយ តែ ជាធ្វើអត្តចរិតមិនគួរអោយគោរព និងមានមានគោលគំនិតអាណានិគម»។ លោក បុលសូណារ៉ូ និយាយបែបនេះ ដោយមិនបញ្ចេញឈ្មោះប្រទេសណាឡើយ។ បន្ទាប់មក លោកក៏និយាយចំឈ្មោះបារាំងថា ប្រទេសមួយក្នុងចំណោមប្រទេស G7 ហ៊ានស្នើឲ្យមានការដាក់ទណ្ឌកម្មលើប្រេស៊ីលដោយមិនបានពិគ្រោះយោបល់ ឬសូម្បីតែស្តាប់ប្រេស៊ីលឡើយ។
ក្នុងកិច្ចជំនួប G7 បារាំងនិងអៀរឡង់បានគំរាមបិទកិច្ចព្រមព្រៀងពាណិជ្ជកម្មរវាងសហភាពអឺរ៉ុបនិងបណ្តាប្រទេសអាមេរិកខាងត្បូងរួមទាំងប្រេស៊ីលដោយសារតែគោលនយោបាយបរិស្ថានរបស់លោក បុលសូណារ៉ូ ។ ទន្ទឹមនឹងនេះដែរ លោក បុលសូណារ៉ូ និយាយថា លោកសប្បាយចិត្តនឹងសម្តីលោក ត្រាំដែលប្រកាន់ស្មារតីដែលគួរតែមានក្នុងចំណោមប្រទេសជាសមាជិកអង្គការសហប្រជាជាតិ គឺការគោរពសេរីភាព និងអធិបតេយ្យភាពនៃប្រទេសសមាជិកនីមួយៗ។
ប្រធានាធិបតីបារាំងលោក អេម៉ានុយអែល ម៉ាក្រុង បានវាយបកទៅលោក បុលសូណារ៉ូ វិញ នៅថ្ងៃទី២៤ ខែកញ្ញាដោយបញ្ជាក់ជាថ្មីថា ភពផែនដីមានការចាប់អារម្មណ៍រួមគ្នាលើព្រៃអាម៉ាហ្សូន ដោយសារតែផលប៉ះពាល់របស់វាទៅលើអាកាសធាតុ។ លោក ម៉ាក្រុង បានប្រាប់អ្នកយកព័ត៌មានថា៖ «ខ្ញុំនឹងមិនគាំទ្រមេដឹកនាំដែលចោទសួរការពិតនៃវិទ្យាសាស្ត្រ។ យើងត្រូវតែគោរពប្រជាជនប្រេស៊ីលក៏ដូចជាការពិតដើម្បីធ្វើឱ្យមានការរីកចម្រើន»។
បើយោងតាមរបាយការណ៍ផ្លូវការ ការកាប់បំផ្លាញព្រៃឈើនៅព្រៃអាម៉ាហ្សូនបានកើនឡើងជិតពីរដងក្នុងរយៈពេល ៨ ខែដំបូងនៃឆ្នាំនេះ បើប្រៀបធៀបនឹងរយៈពេលដូចគ្នាក្នុងឆ្នាំ ២០១៨ គឺដល់ទៅ ៦,៤០៤ គីឡូម៉ែត្រក្រឡាដែលធំជាងពីរដងនៃទំហំប្រទេសលុចសំបួ៕
© រក្សាសិទ្ធិដោយ thmeythmey.com
