MLS បានចាប់ផ្តើមរដូវកាលថ្មីរបស់ខ្លួន នៅព្រឹកថ្ងៃទី២២ ខែកុម្ភៈ ដោយជំនួបដំបូងធ្វើឡើងរវាង Inter Miami និង Real Salt Lake។ Robert Taylor ជាអ្នករកបានគ្រាប់ដំបូងក្នុងជំនួប​បើកឆាកនេះឱ្យ Inter Miami នៅនាទី៣៩ តាមរយៈការបញ្ជូនរបស់ Messi មុនពេល Gomez សម្រេចគ្រាប់ទី២ ពីការបញ្ជូនរបស់ Suarez នៅនាទី៨៣។
 

ក្នុងជំនួបដំបូងនេះ Miami បានដាក់កីឡាកឆ្នើមៗ ដែលសុទ្ធសឹងជាអតីតសមាជិក Barcelona រួមមានខ្សែបម្រើ Sergio Busquets ខ្សែការពារ Jordi Alba រួមជាមួយ Messi និង Suarez។
 

តាមរយៈវត្តមានកីឡាករឆ្នើមទាំង៤រូបនេះ នឹងធ្វើឱ្យក្រុមដែលមានលោក David Beckham ជាម្ចាស់ម្នាក់ នឹងមានការប្រកួតប្រជែងខ្លាំងក្នុងការដណ្តើមពានរង្វាន់លីគកំពូលអាម៉េរិក រដូវកាលឆ្នាំ ២០២៤ នេះ៕