អន្តរជាតិ
WHO កត់ត្រាចំនួនករណីឆ្លង COVID-19 ប្រចាំថ្ងៃជាង៣០ម៉ឺននាក់ ដែលជាតួលេខខ្ពស់បំផុត
×![]()
ដោយ៖កង ម៉េងហុង
អង្គការសុខភាពពិភពលោក (WHO) នៅថ្ងៃទី១៣ ខែកញ្ញា បានកត់ត្រាការកើនឡើងការឆ្លងជំងឺ COVID-19 ប្រចាំថ្ងៃករណីឆ្លងថ្មីចំនួន ៣០៧,៩៣០ករណីក្នុងរយៈពេល ២៤ ម៉ោងចុងក្រោយ។ នេះជាតួលេខឆ្លងប្រចាំច្រើនបំផុតនៅត្រឹមមួយថ្ងៃប៉ុណ្ណោះ។ ចំនួនអ្នកស្លាប់ បានកើនឡើងជាង ៥,៥០០នាក់ដែលធ្វើឱ្យចំនួនអ្នកស្លាប់ជាសកលបានកើនឡើងរហូតដល់ ៩១៧,៤១៧នាក់។
បើតាមសារព័ត៌មាន BBC ការកើនឡើងច្រើនបំផុតនៃករណីឆ្លងជំងឺ COVID-19 ត្រូវបានរាយការណ៍ថា មាននៅក្នុងឥណ្ឌា អាមេរិក និងប្រេស៊ីល។ នៅទូទាំងពិភពលោក ករណីឆ្លងសរុប មានជាង២៨លានករណីដែលពាក់កណ្តាលនៃករណីទាំងនេះបានកើតឡើងនៅទ្វីបអាមេរិក។
ករណីឆ្លងប្រចាំថ្ងៃច្រើនជាងគេដែលត្រូវបានកត់ត្រាដោយ WHO គឺនៅថ្ងៃទី៦ ខែកញ្ញានៅពេលដែការរឆ្លងថ្មីមានចំនួន ៣០៦,៨៥៧ ករណី។
នៅថ្ងៃទី១៣ ខែកញ្ញា ឥណ្ឌាបានរាយការណ៍ពីករណីឆ្លងថ្មីចំនួន ៩៤,៣៧២ តាមពីក្រោយដោយបនអាមេរិកដែលមានចំនួនអ្នកឆ្លងថ្មី ៤៥,៥២៣នាក់ និងប្រទេសប្រេស៊ីលមានចំនួន ៤៣,៧១៨ នាក់។ ចំណែកឯចំនួនករណីស្លាប់ជាង១,០០០នាក់ ត្រូវបានកត់ត្រានៅអាមេរិកនិងឥណ្ឌា ខណៈប្រេស៊ីលមានមនុស្សចំនួន ៨៧៤ នាក់បានស្លាប់ដោយសារជំងឺ COVID-19 ក្នុងរយៈពេល ២៤ ម៉ោងកន្លងមកនេះ។
© រក្សាសិទ្ធិដោយ thmeythmey.com
