ការហ្វឹកហាត់ដែលរៀបចំនៅថ្ងៃទី១០ ឧសភា កន្លងទៅ ជាគម្រោងរបស់អង្គការ JICA និងមានការចូលរួមពីអាជ្ញាធរជាតិអប្សរា សាកលវិទ្យាល័យ Waseda ប្រទេសជប៉ុន និងរដ្ឋបាលខេត្តសៀមរាប។  តាមរយៈសាកលវិទ្យាល័យ Waseda ស្ថាប័ននេះបានស្នើជំនួយ ម៉ាស៊ីនពន្លត់អគ្គីភ័យចល័ត និងជាបរិក្ខារពន្លត់អគ្គិភ័យដែលត្រូវបានផ្ដល់មកពីភាគីជប៉ុន កាលពីដើមឆ្នាំ២០២១មក។  

 

មូលហេតុដែលខាងជប៉ុនជ្រើសរើសគោលដៅផ្សារចាស់ គឺដោយសារតំបន់នេះ  មានភ្ញៀវ​ទេសចរបរទេសច្រើន បន្ទាប់ពីតំបន់អង្គរ ជាពិសេសគឺក្នុងគោលបំណង​ជួយរក្សាសុវត្ថិភាព​គ្រោះអគ្គិភ័យដែលកើតឡើងជាយថាហេតុ។

 

លោក ដុត ខឿន​ ស្នងការរងទទួលផែនបង្ការនិងពន្លត់អគ្គីភ័យនៃ​ស្នងការដ្ឋាននគរបាល​ខេត្តសៀមរាប បានឱ្យដឹងថា ការហ្វឹកហាត់ថ្ងៃនេះគឺជាលើកទី៤ហើយ ដែលកម្លាំងជំនាញ​របស់លោកបានចូលរួមសហការបង្រៀនពីរបៀបប្រើប្រាស់ម៉ាស៊ីនពន្លត់អគ្គិភ័យ ក៏ដូចជារបៀបអូសទុយោ តទុយោ និងរបៀបកាន់ក្បាលបាញ់ទឹកពន្លត់អគ្គិភ័យផងដែរ។ លោកបន្ថែមថា ការហ្វឹកហាត់លើកនេះគឺផ្តោតទៅលើការបង្រៀន​ទៅដល់ សន្តិសុខយាមផ្សារ​ចាស់ ដែលនៅជាប់ប្រចាំការនៅនឹងផ្សារ២៤ម៉ោង៕