សព្វថ្ងៃបើទោះបីជា​នាង​មមាញឹកនឹងការងារប្រចាំថ្ងៃរបស់ខ្លួនក៏ដោយ ​ក៏នាងនៅតែឆ្លៀតពេលខ្លះ ទៅជួយការងារក្នុងបណ្ណាល័យខាងលើដែរ។ ប៉ិច លីដា ក៏លើកទឹកចិត្តដល់សិស្សា​នុ​សិស្ស​ផ្សេងទៀត ឆ្លៀតពេលទំនេរចូលរួមការ​ងារស្ម័គ្រចិត្ត ព្រោះវាមិនត្រឹមតែជួយបង្កើនសមត្ថភាពប៉ុណ្ណោះទេ ប៉ុន្តែក៏ជាពេលវេលាដែលពួកគេ​ បាន​ស្វែងយល់ពីសង្គម​ ស្វែងរកខ្លួនឯង ​ទទួលយកបទពិសោធន៍ជីវិតថ្មីៗ និងមានឱកាសការងារខ្ពស់ផងដែរ។

 

«ពេលយើងរៀននៅវិទ្យាល័យល្អមែនទែន យើងអាចមកស្ម័គ្រចិត្ត យើងទទួលបានចំណេះដឹង ហើយយើងរៀន។ ជាពិសេសនៅតាមសហគមន៍យើង បើមានបណ្ណាល័យអី យើងមកអាន មកស្ម័គ្រចិត្ត មកជួយ យើងបានស្គាល់មនុស្សផ្សេងៗ ធ្វើឱ្យយើងមិនសូវខ្លាចគេ ពេលយើងចេញទៅក្រៅ។ ខ្ញុំសូមផ្ដាំទៅក្មេងជំនាន់ក្រោយ ពិសេសគាត់រៀននៅវិទ្យាល័យ យើងកុំគិតថាយើងរៀនតែមុខវិជ្ជានៅសាលា យើងអាចរៀនពីសង្គមខាងក្រៅ តាមរយៈយើងស្ម័គ្រចិត្ត ដើម្បីពង្រឹងសមត្ថភាពយើង តាមរយៈការទំនាក់ទំនង ហើយយើងទទួលបានចំណេះដឹងថ្មីៗ ក្រៅពីសាលា។ ពេលចូលដល់សកលវិទ្យាល័យ យើងអាចមានសមត្ថភាព ច្រើនជាងអ្នកដែលមិនបានស្ម័គ្រចិត្ត»៕