កូរ៉េខាងជើង ត្រូវដឹងថា បានបញ្ចប់ការត្រៀមសម្រាប់សាកល្បងនុយក្លេអ៊ែរលើកទី៧ហើយ។ យ៉ាងណាមិញ គេមិនទាន់ដឹងច្បាស់ពីកាលបរិច្ឆេទនៅឡើយ។ ប៉ុន្តែចារកម្មកូរ៉េខាងត្បូង នៅថ្ងៃទី២៨ ខែកញ្ញា បានផ្ដល់ពេលវេលាដែលទីក្រុងព្យុងយ៉ាងអាចសាកល្បងនុយក្លេអ៊ែររបស់ខ្លួន។

 

បន្ទាប់ពីទទួលរបាយការណ៍សេវាស៊ើបការណ៍សម្ងាត់ជាតិកូរ៉េខាងត្បូង (NIS) សមាជិកសភាកូរ៉ខាងត្បូងពីរនាក់ប្រាប់អ្នកកាសែតថា កូរ៉េខាងជើងបានបញ្ចប់ការរៀបចំធ្វើតេស្តនុយក្លេអ៊ែរនៅផ្លូវរូងក្រោមដី Punggye-ri រួចហើយ។ ការធ្វើតេស្តលើកទី៧នេះអាចនឹងធ្វើឡើងពីចន្លោះថ្ងៃទី១៦ ខែតុលា រហូតដល់ថ្ងៃទី៧ ខែវិច្ឆិកា។ 

 

ថ្ងៃទី១៦ ខែកញ្ញា គឺជាពេលសមាជបក្សកុម្មុយនីស្តចិនចាប់ផ្ដើម ការបោះឆ្នោតពាក់កណ្តាលអាណត្តិនៅអាម៉េរិកនឹងធ្វើនៅថ្ងៃទី៨ ខែវិច្ឆិកាតែម្ដង។ 

 

« NISលើកឡើងថា ពួកគេមិនអាចគណនាពីលទ្ធភាពនោះទេ ប៉ុន្តែប៉ាន់ស្មានថាកូរ៉េខាងជើងនឹងសម្រេចចិត្តយ៉ាងវាងវៃដោយផ្អែកលើទំនាក់ទំនងអន្តរជាតិ និងស្ថានភាពកូរីដ-១៩ក្នុងប្រទេស»។ សមាជិកសភាកូរ៉េខាងត្បូង លោក Youn Kun-young ប្រាប់បែបនេះទៅកាន់អ្នកកាសែត។

 

យ៉ាងណាមិញ ពាក់ព័ន្ធនឹងការគ្រប់គ្រងស្ថានការណ៍កូវីដ-១៩របស់កូរ៉េខាងជើងវិញ សមាជិកសភាកូរ៉េខាងត្បូងម្នាក់ទៀត លោក Yoo Sang-bum និយាយថា បើតាមសេវាស៊ើបការណ៍សម្ងាត់ជាតិ ការប្រកាសជ័យជម្នះលើជំងឺកូវីដ-១៩កាលពីខែមុនគឺមិនអាចទុកចិត្តបានទេ ពីព្រោះក្រុងព្យុងយ៉ាងបិទខ្ទប់ប្រទេសជាញឹកញាប់។

 

កូរ៉េខាងជើង សាកល្បងនុយក្លេអ៊ែរលើកចុងក្រោយនៅឆ្នាំ២០១៧ ហើយផ្អាកសកម្មភាពចាប់ពីពេលនោះមក។​ ការសាកល្បងទាំង៦លើក សុទ្ធតែនៅ Pungye-ri ទាំងអស៕