ភ្នំពេញ៖ សម្ដេចនាយករដ្ឋមន្ត្រី ហ៊ុន ម៉ាណែត សម្រេចដាក់ឱ្យប្រើប្រាស់ស្ពានកោះនរាបណ្ដោះអាសន្ន ដើម្បីសម្រួលដល់ការធ្វើដំណើររបស់ប្រជាពលរដ្ឋទៅស្រុកកំណើតក្នុងឱកាសពិធីបុណ្យភ្ជុំបិណ្ឌ ចាប់ពីថ្ងៃទី១៣-១៥ ខែតុលាខាងមុខនេះ។ នេះបើតាមទំព័រហ្វេសប៊ុកលោក កើត ឆែ អភិបាលរងរាជធានីភ្នំពេញ។

 

ដើម្បីធានានូវលំហូរចរាចរណ៍ត្រង់ចំណុចស្ពានព្រះមុនីវង្ស ក្នុងអំឡុងពេលភ្ជុំបិណ្ឌ សម្ដេច ហ៊ុន ម៉ាណែត នឹងដាក់ឱ្យប្រើប្រាស់ស្ពានកោះនរាជាបណ្ដោះអាសន្នចាប់ពីថ្ងៃទី១៣-១៥ ខែតុលា។ ស្ពានកោះនរា ដែលជាបេតុងខ្សែកាបថ្មីមួយ តភ្ជាប់ពីទីក្រុងរណបកោះពេជ្រ ឆ្ពោះទៅតំបន់អភិវឌ្ឍន៍កោះនរា។
 

ការធ្វើដំណើរលើស្ពាននេះ ត្រូវកំណត់ឱ្យប្រើប្រាស់ផ្លូវស្ពានមួយចំហៀង សម្រាប់ការធ្វើចរាចរណ៍ទ្វេទិស និងកំណត់ទម្ងន់មធ្យោបាយដឹកជញ្ជូនឆ្លងកាត់ ត្រឹមទម្ងន់៥ តោន ចុះក្រោមប៉ុណ្ណោះ។ បន្ទាប់ពីដាក់ឱ្យប្រើប្រាស់បណ្ដោះអាសន្នរយៈពេល ៣ថ្ងៃ រដ្ឋបាលរាជធានីភ្នំពេញ នឹងបិទចរាចរណ៍ឆ្លងកាត់ស្ពាននេះវិញ។

 

គួរបញ្ជាក់ថា ស្ពានកោះនរា នឹងដាក់ឱ្យប្រើប្រាស់ជាបណ្តោះអាសន្ន ចន្លោះពីថ្ងៃទី២០-២៣ ខែតុលាតទៅ ក្រោយពីក្រុមហ៊ុន O.C.I.C  បញ្ចប់ការដ្ឋានសាងសង់ស្ពានទាំងស្រុង។ នេះបើតាមទំព័រហ្វេសប៊ុកលោក កើត ឆែ អភិបាលរងរាជធានីភ្នំពេញ។
 

ស្ពានកោះនរា បានបើកការដ្ឋានសាងសង់កាលពីថ្ងៃទី២៦ ខែកក្កដា ឆ្នាំ២០២០ ដោយចំណាយថវិកាប្រមាណ