ជាតិ
EU ផ្តល់រង្វាន់ឲ្យយុវជន ៩ រូប ដែលឈ្នះសំណេរទាក់ទងនឹងអាស៊ាន បញ្ហាធម្មជាតិ និងការរៀបគោលដៅអនាគត
×![]()
ដោយ: ខន ចំប៉ា
ប្រតិភូសហភាពអឺរ៉ុបប្រចាំកម្ពុជា(EU) នៅថ្ងៃទី១៩ ខែធ្នូ បានប្រគល់រង្វាន់ដល់ជ័យលាភីចំនួន៩រូប ដែលបានឈ្នះលើការប្រកួតនិពន្ធអត្ថបទទាក់ទងនឹងអាស៊ាន បញ្ហាធម្មជាតិ និងការរៀបគោលដៅអនាគត។ EU សហការជាមួយ KYA បានរៀបចំការប្រកួតនិពន្ធអត្ថបទលើកទី៣ ដើម្បីលើកកម្ពស់ទស្សនៈរបស់យុវជនកម្ពុជា និងសមត្ថភាពនៃការសិក្សារបស់ពួកគេទៅលើប្រធានបទផ្សេងៗ។ 
នៅថ្ងៃទី១៩ ខែធ្នូនេះ ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានរៀបចំកិច្ចប្រជុំរវាងអ្នកសារព័ត៌មាន និងយុវជនចំនួន៩រូប ដែលទទួលជ័យលាភី ក្នុងការប្រកួតនិពន្ធអត្ថបទដែលរៀបចំដោយប្រតិភូសហភាពអឺរ៉ុបប្រចាំកម្ពុជា។ ជំនួបនេះ គឺដើម្បីផ្តល់ឱកាសឲ្យបេក្ខជនជ័យលាភី ចែករំលែកទស្សនៈរបស់ខ្លួនជុំវិញ ប្រធានបទដែលពួកគេជ្រើសរើស និងទទួលជ័យលាភី។
លោក ចច អេដហ្គា(George EDGAR) ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានថ្លែងថា៖«ខ្ញុំបានអានអត្ថបទទាំង៩ ដែលជាប់ជ័យលាភីនេះ ហើយខ្ញុំភ្ញាក់ផ្អើលអំពីគំនិត និងចំណុចល្អៗជាច្រើនទៀតដែលពួកគេបានលើកឡើងនៅក្នុងអត្ថបទទាំងនេះ។ នេះជាភស្តុតាងដែលបង្ហាញថាយុវជនកម្ពុជាចាប់អារម្មណ៍លើប្រធានផ្សេងៗដែលពាក់ព័ន្ធជាមួយពួកគាត់»។ លោក អេដហ្គា បន្តថា៖«វាជារឿងដែលគួរឲ្យចាប់អារម្មណ៍ ដែលយុវជនមានការគិតដ៏ទូលំទូលាយទាក់ទងនឹងប្រធានបទដែលមានសារៈសំខាន់សម្រាប់ប្រទេសរបស់ខ្លួន។ យុវជនគឺជាអ្នកស្នងរបស់ប្រទេសជាតិ ហើយខ្ញុំជឿថា នៅក្នុងចំណោមយុវជនទាំងនេះ នឹងកា្លយទៅជាអ្នកដឹកនាំ អ្នកសម្រេចចិត្តក្នុងកិច្ចការប្រទេសជាតិនៅថ្ងៃអនាគត ក្នុងវិស័យផ្សេងៗ»។
