អន្តរជាតិ
គ្រូការ៉ាតេដ៏ល្បីរបស់កាណាដាដែលពេទ្យកម្ពុជាដកហូតលិខិតឆ្លងដែន អាចត្រឡប់ទៅប្រទេសខ្លួនវិញហើយ
×![]()
ដោយ: ធីតា
គ្រូបង្វឹកការ៉ាតេជនជាតិកាណាដា ដែលបានជាប់គាំងនៅក្នុងប្រទេសកម្ពុជា ដោយសារតែគ្មានប្រាក់បង់ថ្លៃព្យាបាលឲ្យមន្ទីរពេទ្យមួយនៅភ្នំពេញ នឹងអាចវិលត្រឡប់ទៅមាតុប្រទេសរបស់ខ្លួនវិញហើយ។
លោក Marc Asselin អាយុ ៧៤ ឆ្នាំទទួលបានលិខិតឆ្លងដែនវិញហើយ កាលពីថ្ងៃទី ២៤ មិថុនានេះ បន្ទាប់ពីមន្ទីរពេទ្យមួយនៅភ្នំពេញដកហូតយក ព្រោះតែលោកគ្មានប្រាក់ចំនួន ២ ម៉ឺនដុល្លារសម្រាប់បង់ថ្លៃសម្រាកព្យាបាលរយៈពេល ៣៤ ថ្ងៃ។ គួរបញ្ជាក់ថា កាលពីថ្ងៃទី ១៩ មីនាកន្លងទៅនេះ លោកបានជួបគ្រោះថ្នាក់ស្ទះសរសៃឈាមក្នុងខួរក្បាល រួចក៏ត្រូវបញ្ជូនទៅព្យាបាលនៅមន្ទីរពេទ្យមួយ។ ស្ថានទូតកាណាដាប្រចាំនៅប្រទេសថៃ បានខិតខំធ្វើការយ៉ាងសកម្មដើម្បីដោះស្រាយបញ្ហានេះ តែពុំអាចចរចាអ្វីបានទេ លុះត្រាតែបង់ថ្លៃព្យាបាលរួចរាល់។
រដ្ឋមន្ត្រីក្រសួងអប់រំ និងកីឡារបស់កាណាដា លោក Sebastien Proulx ក៏បានចូលរួមវិភាគទានដល់លោក Marc Asselin ដើម្បីអាចវិលត្រឡប់ទៅប្រទេសកំណើតរបស់ខ្លួនវិញផងដែរ។
លោក Marc Asselin បានរស់នៅកម្ពុជាតាំងពីឆ្នាំ ២០០៩ ។ រយៈពេល ៤០ ឆ្នាំមកនេះ លោកបានបណ្តុះបណ្តាលសិស្សខ្សែក្រវ៉ាត់ខ្មៅជាង ៥០០ នាក់។ មិនតែប៉ុណ្ណោះ លោកបានដឹកនាំសហព័ន្ធយូសេកានការ៉ាតេដូរបស់ជប៉ុន ២៥ ឆ្នាំ៕
ប្រភព៖ Le journal de Québec
លោក Marc Asselin អាយុ ៧៤ ឆ្នាំទទួលបានលិខិតឆ្លងដែនវិញហើយ កាលពីថ្ងៃទី ២៤ មិថុនានេះ បន្ទាប់ពីមន្ទីរពេទ្យមួយនៅភ្នំពេញដកហូតយក ព្រោះតែលោកគ្មានប្រាក់ចំនួន ២ ម៉ឺនដុល្លារសម្រាប់បង់ថ្លៃសម្រាកព្យាបាលរយៈពេល ៣៤ ថ្ងៃ។ គួរបញ្ជាក់ថា កាលពីថ្ងៃទី ១៩ មីនាកន្លងទៅនេះ លោកបានជួបគ្រោះថ្នាក់ស្ទះសរសៃឈាមក្នុងខួរក្បាល រួចក៏ត្រូវបញ្ជូនទៅព្យាបាលនៅមន្ទីរពេទ្យមួយ។ ស្ថានទូតកាណាដាប្រចាំនៅប្រទេសថៃ បានខិតខំធ្វើការយ៉ាងសកម្មដើម្បីដោះស្រាយបញ្ហានេះ តែពុំអាចចរចាអ្វីបានទេ លុះត្រាតែបង់ថ្លៃព្យាបាលរួចរាល់។
រដ្ឋមន្ត្រីក្រសួងអប់រំ និងកីឡារបស់កាណាដា លោក Sebastien Proulx ក៏បានចូលរួមវិភាគទានដល់លោក Marc Asselin ដើម្បីអាចវិលត្រឡប់ទៅប្រទេសកំណើតរបស់ខ្លួនវិញផងដែរ។
លោក Marc Asselin បានរស់នៅកម្ពុជាតាំងពីឆ្នាំ ២០០៩ ។ រយៈពេល ៤០ ឆ្នាំមកនេះ លោកបានបណ្តុះបណ្តាលសិស្សខ្សែក្រវ៉ាត់ខ្មៅជាង ៥០០ នាក់។ មិនតែប៉ុណ្ណោះ លោកបានដឹកនាំសហព័ន្ធយូសេកានការ៉ាតេដូរបស់ជប៉ុន ២៥ ឆ្នាំ៕
ប្រភព៖ Le journal de Québec
© រក្សាសិទ្ធិដោយ thmeythmey.com
