ជាតិ
យុវជនសកម្ម សេវាល្អ
យុវជនខេត្តកំពត បានទទួលចំណេះដឹងផ្នែកសរសេរ និងផលិតវីដេអូតាមទូរសព្ទដៃ
× កំពត៖ យុវជន២៣នាក់ នៅខេត្តកំពត បានចូលរួមវគ្គបណ្ដុះបណ្ដាលលើកទី២ លើការ«សរសេរ និងផលិតវីដេអូព័ត៌មានតាមទូរសព្ទ» ដែលបណ្តុះបណ្តាលដោយសារព័ត៌មានថ្មីៗ។ វគ្គបណ្ដុះបណ្ដាលនេះ ប្រព្រឹត្តទៅ២ថ្ងៃ គឺពីថ្ងៃទី១៩ដល់២០ខែមីនា ឆ្នាំ២០២២។ តំណាងយុវជនចំនួន៣នាក់ បានលើកឡើងថា វគ្គបណ្តុះបណ្តាលនេះបានផ្តល់ចំណេះលើការសរសេរព័ត៌មាន និងការផលិតវីដេអូតាមទូរសព្ទដៃ។ យុវជនខាងលើបានប្តេជ្ញាប្រើចំណេះ ដែលបានពីវគ្គបណ្តុះបណ្តាល ទៅជំរុញការផ្តល់សេវាសាធារណៈនៅក្នុងសហគមន៍ខ្លួន ឱ្យកាន់តែប្រសើរ។
វគ្គបណ្តុះបណ្តាលស្តីពីការ «សរសេរ និងផលិតវីដេអូព័ត៌មានតាមទូរសព្ទ» សហការរៀបចំដោយ សារព័ត៌មានថ្មីៗ មជ្ឈមណ្ឌលអភិវឌ្ឍន៍កុមារ និងស្រ្តីនៅកម្ពុជា(CWDCC) អង្គការអាក់សិនអេតកម្ពុជា(Actionaid Cambodia) និងអង្គការតម្លាភាពកម្ពុជា(Transparency International Cambodia)។
© រក្សាសិទ្ធិដោយ thmeythmey.com