ជាតិ
ពីនេះ ពីនោះ
«ពន្ធនាការ» ខុសពី «ពន្ធនាគារ»
× វចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរ ពន្យល់ អំពីពាក្យ «ពន្ធនាការ» និង «ពន្ធនាគារ» ដោយមិនមានការបន្ថែមបន្ថយលើវចនានុក្រមខ្មែរសម្តេចព្រះសង្ឃរាជ ជួន ណាត ឡើយ។
«ពន្ធនាការ» គឺអាការៈចង, អាការៈដែលជាប់, ដែលជំពាក់នៅ : មានពន្ធនាការរួបរឹត។ តាមការពន្យល់នេះ យើងឃើញថា «ពន្ធនាការ» ចេញពីពាក្យ «ពន្ធ» (ចង, ជាប់, ជំពាក់, ចំណង..) ជាមួយនឹងពាក្យ «អាការៈ» (គ្រឿងសម្គាល់, រូបរាង, ទ្រង់ទ្រាយ, សភាព, កិរិយា)។
រីឯ «ពន្ធនាគារ» គឺ ផ្ទះសម្រាប់ឃុំខាំង, គុក : ជាប់ពន្ធនាគារ, ជាប់ឃុំនៅក្នុងពន្ធនាគារ, នាយកពន្ធនាគារ។ «គុក» ជាភាសាទូទៅដែលសំដៅលើកន្លែងសម្រាប់ដាក់ឃុំខាំងមនុស្សទោស៕
© រក្សាសិទ្ធិដោយ thmeythmey.com