ជាតិ
ទៅសៀមរាប កុំភ្លេចចូលរួមប្រកួតសែលហ្វីក្នុងព្រឹត្តិការណ៍អង្គរសង្ក្រាន្ត! រូបភាពពី_ព្រឹត្តិការណ៍_អង្គរសង្រ្កាន្ត
× ភ្នំពេញ៖ ព្រឹត្តិការណ៍អង្គរសង្ក្រាន្ត នឹងរៀបចំកម្មវិធី «ការប្រកួតប្រជែងរូបថតសែលហ្វីអង្គរសង្ក្រាន្ត(Angkor Sankranta Photo Contest)»នៅថ្ងៃចូលឆ្នាំ។ ជ័យលាភី៣រូប នឹងទទួលបានពានរង្វាន់ចំនួន ១ រួមទាំងវត្ថុអនុស្សាវរីយ។
ការប្រកួតប្រជែងនេះ រៀបចំឡើងដើម្បីផ្ដល់ភាពរីករាយ និងបង្កើតអនុស្សាវរីយដល់ភ្ញៀវទេសចរដែលមកកម្សាន្តនៅក្នុងព្រឹត្តិការណ៍អង្គរសង្ក្រាន្ត។ លោក ទិត ច័ន្ទតារា អនុប្រធានក្រុមការងារផ្សព្វផ្សាយ និងទំនាក់ទំនង នៃព្រឹត្តិការណ៍អង្គរសង្រ្កាន្ត បានលើកឡើងថា ការចូលរួមប្រកួតនេះ មានលក្ខណៈងាយស្រួល ដោយមិនតម្រូវឱ្យមានជំនាញថតរូបនោះទេ។ លោក បន្តថា អ្នកចូលរួមគ្រាន់តែថតរូបសែលហ្វីក្នុងព្រឹត្តិការណ៍អង្គរសង្រ្កាន្តរួចបង្ហោះ ដោយភ្ជាប់ជាមួយខ្លឹមសារដែលមានអត្ថន័យ។
ដើម្បីចូលរួមក្នុងការប្រកួតប្រជែងរូបថតសែលហ្វីអង្គរសង្ក្រាន្តបាន លោក-អ្នក គ្រាន់តែថតរូបសែលហ្វីខ្លួនឯងមួយសន្លឹក បង្ហោះលើគណនីហ្វេសប៊ុកខ្លួនឯង និងសរសេរខ្លឹមសារភ្ជាប់នឹង Hashtag #SelfieAngkorSankranta និង#AngkorSankranta2023។ ចំពោះអ្នកទទួលបានជ័យលាភីចំនួន៣ នឹងបានពានរង្វាន់ រួមទាំងវត្ថុអនុស្សាវរីយ។
សូមបញ្ជាក់ថា ការប្រកាសលទ្ធផល នឹងធ្វើនៅថ្ងៃទី១៦ មេសា នៅឆាកសួស្តីឆ្នាំថ្មី នៅមុខប្រាសាទអង្គរវត្ត៕
Tag:
អង្គរសង្រ្កាន្ត
ចូលឆ្នាំខ្មែរ
© រក្សាសិទ្ធិដោយ thmeythmey.com