រយៈពេល៣ឆ្នាំចុងក្រោយ សកម្មភាពប្រើប្រាស់ប្រាក់រៀលក្នុងអាជីវកម្មរបស់អ្នកស្រី គឺមានភាពសកម្មខ្លាំង ទាំងការទទួលយកប្រាក់រៀលពីអតិថិជន និងទាំងការទូទាត់ថ្លៃទំនិញឱ្យគេវិញ។ «និយាយទៅ២-៣ឆ្នាំចុងក្រោយនេះ គឺខ្ញុំប្រើលុយខ្មែរសុទ្ធ អត់ដែលប្រើដុល្លារទេ លើការទូទាត់ទំនិញលក់ដូររបស់ខ្ញុំ​ ទាំងការលក់រាយ និងបោះដុំ។ ព្រោះខ្ញុំចង់លើកកម្ពស់តម្លៃប្រាក់រៀល និងចង់ឱ្យពលរដ្ឋខ្មែរចូលរួមប្រើប្រាស់ប្រាក់រៀល កុំឱ្យគិតតែពីដុល្លារច្រើនពេក»។ 
 

 

នេះជាស្មារតីរបស់អ្នកស្រី ជាវ ពឺន ក្នុងការចូលរួមលើកតម្កើងអត្តសញ្ញាណជាតិកម្ពុជា​ តាមរយៈការប្រើប្រាស់ប្រាក់រៀលនៅក្នុងអាជីវកម្មរបស់ខ្លួនប្រចាំថ្ងៃ។