ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាអន្តរជាតិ
អន្តរជាតិ
Tuchel៖ Neymar ត្រូវតែទទួលយកការចំអកពីអ្នកគាំទ្រ ទោះជួយ PSG ឈ្នះ Strasbourgក្តី
16, Sep 2019 ,
4:03 pm
រូបភាព
×
ដោយ:
ទេព ពិទូរ្យ
លោក Thomas Tuchel អ្នកចាត់ការទូទៅក្រុម Paris Saint-Germain ថា Neymar ត្រូវតែទទួលយកការទិតៀនពីអ្នកគាំទ្រ បើទោះខ្សែប្រយុទ្ធរូបនេះស៊ុតមួយគ្រាប់យ៉ាងអស្ចារ្យនៅចុងម៉ោង ដើម្បីជួយក្រុមយកឈ្នះ Strasbourg ១-០ ក្នុងការប្រកួតដំបូងរបស់គេនៅរដូវកាលថ្មីនេះក៏ដោយ។
សម្រាប់ការបង្ហាញខ្លួនលើកដំបូងឲ្យ PSG ខ្សែប្រយុទ្ធឆ្នើមសញ្ជាតិប្រេស៊ីលរូបនេះ ត្រូវបានអ្នកគាំទ្រស្រែកចំអកជុំវិញការចង់ផ្ទេរចេញពីក្រុមម្ចាស់ជើងឯកបារាំងទៅកាន់ក្រុមចាស់ Barcelona អំឡុងពេលទីផ្សារដោះដូរកីឡាកររដូវកាល ២០១៩-២០ នេះ។
បើតាមសារព័ត៌មានចុះផ្សាយកន្លងមក Neymar ពិតជាចង់ចាកចេញពីក្លិបនៅបារាំងនេះណាស់ ប៉ុន្តែចុងក្រោយនៅតែមិនអាចទៅរួចដោយចរចាគ្នាមិនត្រួវរូវគ្នា។
ជុំវិញឥរិយាបទរបស់អ្នកគាំទ្រមកលើកូនក្រុមរបស់ខ្លួនបែបនេះ លោក Tuchel បានផ្តល់យោបល់ថា Neymar ចាំបាច់ត្រូវទទួលយកការរិះគន់ពីសំណាក់អ្នកគាំទ្រទាំងនោះ ប៉ុន្តែលោកសរសើរចំពោះការឆ្លើយតបរបស់ខ្សែប្រយុទ្ធវ័យ២៧ឆ្នាំរូបនេះដោយការរកជ័យជម្នះឲ្យក្រុម។
«មិនងាយស្រួលនោះទេព្រោះ Neymar ជាកីឡាករដែលទទួលបានការចាប់អារម្មណ៍ខ្លាំង ប៉ុន្តែយ៉ាងណាគាត់ធ្វើបានល្អ។ នោះជារបៀបរបស់អ្នកគាំទ្រ និងមិនងាយស្រួលទេសម្រាប់ពួកគេ ស្របពេលកីឡាកល្បីម្នាក់ក្នុងក្រុមមានការចរចានៅពេលទីផ្សារដោះដូរនោះ។ ដូច្នេះហើយ Neymar ត្រូវទទួលយកឥរិយាបទរបស់ក្រុមអ្នកគាំទ្រ»។ នេះជាការអះអាងរបស់អ្នកចាត់ការសញ្ជាតិអាល្លឺម៉ង់ក្នុងសន្និសីតការសែតក្រោយចប់ការប្រកួត។
យ៉ាងណាក៏ដោយ លោក Tuchel មើលឃើញថាការិះគន់នេះ និងជំរុញ Neymar លេងកាន់តែល្អជាងមុន គួបផ្សំនឹងសមត្ថភាពដ៏អស្ចារ្យរបស់គេនៅលើទីលាន។
ឆ្លងកាត់ការប្រកួត៥លើក PSG ឈរកំពូលតារាង Ligue 1 មាន១២ពិន្ទុ នាំមុខក្រុមលេខពីរ Rennes លេខ៣ Nantes និងលេខ៤ Marseille ចំនួន២ពិន្ទុ។ ក្រុមមានមូលដ្ឋានក្នុងក្រុងប៉ារីសមួយនេះ ត្រូវមានភារកិច្ចក្នុងក្របខណ្ឌអឺរ៉ុប UEFA Champions League សម្រាប់ជំនួបសន្សំពិន្ទុពូល A ផង ដោយត្រូវស្វាគមន៍ Real Madrid នៅរាត្រីថ្ងៃទី១៧ ខែកញ្ញា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Thomas Tuchel
Neymar
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
6 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
7 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
3 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
1 ថ្ងៃ
អត្ថបទពេញនិយមបន្ថែម