ជាតិ
នយោបាយជាតិ
សម្តេចក្រុមព្រះ នរោត្តម រណឫទ្ធិ ចម្រើនព្រះជន្ម៧៦វស្សា ![](https://image.thmeythmey.com/pictures/2020/01/02/rana.jpg)
×![]()
ថ្ងៃទី២ ខែមករានេះ គឺជាថ្ងៃចម្រើនព្រះជន្ម៧៥ ទៅ៧៦វស្សារបស់សម្តេចក្រុមព្រះ នរោត្តម រណឫទ្ធិ ប្រធានគណបក្សហ្វ៊ុនស៊ិនប៉ិច និងជាប្រធានឧត្តមក្រុមប្រឹក្សាព្រះមហាក្សត្រ។ គិតចាប់តាំងពីហេតុការណ៍គ្រោះថ្នាក់ចរាចរណ៍នៅខែមិថុនា ឆ្នាំ២០១៨ មក សុខភាពរបស់ព្រះអង្គមិនទាន់មានសភាពធូរស្បើយ១០០ភាគរយឡើយ។ តាមប្រភពសិទ្ធិដែលសារព័ត៌មានថ្មីៗទទួលបាន សម្តេចក្រុមព្រះកំពុងសម្រាកព្យាបាលហាត់ធ្វើចលនា នៅប្រទេសបារាំង។
សម្តេចក្រុមព្រះនរោត្តម រណឫទ្ធិ បានខកខានដឹកនាំគណបក្សហ្វ៊ុនស៊ិនប៉ិច ដោយផ្ទាល់ ចាប់តាំងពីជួបគ្រោះថ្នាក់ចរាចរណ៍មក ហើយសម្តេចបានតាំងតែងបុត្រាច្បងគឺ ព្រះអង្គម្ចាស់ នរោត្តម ចក្រាវុឌ្ឍ ធ្វើជាប្រធានស្តីទី។
កាលពីថ្ងៃទី២៧ ខែវិច្ឆិកា ព្រះអង្គម្ចាស់ក្សត្រី នរោត្តម ម៉ារី ក៏ត្រូវបានតែងតាំងជានាយិកាព្រះខុទ្ទកាល័យសម្តេចក្រុមព្រះនរោត្តម រណឫទ្ធិ ប្រធានគណបក្សហ្វ៊ុនស៊ិនប៉ិច ផងដែរ៕
© រក្សាសិទ្ធិដោយ thmeythmey.com