កីឡាជាតិ
ជាតិ
ខាន់ ចេសា នឹងឡើងសង្វៀន ONE លើកដំបូង ក្នុងជំនួបដណ្តើមខ្សែក្រវាត់ពិភពលោក
× ខាន់ ចេសា នឹងបង្ហាញខ្លួនជាលើកដំបូងលើសង្វៀន ONE Championship ក្នុងការប្រកួតដណ្តើមខ្សែក្រវាត់ជាមួយ កីឡាការិនីវាយក្នុងទ្រុង Danielle Kelly ក្នុងកម្មវិធី ONE Fight Night 14 នៅសិង្ហបុរី ថ្ងៃទី៣០ ខែកញ្ញា ឆ្នាំ២០២៣។
ជំនួបរវាងម្ចាស់មេដាយមាសស៊ីហ្គេមកីឡាជឺជិតស៊ូ ចេសា និង Kelly ជាការប្រកួតដណ្តើមខ្សែក្រវាត់ពិភពលោកទម្ងន់ស្រាល ONE Atomweight។ នេះជាក្តីស្រមៃរបស់កីឡាការិនី UFC អាម៉េរិក Kelly ដែលចង់បង្ហាញខ្លួនក្នុងសង្វៀន ONE ទល់គូប្រជែងចាស់ ចេសា ដែលធ្លាប់តែជួបគ្នាក្នុងកីឡាជឺជិតស៊ូ។ នេះបើតាមការបង្ហោះរបស់ផេកហ្វេសប៊ុកផ្លូវការរបស់ ONE Championship នៅថ្ងៃទី១៩ ខែកក្កដានេះ។
កីឡាការិនីខ្មែរ-អាម៉េរិក ចេសា ធ្លាប់ឈ្នះ Kelly ក្នុងកីឡាជឺជិតស៊ូ កាលពីខែកុម្ភៈ ឆ្នាំ២០២១ នៅទឹកដីអាម៉េរិក។ ឆ្នាំ២០២៣ អ្នកទាំងពីរត្រូវជួបគ្នាក្នុងប្រភេទកីឡាវាយក្នុងទ្រុងវិញម្តង និងជាប្រកួតដណ្តើមខ្សែក្រវាត់ពិភពលោកទៀតផង។ ចេសា និង Kelly សុទ្ធតែជាកីឡាការនីខ្សែក្រវាត់ខ្មៅជឺជិតស៊ូ។
កីឡាការិនីជម្រើសជាតិកម្ពុជា ខាន់ ចេសា ធ្លាប់ឈ្នះមេដាយមាសកីឡាអាស៊ី Asian Games មេដាយមាសស៊ីហ្គេមចំនួន២ និងមេដាយសំរឹទ្ធរបស់អឺរ៉ុប៕
© រក្សាសិទ្ធិដោយ thmeythmey.com