អតីតខ្សែប្រយុទ្ធក្រុមជម្រើសជាតិជប៉ុនរូបនេះ បានចូលរួមជាមួយ Oliveirense ក្នុងលក្ខខណ្ឌខ្ចីជើងពីក្រុម Yokohama របស់ជប៉ុនកាលពីខែមករា។ Miura នឹងនៅបន្តជាមួយ Oliveirense ក្នុងនាមជាកីឡាករខ្ចីជើងដដែល ប៉ុន្តែមិនបញ្ជាក់ពេលវេលាកំណត់ឡើយ។ Yokohama និង Oliveirense មានម្ចាស់ជនជាតិជប៉ុនដូចគ្នា។
 

យ៉ាងណាក៏ដោយទៅចូលរួមជាមួយក្រុមនៅព័រទុយហ្កាល់ Miura បង្ហាញខ្លួនបានត្រឹមតែ ២៨ នាទីប៉ុណ្ណោះ ក្នុងនាមជាកីឡាករបម្រុងប្តូរចូលចំនួន៣លើក។

King Kazu បានចាប់ផ្តើមអាជីពជាកីឡាករបាល់ទាត់ជាមួយក្រុម Santos របស់ប្រេស៊ីលក្នុងឆ្នាំ ១៩៨៦។ កីឡាកររូបនេះធ្លាប់មានឈ្មោះល្បីល្បាញនៅក្នុងទ្វីបអាស៊ី ដោយនៅក្នុងឆ្នាំ ១៩៩០ បានជួយឱ្យមនុស្សជាច្រើននៅលើពិភពលោកស្គាល់ពីបាល់ទាត់ជប៉ុន មុនកកើតលីគបាល់ទាត់អាជីពជប៉ុន J-League ក្នុងងឆ្នាំ ១៩៩៣។
 

ក្នុងអាជីពជាកីឡាករបាល់ទាត់ជិត៤០ឆ្នាំ King Kazu ធ្លាប់លេងឱ្យក្លិបជាង១០ ដែលមានមូលដ្ឋាននៅជប៉ុន អ៊ីតាលី ប្រេស៊ីល ក្រូអាស៊ី អូស្ត្រាលី និងព័រទុយហ្កាល់។

Kazu បង្ហាញខ្លួនឱ្យជម្រើសជាតិជប៉ុនឆ្នាំ ១៩៩០ ហើយក៏បានជួយសាំម៉ូរៃបានកៅអីទៅ World Cup លើកដំបូងក្នុងឆ្នាំ ១៩៩៨។ ជាមួយក្រុមជម្រើសជាតិជប៉ុន កីឡាករវ័យចំណាស់រូបនេះស៊ុតបញ្ចូលទី៥៥គ្រាប់ ក្នុងការបង្ហាញខ្លួន ៨៦លើក មុនចូលនិវត្តន៍ពីជម្រើសជាតិនៅឆ្នាំ ២០០០។
 

វីរបុរសក្រុមជម្រើសជាតិជប៉ុនរូបនេះ ធ្លាប់អះអាងថានឹងបន្តអាជីពជាកីឡាករបាល់ទាត់រហូតដល់អាយុ៦០ឆ្នាំ៕