លោកស្រី សិត ហុងអៀង ប្រធានសមាគមយុវជនខ្មែរ(KYA) បានបញ្ជាក់បន្ថែមពីគោលបំណងនៃការដាក់ប្រធានទាំង៣ ក្នុងការប្រកួតថា ដើម្បីលើកកម្ពស់ទស្សនៈរបស់យុវជនកម្ពុជា និងសមត្ថភាពនៃការសិក្សារបស់ពួកគេទៅលើប្រធានបទផ្សេងៗ។ លោកស្រី សិត ហុងអៀង សង្ឃឹមថា គឺជាទស្សនៈមួយដែលនឹងប្រើប្រាស់នៅក្នុងការអភិវឌ្ឍសង្គមនាពេលអនាគត។
ប្រតិភូសហភាពអឺរ៉ុបប្រចាំកម្ពុជា សហការជាមួយ KYA បានប្រកាសប្រកួតនិពន្ធអត្ថបទលើកទី៣ កាលពីចុងខែកញ្ញាកន្លងទៅ លើប្រធានបទចំនួន៣ផ្សេងគ្នា។ ប្រធានបទទាំងនោះ មានទី១ តើសមាគមអាស៊ាន គួរមានលក្ខណៈដូចនឹងសហភាពអឺរ៉ុបឬទេ? ទី២ ហេតុអ្វីបានជាធម្មជាតិ គឺជាបញ្ហាដែលគួរយកចិត្តទុកដាក់? និងប្រធានបទទី៣ តើយុវជន គួរធ្វើអ្វីខ្លះ ដើម្បី កែប្រែអនាគតឲ្យល្អប្រសើរ? អ្នករៀបចំ បានទទួលអត្ថបទប្រកួតចំនួន៦៩ ហើយមានតែអត្ថបទ ៣ ប៉ុណ្ណោះ ដែលត្រូវជ្រើសរើសជាជ័យលាភី សម្រាប់ប្រធានបទនីមួយៗ។
កញ្ញា ឆេង សុថារត្ន ដែលទទួលលាភីលេខ១ លើប្រធានបទទី ១ បានរំលែកទស្សនៈរបស់ខ្លួនថា អាស៊ានមិនគួរមានលក្ខណៈដូចសហភាពអឺរ៉ុបឡើយ។ កញ្ញា សុថារត្ន បានលើកឡើងហេតុផលចម្បង២ ។ ទី១ អាស៊ានបង្កើតឡើងមានគោលបំណងផ្សេងគ្នា ពីបំណងនៃការបង្កើតសហភាពអឺរ៉ុប។ រក្សានូវអ្វីដែលជាការគោរពអធិបតេយ្យភាពរបស់រដ្ឋនីមួយៗក្នុងចំណោមសមាជិក ទាំងកិច្ចការការទូត កិច្ចការសេដ្ឋកិច្ច នយោបាយជាដើម ដោយគ្មានការលូកដៃពីប្រទេសផ្សេង។
ជ័យលាភី លេខ១ លើប្រធានទី២ ហេតុអ្វីបានជាធម្មជាតិ គឺជាបញ្ហាដែលគួរយកចិត្តទុកដាក់? បានទៅលើ កញ្ញា ហេង សូរីតា។ សូរីតា បានលើកឡើងថាមនុស្សនិងធម្មជាតិមានប្រភពតែមួយ គឺជាបងប្អូនគ្នា ដូចបងប្អូនសាច់ជិត និងសាច់ឆ្ងាយ។ កញ្ញា សូរីតាបញ្ជាក់ថា៖«ខ្ញុំចង់ឲ្យមនុស្សគ្រប់គ្នាគិតអ៊ីចឹង គិតថាយើងជាធម្មជាតិ ពេលដែលគិតបែបនេះ យើងនឹងមានអារម្មណ៍ថាចង់ថែរក្សាអ្វីដែលនៅជុំវិញខ្លួនយើង ដូចយើងស្រឡាញ់បងប្អូនយើងដែរ»។
