ស្នងការដ្ឋាននគរបាលខេត្តព្រៃវែង បានបើកយុទ្ធនាការធ្វើតេស្តស្វែងរកសារធាតុគ្រឿងញៀន កាលពីថ្ងៃទី៩តុលា នៅក្រុង-ស្រុកទាំង១៣ ទូទាំងខេត្ត។ ក្រោយអនុវត្តយុទ្ធនាការ បាន៣សប្ដាហ៍ ក្រុមការងារស្នងការ បានរកឃើញមន្ត្រីនគរបាល ប្រើប្រាស់គ្រឿងញៀន១១នាក់ នាថ្ងៃទី៣០ តុលា។ 

 

ស្នងការនគរបាលខេត្តព្រៃវែង សម្រេចបញ្ជូនមន្ត្រីនគរបាល១១នាក់នោះ ទៅមណ្ឌលស្ដារនីតិសម្បទាព្យាបាលបន្សាបអ្នកញៀនគ្រឿងញៀន ក្នុងស្រុកកណ្ដាលស្ទឹង ខេត្តកណ្ដាល។ 

 

ចំណែកការដាក់ពិន័យលើមន្ត្រីទាំង១១នាក់នោះ មិនទាន់មានការសម្រេចបែបណាឡើយ។ ប៉ុន្តែស្នងការដ្ឋាននគរបាលខេត្តព្រៃវែង ប្ដេជ្ញាអនុវត្តពិន័យឱ្យម៉ឺងម៉ាត់ តាមការណែនាំពីថ្នាក់ដឹកនាំ នៅពេលក្រោយទៀត៕