ជាតិ
ជាង១,៤លានដុល្លារ នឹងប្រើប្រាស់លើការងារផ្សព្វផ្សាយរបស់ ទទក, វិទ្យុជាតិ និង AKP ក្នុងឆ្នាំ២០២៤
× ប្រព័ន្ធផ្សព្វផ្សាយរដ្ឋក្រោមការគ្រប់គ្រងរបស់ក្រសួងព័ត៌មាន រួមមាន ទូរទស្សន៍ជាតិកម្ពុជា (ទទក), វិទ្យុជាតិកម្ពុជា និងទីភ្នាក់ងារសារព័ត៌មានកម្ពុជា (AKP) មានគម្រោងចំណាយថវិកាសរុប៥ ៨៤៩,៧លានរៀល (ជាង១,៤លានដុល្លារអាម៉េរិក) សម្រាប់ឆ្នាំ២០២៤។ នេះបើតាមរបាយការណ៍ថវិកាសង្ខេបឆ្នាំ២០២៤ (Budget in Brief, Fiscal Year 2024) ផ្សាយដោយក្រសួងសេដ្ឋកិច្ច និងហិរញ្ញវត្ថុ។
សម្រាប់ឆ្នាំ២០២៤នេះ គម្រោងចំណាយថវិកាក្រសួងព័ត៌មាន មានចំនួន ៩០ ៨០៨លានរៀល (ជាង២២,១៥លានដុល្លារអាម៉េរិក) សម្រាប់ការគ្រប់គ្រង និងអភិវឌ្ឍន៍វិស័យព័ត៌មាន ដែលក្នុងនោះមានអនុកម្មវិធីចំនួន៦។ ការងារផ្សព្វផ្សាយរបស់ទូរទស្សន៍ជាតិ (ទទក) មានកញ្ចប់ថវិកា ៣ ៩៥៥,៨លានរៀល, វិទ្យុជាតិកម្ពុជា មាន ៩៩៩,៦លានរៀល និងទីភ្នាក់ងារព័ត៌មានកម្ពុជា AKP មាន ៨៩៤,៣លានរៀល។
ក្រៅពីគម្រោងថវិកាលើប្រព័ន្ធផ្សព្វផ្សាយទាំង៣របស់រដ្ឋ គម្រោងចំណាយច្រើនបំផុតរបស់ក្រសួងព័ត៌មាន គឺផ្តោតលើរដ្ឋបាលទូទៅ ដែលមានកញ្ចប់ថវិកា ៥៥ ២៩០,៧លានរៀល, សេវាគាំទ្រលើកកម្ពស់វិស័យព័ត៌មានរបស់មន្ទីរជំនាញរាជធានី-ខេត្ត ដែលមាន ២៨ ៨៨៥លានរៀល រីឯកិច្ចការព័ត៌មាន និងសោតទស្សន៍ មាន ៧៨២,៦លានរៀល៕
© រក្សាសិទ្ធិដោយ thmeythmey.com