សម្រាប់ប្រធានបទទី៣ កញ្ញា រ៉ាវី សុភារ័ត្ន ដែលទទួលជ័យលាភីលេខ១ លើប្រធានបទទី៣ បានសរសេរអំពីទស្សនៈ និងបទពិសោធន៍ផ្ទាល់ខ្លួន ចំពោះការរៀបចំអនាគតឲ្យល្អប្រសើរ។ សម្រាប់ថារ៉ាវី សុភារ័ត្ន ដើម្បីរៀបចំអនាគតឲ្យប្រសើរ យុវជនម្នាក់ៗត្រូវតែមាន ក្តីស្រមៃដែលពិតប្រាកដមួយ មានទេពកោសល្យទាក់ទងនឹងស្រមៃរបស់ខ្លួនកម្រិតណា ពង្រឹងចំណេះដឹង ការចូលរួមការងារសង្គម និងការរៀនសូត្រពីបរាជ័យរបស់ខ្លួន។
នៅថ្ងៃទី១៩ ខែធ្នូនេះ ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានរៀបចំកិច្ចប្រជុំរវាងអ្នកសារព័ត៌មាន និងយុវជនចំនួន៩រូប ដែលទទួលជ័យលាភី ក្នុងការប្រកួតនិពន្ធអត្ថបទដែលរៀបចំដោយប្រតិភូសហភាពអឺរ៉ុបប្រចាំកម្ពុជា។ ជំនួបនេះ គឺដើម្បីផ្តល់ឱកាសឲ្យបេក្ខជនជ័យលាភី ចែករំលែកទស្សនៈរបស់ខ្លួនជុំវិញ ប្រធានបទដែលពួកគេជ្រើសរើស និងទទួលជ័យលាភី។
លោក ចច អេដហ្គា(George EDGAR) ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានថ្លែងថា៖«ខ្ញុំបានអានអត្ថបទទាំង៩ ដែលជាប់ជ័យលាភីនេះ ហើយខ្ញុំភ្ញាក់ផ្អើលអំពីគំនិត និងចំណុចល្អៗជាច្រើនទៀតដែលពួកគេបានលើកឡើងនៅក្នុងអត្ថបទទាំងនេះ។ នេះជាភស្តុតាងដែលបង្ហាញថាយុវជនកម្ពុជាចាប់អារម្មណ៍លើប្រធានផ្សេងៗដែលពាក់ព័ន្ធជាមួយពួកគាត់»។ លោក អេដហ្គា បន្តថា៖«វាជារឿងដែលគួរឲ្យចាប់អារម្មណ៍ ដែលយុវជនមានការគិតដ៏ទូលំទូលាយទាក់ទងនឹងប្រធានបទដែលមានសារៈសំខាន់សម្រាប់ប្រទេសរបស់ខ្លួន។ យុវជនគឺជាអ្នកស្នងរបស់ប្រទេសជាតិ ហើយខ្ញុំជឿថា នៅក្នុងចំណោមយុវជនទាំងនេះ នឹងកា្លយទៅជាអ្នកដឹកនាំ អ្នកសម្រេចចិត្តក្នុងកិច្ចការប្រទេសជាតិនៅថ្ងៃអនាគត ក្នុងវិស័យផ្សេងៗ»។
លោកស្រី សិត ហុងអៀង ប្រធានសមាគមយុវជនខ្មែរ(KYA) បានបញ្ជាក់បន្ថែមពីគោលបំណងនៃការដាក់ប្រធានទាំង៣ ក្នុងការប្រកួតថា ដើម្បីលើកកម្ពស់ទស្សនៈរបស់យុវជនកម្ពុជា និងសមត្ថភាពនៃការសិក្សារបស់ពួកគេទៅលើប្រធានបទផ្សេងៗ។ លោកស្រី សិត ហុងអៀង សង្ឃឹមថា គឺជាទស្សនៈមួយដែលនឹងប្រើប្រាស់នៅក្នុងការអភិវឌ្ឍសង្គមនាពេលអនាគត។
