ជាតិ
សេដ្ឋកិច្ច
អ្នកស្រី រ៉ឹម តេង៖ លុយខ្មែរយើងប្រលាក់ប៉ុនណា ក៏ចាយបានដែរ ! អ្នកស្រី រ៉ឹម តេង អាជីវករលក់គ្រឿងសមុទ្រស្រស់មួយកន្លែងនៅផ្សារធំថ្មី
× ប្រាក់រៀល គឺពិតជាមានភាពស្រួលចាយ និងទូទាត់ មែនទែន លើថ្លៃទំនិញនិងសេវានានា។ នេះជាការលើកឡើងរបស់អ្នកស្រី រ៉ឹម តេង អាជីវករលក់គ្រឿងសមុទ្រស្រស់មួយកន្លែងនៅផ្សារធំថ្មី រាជធានីភ្នំពេញ ដោយបាននិយាយមកកាន់សារព័ត៌មានយ៉ាងដូច្នេះ ៖ «លុយខ្មែរយើង ទោះប្រលាក់ប៉ុនណា ក៏ចាយបានដែរ»។
ភាពងាយស្រួលក្នុងការប្រើប្រាស់ប្រាក់រៀលនាពេលបច្ចុប្បន្ន បានធ្វើឱ្យអាជីវករលក់សមុទ្ររូបនេះ មិនចង់ចាយវាយប្រាក់ដុល្លារទៀតឡើយ។ អ្នកស្រី រ៉ឹម តេង ថ្លែងបែបនេះក៏ព្រោះតែមើលឃើញពីបញ្ហាមួយចំនួនរបស់ប្រាក់ដុល្លារអាម៉េរិកដែលពិបាកចាយវាយនៅលើទីផ្សារ។
«ដុល្លារក្រដាស១០០ តែប្រលាក់បន្តិច ឬសឹកបន្តិច! គេអត់យកទេ ហើយបើដូចយកលុយរៀល គឺខាតហើយ។ លុយខ្មែរយើងស្រួលចាយ ហើយខ្ញុំអត់ខ្លាចជួបក្លែងក្លាយទេ ព្រោះអ្នកមកទិញទំនិញខ្ញុំមិនដែលយកលុយខ្មែរក្លែងក្លាយមកទិញផង។ តែបើលុយដុល្លារក្លែងក្លាយ គឺដែលជួប ដូចជា ក្រដាស២០ដុល្លារ ក្រដាស១០០ដុល្លារ»។
សម្រាប់អ្នកស្រី រ៉ឹម តេង ទាំងចំណូលប្រចាំថ្ងៃដែលរកបានពីអាជីវកម្មរបស់ខ្លួន និងទាំងចំណាយប្រចាំថ្ងៃ រួមការទាំងទ្រព្យសម្បត្តិមានតម្លៃនានា សូម្បីទិញមាសពាក់ក៏អ្នកស្រីទូទាត់ជាប្រាក់រៀល ដែរ៕
© រក្សាសិទ្ធិដោយ thmeythmey.com