អន្តរជាតិ
នយោបាយអន្តរជាតិ
លោក ពូទីន អះអាងថា កម្លាំងយោធារបស់ប្រទេសរុស្ស៊ីគឺគ្មានគូប្រៀបឡើយ
×
ប្រធានាធិបតីរុស្ស៊ីលោកវ្ល៉ាឌីមៀរពូទីនបានអះអាងសារជាថ្មីថា គ្មានប្រទេសណាអាចមានឧត្តមភាពយោធា ខ្លាំងជាងប្រទេសរុស្ស៊ីនោះទេ ព្រោះថាកម្លាំងយោធារបស់ប្រទេសរុស្ស៊ីគឺគ្មានគូប្រៀបឡើយ។នេះបើតាមសេចក្ដីរាយការណ៍របស់សារព័ត៌មានរុស្ស៊ី Interfax ។
បើតាមប្រភពខាងលើនេះ លោកវ្ល៉ាឌីមៀរពូទីន បានអះអាងថា គ្មាននរណាម្នាក់អាចភូតកុហកថាពួកគេមានកម្លាំងយោធាខ្លាំងជាងរុស្ស៊ីនោះបានឡើយ ហើយក៏គ្មានអ្នកណាអាចដាក់សម្ពាធមកលើយោធារុស្ស៊ីបានឡើយ ហើយយើងមានសមត្ថភាពគ្រប់គ្រាន់ ក្នុងការឆ្លើយតបទៅវិញ ប្រសិនបើមានសកម្មភាពបែបណាមួយ មកលើវិស័យយោធារបស់រុស្ស៊ី។
ថ្លែងនៅក្នុងទិវាឧទ្ទិសដល់អ្នកការពារមាតុភូមិរុស្ស៊ី លោក ពូទីន ត្រូវបានគេដកស្រង់សំដីថា
៖«កងទាហាននិងមន្ត្រីគ្រប់ជាន់ថ្នាក់របស់យើងបានបង្ហាញឱ្យឃើញថាពួកគេបានត្រៀមខ្លួនជាស្រេចដើម្បីអនុវត្តភារកិច្ចដែលលំបាកបំផុត ក្នុងកិច្ចការពារប្រពៃណីនិងជាកាតព្វកិច្ចយោធារបស់ពួកគេ»។
សេចក្តីថ្លែងការណ៍នេះបានធ្វើឡើងក្នុងខណៈពេលដែលពួកឧទ្ទាមដែលគាំទ្រដោយរុស្ស៊ីកំពុងដណ្ដើមកាន់កាប់ទឹកដីនៅភាគខាងកើតប្រទេសអ៊ុយក្រែន ហើយពាក្យសំដីរបស់លោកពូទីន នៅពេលនេះគឺមិនបានសញ្ញាល្អនោះទេ ព្រោះវានឹងអាចមានការបង្កើនកម្លាំងយោធា
បន្ថែមទៀត៕
© រក្សាសិទ្ធិដោយ thmeythmey.com