ប្រតិភូសហភាពអឺរ៉ុបប្រចាំកម្ពុជា សហការជាមួយ KYA បានប្រកាសប្រកួតនិពន្ធអត្ថបទលើកទី៣ កាលពីចុងខែកញ្ញាកន្លងទៅ លើប្រធានបទចំនួន៣ផ្សេងគ្នា។ ប្រធានបទទាំងនោះ មានទី១ តើសមាគមអាស៊ាន គួរមានលក្ខណៈដូចនឹងសហភាពអឺរ៉ុបឬទេ? ទី២ ហេតុអ្វីបានជាធម្មជាតិ គឺជាបញ្ហាដែលគួរយកចិត្តទុកដាក់? និងប្រធានបទទី៣ តើយុវជន គួរធ្វើអ្វីខ្លះ ដើម្បី កែប្រែអនាគតឲ្យល្អប្រសើរ? អ្នករៀបចំ បានទទួលអត្ថបទប្រកួតចំនួន៦៩ ហើយមានតែអត្ថបទ ៣ ប៉ុណ្ណោះ ដែលត្រូវជ្រើសរើសជាជ័យលាភី សម្រាប់ប្រធានបទនីមួយៗ។
កញ្ញា ឆេង សុថារត្ន ដែលទទួលលាភីលេខ១ លើប្រធានបទទី ១ បានរំលែកទស្សនៈរបស់ខ្លួនថា អាស៊ានមិនគួរមានលក្ខណៈដូចសហភាពអឺរ៉ុបឡើយ។ កញ្ញា សុថារត្ន បានលើកឡើងហេតុផលចម្បង២ ។ ទី១ អាស៊ានបង្កើតឡើងមានគោលបំណងផ្សេងគ្នា ពីបំណងនៃការបង្កើតសហភាពអឺរ៉ុប។ រក្សានូវអ្វីដែលជាការគោរពអធិបតេយ្យភាពរបស់រដ្ឋនីមួយៗក្នុងចំណោមសមាជិក ទាំងកិច្ចការការទូត កិច្ចការសេដ្ឋកិច្ច នយោបាយជាដើម ដោយគ្មានការលូកដៃពីប្រទេសផ្សេង។
ជ័យលាភី លេខ១ លើប្រធានទី២ ហេតុអ្វីបានជាធម្មជាតិ គឺជាបញ្ហាដែលគួរយកចិត្តទុកដាក់? បានទៅលើ កញ្ញា ហេង សូរីតា។ សូរីតា បានលើកឡើងថាមនុស្សនិងធម្មជាតិមានប្រភពតែមួយ គឺជាបងប្អូនគ្នា ដូចបងប្អូនសាច់ជិត និងសាច់ឆ្ងាយ។ កញ្ញា សូរីតាបញ្ជាក់ថា៖«ខ្ញុំចង់ឲ្យមនុស្សគ្រប់គ្នាគិតអ៊ីចឹង គិតថាយើងជាធម្មជាតិ ពេលដែលគិតបែបនេះ យើងនឹងមានអារម្មណ៍ថាចង់ថែរក្សាអ្វីដែលនៅជុំវិញខ្លួនយើង ដូចយើងស្រឡាញ់បងប្អូនយើងដែរ»។
សម្រាប់ប្រធានបទទី៣ កញ្ញា រ៉ាវី សុភារ័ត្ន ដែលទទួលជ័យលាភីលេខ១ លើប្រធានបទទី៣ បានសរសេរអំពីទស្សនៈ និងបទពិសោធន៍ផ្ទាល់ខ្លួន ចំពោះការរៀបចំអនាគតឲ្យល្អប្រសើរ។ សម្រាប់ថារ៉ាវី សុភារ័ត្ន ដើម្បីរៀបចំអនាគតឲ្យប្រសើរ យុវជនម្នាក់ៗត្រូវតែមាន ក្តីស្រមៃដែលពិតប្រាកដមួយ មានទេពកោសល្យទាក់ទងនឹងស្រមៃរបស់ខ្លួនកម្រិតណា ពង្រឹងចំណេះដឹង ការចូលរួមការងារសង្គម និងការរៀនសូត្រពីបរាជ័យរបស់ខ្លួន។
Tag:
EU
KYA
យុវជន
© រក្សាសិទ្ធិដោយ thmeythmey.com
