នៅវគ្គពាក់កណ្តាលផ្តាច់ព្រ័ត្រវិសាខា ចាញ់ក្រុម Shah Alam City Council ក្នុងលទ្ធផលប្រដេញគ្នា ៣-២ សិត ស្របពេល Way Li ឈ្នះក្រុម Win Streak ពីកោះតៃវ៉ាន់ដូចគ្នាក្នុងលទ្ធផល ៣-១ សិត។
 

តាមរយៈលទ្ធផលនេះ Shah Alam City Council និង Way Li ត្រូវឡើងទៅដណ្តើមពាន Johor Bahru-Mayor’s Cup 2023 ដែលរៀបចំដោយម្ចាស់ផ្ទះម៉ាឡេស៊ីនៅវគ្គផ្តាច់ព្រ័ត្រ ឯ វិសា និង Win Streak ត្រូវប្រជែងគ្នាដណ្តើមយកចំណាត់ថ្នាក់លេខ៣។
 

ដោយឡែកក្រុម Sarawak ដែលបានយកឈ្នះ Songkhla របស់ថៃក្នុងលទ្ធផល ៣-០សិត ត្រូវប្រជែងជាមួយ Wei Xu Johor SUKMA របស់ម៉ាឡេស៊ីដូចគ្នា ដើម្បីដណ្តើមចំណាត់ថ្នាក់ទី៥។

ការប្រកួតវគ្គផ្តាច់ព្រ័ត្រ ដើម្បីដណ្តើមលេខ១ លេខ៣ និងលេខ៥ នឹងធ្វើនៅរសៀលថ្ងៃទី២៥ ខែមិថុនានេះ នៅទីលាន MBJB ទីក្រុង Johor Bahru ប្រទេសម៉ាឡេស៊ី៕