ក្នុងសន្និសីទមុនការប្រកួតព្រឹត្តិការណ៍ The King of The Ring ព្រំ សំណាង ដូចជាមិនទាន់សង្ឃឹមថាឈ្នះគូប្រកួត ១០០ភាគរយឡើយ។ ម្យ៉ាងវិញទៀត ដៃគូរបស់ព្រំ សំណា គឺកីឡាករ Yar Men មិនបង្ហាញការព្រួយបារម្មណ៍អ្វីឡើយ បើទោះជាធ្លាប់ដឹងប្រវត្តិប្រកួតរបស់កីឡាករកម្ពុជារូបនេះ ក៏ដោយ។
 

«ខ្ញុំ មិនទាន់ថាអាចវាយគូប្រកួតឲ្យសន្លប់ទេ ប៉ុន្ដែគ្រាន់តែដឹងថាធ្វើឲ្យបានល្អ ហើយប្រសិនជាឆ្លៀតឱកាស អាចផ្ដាច់បាន ខ្ញុំ នឹងផ្ដាច់។ បើឲ្យខ្ញុំ និយាយថាត្រូវតែវាយគូប្រកួតឲ្យសន្លប់ គឺខ្ញុំ មិនដឹងទេ។»។ កីឡាករ ព្រំ សំណាង បាននិយាយដូច្នេះ។
 

ក្នុងការប្រកួតនេះ មិនប្រើស្រោមដៃដូចជាការប្រកួតរាល់លើកឡើយ ដោយប្រើហ្គង់លក្ខណៈចេញម្រាម ដូចជា MMA។ ក្នុងព្រឹត្តិការណ៍ដដែរនេះ មានការប្រកួតអន្ដរជាតិ៤គូផ្សេងទៀត លក្ខណៈរុំអំបោះឆៅ មានដូចជា ៖ 
 

ស៊ន រ៉ាគីម ប្រកួតជាមួយ Arsy Ahmad កីឡាករឥណ្ឌូណេស៊ី លើប្រភេទទម្ងន់ ៦០គីឡូក្រាម

ពេជ្យ ប៊ុនសិទ្ធ ប៉ះជាមួយ Romeo Jr លើទម្ងន់៥៧គីឡូក្រាម

ភក្ដី គុនខ្មែរ ស្វាគមន៍ Happy Sery លើទម្ងន់៦៥គីឡូក្រាម

ពេជ្យ សម្បត្តិ ប្រកួតជាមួយ Makralek Sit Parang លើទម្ងន់៦០គីឡូក្រាម៕