ជាតិ
កូនប្រុសចុងក្រោយរបស់លោក កែម ឡី បានប្រសូតហើយ រូបភាពពីហ្វេសប៊ុក Sang Sann
× កូនប្រុសពៅរបស់លោក កែម ឡី បានប្រសូតហើយ នៅឯប្រទេសក្រៅ នារសៀលថ្ងៃទី២ ខែតុលា ឆ្នាំ២០១៦នេះ។ កូនប្រុសទី៥របស់លោក កែម ឡី ត្រូវបានដាក់ឈ្មោះឲ្យថា កែម ឡី វីរៈ។ នេះបើតាមការចុះផ្សាយរបស់វិទ្យុអាស៊ីសេរី។
រាប់ទាំងកូនប្រុសទី៥ ដែលទើបនឹងប្រសូតក្នុងថ្ងៃនេះ លោក កែម ឡី និងលោកស្រី ប៊ូ រចនា មានកូនប្រុសទាំងអស់ចំនួន៥នាក់។ លោកស្រី ប៊ូ រចនា បាននាំកូនប្រុសទាំង៤នាក់ ទៅរស់នៅឯបរទេសកាលពីប៉ុន្មានខែមុន បន្ទាប់ពីលោកស្រី រៀបចំបុណ្យសពគម្រប់៧ថ្ងៃ ឲ្យលោក កែម ឡី រួចរាល់។
លោក កែម ឡី ដែលជាអ្នកវិភាគនយោបាយ និងជាអ្នកស្រាវជ្រាវការអភិវឌ្ឍសង្គម ត្រូវបានឃាតកបាញ់សម្លាប់ នៅក្នុងស្តាម៉ាតមួយ (Star Mart) ដែលស្ថិតនៅម្តុំស្តុបបូកគោ កាលពីព្រឹកថ្ងៃទី១០ ខែកក្កដា ឆ្នាំ២០១។ គិតរហូតមកដល់ថ្ងៃនេះ ឃាតកម្មលើលោក កែម ឡី មានរយៈពេលជិត៣ខែហើយ៕ © រក្សាសិទ្ធិដោយ thmeythmey.com