សេដ្ឋកិច្ចអន្តរជាតិ
អន្តរជាតិ
ម៉ាឡេស៊ី ទទួលបានភ្ញៀវទេសចរច្រើនជាងគេនៅអាស៊ីអាគ្នេយ៍ មនុស្សដើរមុខអគារភ្លោះ Petronas នៅទីក្រុងគួឡាឡាំពួ ។ រូបភាព ៖ Xinhua
× គិតត្រឹមពាក់កណ្តាលខែវិច្ឆិកា ម៉ាឡេស៊ីបានស្វាគមន៍ភ្ញៀវអន្តរជាតិប្រមាណ ២៦លាននាក់ដែលជាចំនួនខ្ពស់បំផុតនៅអាស៊ីអាគ្នេយ៍ ខណៈថៃជាប់ចំណាត់ថ្នាក់ទី២ ដែលមានប្រហែល២៣,៣លាននាក់។
យោងតាមស្ថិតិចុងក្រោយរបស់នាយកដ្ឋានអន្តោប្រវេសន៍ម៉ាឡេស៊ី ១១ខែឆ្នាំនេះ ភ្ញៀវទេសចរអន្តរជាតិចំនួន ២៦លាននាក់។ តួលេខនេះបានធ្វើឲ្យម៉ាឡេស៊ីក្លាយប្រទេសដែលស្វាគមន៍ភ្ញៀវអន្តរជាតិច្រើនជាងគេនៅអាស៊ីអាគ្នេយ៍។
ថៃជាប់ចំណាត់ថ្នាក់លេខ២ មានភ្ញៀវទេសចរ២៣,៤លាននាក់ តាមពីក្រោយដោយសិង្ហបុរីមានជាង១១,៣លាននាក់។ វៀតណាមជាប់ចំណាត់ថ្នាក់លេខ៤ ក្នុងបញ្ជីដែលមានអ្នកទស្សនា ១១,២ លានដង។
រដ្ឋមន្ត្រីក្រសួងទេសចរណ៍ សិល្បៈ និងវប្បធម៌ម៉ាឡេស៊ី លោក Tiong King Sing រំពឹងថា ចំនួនអ្នកទេសចរនឹងបន្តកើនឡើង ក្រោយពីប្រទេសនេះបានអនុវត្តគោលនយោបាយលើកលែងទិដ្ឋាការសម្រាប់ភ្ញៀវទេសចរមកពីចិន និងឥណ្ឌា ចាប់ពីថ្ងៃទី១ ខែធ្នូ។
បើតាមសារព័ត៌មាន The Star ក្នុងចំណោមភ្ញៀវអន្តរជាតិចំនួន ២៦លាននាក់ដែលទៅកាន់ម៉ាឡេស៊ី ភ្ញៀវទេសចរសិង្ហបុរីមានចំនួនច្រើនជាងគេដែលមានចំនួនជាង ១២,៦លាននាក់។ បន្ទាប់មកមានឥណ្ឌូណេស៊ី ៣,១លាននាក់ ថៃ ២លាននាក់ ចិន ១,៤លាននាក់ ប្រ៊ុយណេ ៩០ម៉ឺននាក់ និងឥណ្ឌាមាន ៧៨ម៉ឺននាក់។
ក្នុងឆ្នាំ២០១៩ ប្រទេសម៉ាឡេស៊ីបានស្វាគមន៍ភ្ញៀវអន្តរជាតិចំនួន២៦,១លាននាក់ មុនពេលធ្លាក់ចុះ ៨៣,៤ភាគរយមកនៅត្រឹម៤,៣៣លាននាក់ក្នុងឆ្នាំ២០២០ នៅពេលដែលជំងឺកូវីដបានផ្ទុះឡើង។ នៅឆ្នាំ២០២១ ប្រទេសនេះនឹងស្វាគមន៍ភ្ញៀវទេសចរត្រឹម១៣ម៉ឺននាក់ប៉ុណ្ណោះ និងបានកើនឡើងវិញដល់ ១០,១លាននៅឆ្នាំ២០២២៕
Tag:
ទេសចរណ៍
ម៉ាឡេស៊ី
ថៃ
© រក្សាសិទ្ធិដោយ thmeythmey.com