វចនានុក្រម​មិន​បាន​បញ្ជាក់ពីប្រភព​នៃពាក្យ​ «ខារ៉ាអូខេ» នេះ ឡើយ ប៉ុន្តែ​ពន្យល់​ក្នុងន័យពីរ​បែបថា ជា ប្រភេទឧបករណ៍កម្សាន្តម៉្យាង ដែលគេអាចច្រៀងបញ្ចូលជាមួយបទភ្លេងដោយអានអក្សរលើអេក្រង់ :  ក្បាលចាក់ខារ៉ាអូខេ។  

 

ន័យមួយទៀត ខារ៉ាអូខេ គឺជា​ទីកម្សាន្តសប្បាយមួយបែប ជាទូទៅនៅពេលរាត្រី ដោយមានការទទួលទានអាហារអមដោយការច្រៀងលេងកម្សាន្តជាមួយឧបករណ៍ឌីជីថលដែលរួមមានទូរទស្សន៍ មេក្រូ និងឧបករណ៍ផ្ដល់រូបភាព បទភ្លេង និងទំនុកច្រៀងជ្រើសរើសតាមការចូលចិត្ត :  ចូលខារ៉ាអូខេ, បន្ទប់ខារ៉ាអូខេ។ 

 

ត្រង់ពី​ពាក្យ «ខេធីវី» វចនានុក្រម​ដែល​ធ្វើបច្ចុប្បន្ន​កម្មពី​វចនានុក្រម​សម្តេចព្រះសង្ឃរាជ ជួន ណាត បាន​បញ្ជាក់ថា ជាពាក្យ​កម្ចីពីភាសាអង់គ្លេស KTV។ ត្រង់​ន័យ​ខ្លឹម​សារ វចនានុក្រម​ខ្មែរ​២០២២ តម្រូវឱ្យចូលទៅមើលពាក្យ «ខារ៉ាអូខេ»៕