សហព័ន្ធកីឡាទោចក្រយានកម្ពុជា បានធ្វើតេស្ដសមត្ថភាពកីឡាករ ហើយបានចម្រាញយក ៥នាក់សម្រាប់ចូលរួមប្រកួត។ លោក យឿន ភីយុទ្ធ គឺជាអ្នកដឹកនាំក្រុម ហើយកីឡាករ ៥រូបទៀតមានដូចជា៖ កីឡាករ សាន ណាម៉ាវ, សាំង សីហា, យ៉ារ៉ែន បូរ៉ាជាតិ, ដាវីដ ប៉ូរីយ៉ែ និង ឆុន ភារម្យ។
 

លោក នូ ចំរើន មិនរំពឹងខ្ពស់ក្នុងការដណ្ដើមយកជ័យលាភីណាមួយឡើយ ប៉ុន្ដែគ្រាន់តែសង្ឃឹមថា កីឡាករទាំងនោះ អាចធ្វើបានល្អ និងព្យាយាមបំបែកកំណត់ត្រាផ្ទាល់ខ្លួន។ អគ្គលេខាធិការរូបនេះ មិនរំពឹងខ្ពស់ គឺដោយសារតែកីឡាករទាំងនោះ មិនសូវមានបទពិសោធន៍ច្រើន ក្នុងការប្រកួតអន្ដរជាតិ ម្យ៉ាងវិញទៀតប្រទេស ដែលចូលរួមមានកីឡាករខ្លាំងៗច្រើន។
 

«ការប្រកួតនេះមានប្រទេសខ្លាំងៗចូលរួមច្រើន។ សម្រាប់កម្ពុជាយើងមានកីឡាករក្មេងច្រើនមិនសូវមានបទពិសោធន៍បច្ចេកទេសនាការប្រកួតអន្តរជាតិបែបនេះសម្រាប់វិញ្ញាសាកង់កួក។ ប៉ុន្តែសម្រាប់ខ្ញុំសង្ឃឹមថាយើងនឹងទទួលបានលទ្ធផលល្អនាពេលខាងមុខ ពីព្រោះកីឡាករយើងមានឆន្ទៈខ្ពស់ និងព្យាយាមហ្វឹកហាត់ណាស់នាពេលនេះ ដើម្បីត្រៀមខ្លួនខ្លាំងណាស់នាពេលប្រកួតខាងមុខ។»។ លោក នូ ចំរើន បាននិយាយដូច្នេះ។
 

ព្រឹត្តិការណ៍កីឡាទោចក្រយានជើងឯកអាស៊ីអាគ្នេយ៍ ឆ្នាំ២០២៤ រៀបចំឡើងនៅប្រទេសសិង្ហបុរី ដែលធ្វើជាម្ចាស់ផ្ទះ តាំងពីឆ្នាំ២០០៩ មកទល់ពេលនេះ។ ដោយឡែក ព្រឹត្តិការណ៍នេះ ត្រូវបានខកខានក្នុងអំឡុងពេលកូវីដ-១៩។ ព្រឹត្តិការណ៍នេះ មាន១១ប្រទេស ចូលរួមប្រកួត៕