បេក្ខជនម្នាក់ អាចដាក់ស្នាដៃ ប្រកួតបានតែ១គត់ និងមិនមែនជាស្នាដៃ ដែលធ្លាប់ទទួលបានចំណាត់ថ្នាក់ នៅក្នុងពានរង្វាន់ណាមួយពីមុន។
 

ស្នាដៃរឿងខ្លី ត្រូវវាយជាអត្ថបទ ដោយប្រើយូនីកូដខ្មែរ ក្នុងកុំព្យូទ័រ ទំហំអក្សរ១២ ពុម្ព Khmer OS Siemreap ខ្នាតក្រដាស A4 ប្រមាណពី១០ ទៅ១៥ទំព័រ។ ចំណែកកំណាព្យរឿងខ្លី មានប្រមាណពី ៥ទៅ១០ទំព័រ (មានគំរូជូន)។ សាច់រឿងដែលសរសេរ ជាសាច់រឿងថ្មីសុទ្ធសាធ។
 

ត្រូវគោរពអក្ខរាវិរុទ្ធតាមវចនានុក្រមខ្មែរ បោះពុម្ពផ្សាយដោយពុទ្ធសាសនបណ្ឌិត្យគ្រាទី៥ ជាចាំបាច់ (ផ្ដល់ពិន្ទុជាពិសេស)។ បេក្ខជនត្រូវបញ្ជាក់អាសយដ្ឋាន លេខទូរសព្ទ និងអ៊ីមែល ឱ្យបានច្បាស់លាស់ ដើម្បីងាយស្រួល គណៈកម្មការរៀបចំទាក់ទង។ 
 

សម្រាប់រឿងខ្លី ដែលមានចំណាត់ថ្នាក់លេខ ១-២-៣ និង កំណាព្យរឿងខ្លី ដែលមានចំណាត់ថ្នាក់លេខ ១-២-៣ នឹងផ្ដល់រង្វាន់ជាថវិកា វិញ្ញាបនបត្រ និងការបោះពុម្ពស្នាដៃ។
 

ចាប់ផ្ដើមទទួលស្នាដៃ ចាប់ពីថ្ងៃជូនដំណឹង រហូតដល់ថ្ងៃទី៣០ ខែមេសា ឆ្នាំ២០២៤ វេលាម៉ោង៥ល្ងាច ជាកំហិត។ លោកអ្នកអាចផ្ញើស្នាដៃ តាមរយៈតេលេក្រាម ០៦៩ ​៤៦ ៩៩ ៥៦ (អ្នកស្រី ញ៉ ស្រីម៉ុច) ឬតាមរយៈអ៊ីមែល ៕