ជាតិ
រយៈពេល១១ខែ រមណីយដ្ឋានអង្គររកចំណូលបានជាង៣២លានដុល្លារអាមេរិក ទេសចរដើរនៅប្រាសាទអង្គរវត្តនាថ្ងៃទី២៨ ខែវិច្ឆិកា ឆ្នាំ២០២៣។
× សៀមរាប៖ រយៈពេល១១ខែ ក្នុងឆ្នាំ២០២៣នេះ រមណីយដ្ឋានអង្គររកចំណូលបានពីការលក់សំបុត្រ ជូនភ្ញៀវទេសចរសរុបចំនួនជាង៣២លានដុល្លារអាមេរិក។
យោងតាមរបាយការណ៍សង្ខេបរបស់គ្រឹះស្ថានអង្គរ ដែលគ្រប់គ្រងចំណូលពីការលក់សំបុត្រចូលទស្សនា រមណីយដ្ឋានអង្គរបានបង្ហាញថា រយៈពេល១១ខែក្នុងឆ្នាំនេះ ការលក់សំបុត្រជូនទេសចរបរទេសមានចំនួន ៦៩៩,៩៩៦នាក់ គិតជាទឹកប្រាក់ស្មើនឹង ៣២,៥៤៦,៨៤៧ដុល្លារអាមេរិក។ ជាមួយគ្នានោះ ក្នុងខែវិច្ឆិកា ទេសចរទិញសំបុត្រមានចំនួន ៩៧,៤២៦នាក់ ស្មើនឹងទឹកប្រាក់ ៤,៦៦៤,៤១២ដុល្លារអាមេរិក។
ការដកថវិកា២ដុល្លារក្នុងមួយសំបុត្រ ដើម្បីឧបត្ថម្ភមូលនិធិគន្ធបុប្ផាក្នុងរយៈពេល១១ខែនេះ មានចំនួនសរុប ១,៣៩៩,៩៩២ដុល្លារអាមេរិក។
ក្រៅពីតំបន់អង្គរ គ្រឹះស្ថានអង្គរក៏បានរាយការណ៍ពីការលក់សំបុត្រនៅផែចុងឃ្នៀស បឹងទន្លេសាបផងដែរ ។ ១១ខែមកនេះ ការលក់សំបុត្រទូក មានចំនួនជាង៥០ម៉ឺនដុល្លារ ដែលក្នុងនោះមានចំនួនទូកសរុបជិត២ម៉ឺនទូក៕
Tag:
អង្គរ
គ្រឹះស្ថានអង្គរ
ចំណូលអង្គរ
© រក្សាសិទ្ធិដោយ thmeythmey.com