ឥទ្ធិពលនេះ ក៏ធ្វើឱ្យតំបន់វាលទំនាប មានសីតុណ្ហភាពអប្បបរមាពី២០-២៤អង្សា និង​សីតុណ្ហភាពអតិបរមាពី៣២-៣៤អង្សា ជាមួយនឹងខ្យល់បក់មកពីទិសឦសាន ក្នុង​ល្បឿនពី១-៣ម៉ែត្រក្នុងមួយវិនាទី ពីថ្ងៃទី១៦-២១ខែមករា។

 

នៅតំបន់មាត់សមុទ្រ នឹងមានសីតុណ្ហភាពអប្បបរមាពី២៣-២៥អង្សា និងសីតុណ្ហភាព​អតិបរមា​​ពី៣២-៣៤អង្សា ហើយខ្យល់បក់មកពីទិសឦសានក្នុងល្បឿនពី១-៣ម៉ែត្រក្នុងមួយ​វិនាទី។

រលកសមុទ្រ មានកម្ពស់ពី កន្លះម៉ែត្រ ទៅមួយម៉ែត្រ។ ​ក្រសួងធនធានទឹកបន្ថែមដូច្នេះ និងបន្តដោយការអំពាវនាវឱ្យ​ប្រជាពលរដ្ឋរស់នៅក្នុង​ភូមិសាស្ត្រ ជួរភ្នំដងរែក និងខ្ពង់រាបភាគឦសាន បង្កើនការ​ប្រុងប្រយ័ត្នថែរក្សាសុខភាព ក្នុងស្ថានភាពធាតុអាកាសត្រជាក់ ដោយស្លៀកសម្លៀកបំពាក់ឱ្យបានគត់មត់ ដើម្បីបង្ការពីជំងឺដង្កាត់នានា៕