ជាតិ
ពីនេះ ពីនោះ
កុំមីស្យុង គឺកម្រៃជើងសា ឬប្រាក់ទឹកតែ
× វចនានុក្រមខ្មែរ២០២២ របស់ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជា លើកយកពាក្យ «កុំមីស្យុង» មកពន្យល់ ដោយតម្រូវអ្នកអាន អ្នកស្រាវជ្រាវទៅមើលពាក្យ «កម្រៃជើងសា»។
ទោះវចនានុក្រម មិនបញ្ជាក់ថា «កុំមីស្យុង» ជាពាក្យកម្ចីក៏ដោយ ប៉ុន្តែតាមការយល់ដឹងរបស់ក្រុមការងារសារព័ត៌មានឌីជីថលថ្មីៗ ពាក្យនេះ មានដើមកំណើតពីភាសាបារាំង «Commision» ដែលមានន័យដូច Backchich, pot-de-vin, pourboire ឬ Prime។ឮ
តាមសេចក្តីពន្យល់ក្នុងវចនានុក្រមខ្មែរ «កុំមីស្យុង» ឬ «កម្រៃជើងសា» មានន័យថា ភាគរយនៃថ្លៃទំនិញឬអត្ថប្រយោជន៍ (ទំនិញ, របស់, ប្រាក់...) ដែលភ្នាក់ងារទិញលក់ឬភ្នាក់ងារដទៃទៀតត្រូវបានទទួលក្នុងទំនាក់ទំនងការងារនោះ។ គាត់ទទួលបានប្រាក់កម្រៃជើងសាជាច្រើន។
«ទឹកតែ» ជាសំនួនវោហារមួយដែលនិយាយសំដៅទៅលើប្រាក់កម្រៃជើងសា ឬរង្វាន់បន្ថែម ដែលគេនិយមហៅថា លុយទឹកដី។ រីឯន័យទូទៅរបស់ «ទឹកតែ» គឺភេសជ្ជៈដែលគេយកស្លឹកតែ ឬ មើម ដើម ស្លឹក ផ្ការុក្ខជាតិស្ងួតមួយចំនួន មកឆុងនឹងទឹកក្ដៅសម្រាប់ពិសាឬផឹក : ទឹកតែមានប្រយោជន៍ចំពោះសុខភាពច្រើនជាងកាហ្វេ៕
© រក្សាសិទ្ធិដោយ thmeythmey.com