ជាតិ
បាក់ឌុប
វីដេអូ
និទ្ទេសAលំដាប់ពិន្ទុខ្ពស់ ថន រតនា ប្រាប់គន្លឹះ ៧យ៉ាង ដើម្បីត្រៀមខ្លួនមុនប្រឡងបាក់ឌុប
× ភ្នំពេញ៖ នៅសល់ពេលមិនច្រើនទេ ដំណើរការប្រឡងសញ្ញាបត្រមធ្យមសិក្សាទុតិយភូមិ នឹងចាប់ផ្ដើម។ សិស្សានុសិស្សម្នាក់ៗ ខំប្រឹងរម្លឹកមេរៀន និងរៀនគួរបន្ថែម ដើម្បីប្រឡងជាប់សញ្ញាបត្រមធ្យមសិក្សាទុតិយភូមិនាពេលខាងមុខ។ និទ្ទេស A លំដាប់ពិន្ទុ ១០០ កញ្ញា ថន រតនា បានចែករំលែកនូវគន្លឹះសំខាន់ចំនួន ៧យ៉ាង ដើម្បីត្រៀមខ្លួនមុនពេលប្រឡងបាក់ឌុបយ៉ាងដូច្នេះ៖ «សិស្សានុសិស្ស ត្រូវស្គាល់ឲ្យច្បាស់ពីការប្រឡង, រម្លឹកមេរៀនឡើងវិញ, អនុវត្តលំហាត់ចាស់ៗ, ចាត់ទុកប្រឡងឆមាសទី២ ជាប្រឡងបាក់ឌុប, ផ្ដោតលើការរៀនខ្លួនឯង ជាងការរៀនគួរ, ថែរក្សាសុខភាព និងការតាំងចិត្ត»។
យុវតី ថន រតនា ជាសិស្សនិទ្ទេស A លំដាប់ពិន្ទុ ១០០ មកពីវិទ្យាល័យហ៊ុនសែនប៊ុនរ៉ានីផ្សារដើមថ្កូវ។ កញ្ញា ថន រតនា បានដណ្ដើមយកលទ្ធផលខ្ពស់បំផុតនៅក្នុងដំណើរការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០១៨ នៃសម័យកំណែទម្រង់របស់ក្រសួងអប់រំ យុវជន និងកីឡា។ ក្នុងបទសម្ភាសជាមួយសារព័ត៌មានថ្មីៗ យុវតី ថន រតនា បានរៀបរាប់ពីការត្រៀមខ្លួនមុនពេលប្រឡងបាក់ឌុប ដើម្បីទទួលបានលទ្ធផលល្អ។
ដើម្បីជ្រាបកាន់តែលម្អិត សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយយុវតី ថន រតនា អតីតសិស្សនិទ្ទេស A លំដាប់ពិន្ទុ ១០០ ក្នុងឆ្នាំ២០១៨ ដូចតទៅ៖
បើតាមនិទ្ទេស A ថន រតនា បេក្ខជនប្រឡងបាក់ឌុប ត្រូវស្គាល់ឲ្យច្បាស់ពីការប្រឡង, រម្លឹកមេរៀនឡើងវិញ, ការអនុវត្តលំហាត់វិញ្ញាសាចាស់ៗ, ចាត់ទុកប្រឡងឆមាសទី២ ជាប្រឡងបាក់ឌុប, ផ្ដោតលើការរៀនខ្លួនឯង ជាងការរៀនគួរ, ការថែរក្សាសុខភាព និងការតាំងចិត្ត។
សូមបញ្ជាក់ថា មុខវិជ្ជាជម្រើសសម្រាប់ដំណើរប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៩នេះ ថ្នាក់វិទ្យាសាស្ត្រ គឺមុខវិជ្ជាប្រវត្តិវិទ្យា និងថ្នាក់វិទ្យាសាស្ត្រសង្គម គឺមុខវិជ្ជាផែនដី និងបរិស្ថានវិទ្យា៕
Tag:
បាក់ឌុប
ថន រតនា
ប្រឡង
រៀន
និទ្ទេស A
© រក្សាសិទ្ធិដោយ thmeythmey.com