ជាតិ
លោក ហ៊ុន ម៉ានី ជឿថានិយាមប្រឡងជ្រើសរើសមន្ត្រីថ្មី មិនអនុញ្ញាតឱ្យមានអំពើសូកប៉ាន់
លោក ហ៊ុន ម៉ានី ឧបនាយករដ្ឋមន្រ្តី និងជារដ្ឋមន្រ្តីក្រសួងមុខងារសាធារណៈ។ រូបភាព៖ មឿន ម៉ាក់ថុង
×![]()
ភ្នំពេញ៖ គ្មានឡើយអំពើសូកប៉ាន់ ឬអំពើពុករលួយក្នុងដំណើរការប្រឡងប្រជែងជ្រើសរើសមន្ត្រីដែលរៀបចំដោយក្រសួងមុខងារសាធារណៈ នៅក្នុងអាណត្តិទី៧នេះ។ លោក ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ មានជំនឿថានិយាមប្រឡងជ្រើសរើសមន្ត្រីថ្មីនេះ នឹងមិនអនុញ្ញាតឱ្យមានអំពើសូកប៉ាន់ឡើយ។
ប្រជាពលរដ្ឋមួយចំនួននៅក្នុងសង្គម គិតថាទាល់តែមានលុយ ទើបអាចប្រឡងជាប់ជាមន្ត្រីរាជការស៊ីវិល។ ប៉ុន្តែសម្រាប់អាណត្តិទី៧នេះ ក្រោមការរៀបចំការប្រឡងប្រជែងជ្រើសរើសមន្ត្រីរាជការដោយក្រសួងមុខងារសាធារណៈ គឺធានាមិនឱ្យមានអំពើពុករលួយ។
ក្នុងពិធីប្រកាសលទ្ធផលនៃប្រឡងប្រជែងជ្រើសរើសមន្ត្រីរាជការ នាថ្ងៃទី១១ មីនា លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ មានប្រសាសន៍ថា៖«ក្នុងនាមគណៈកម្មការរៀបចំការប្រឡង យើងធានាចំពោះមុខរាជរដ្ឋាភិបាល ក៏ដូចជាប្រជាពលរដ្ឋទាំងអស់ថា ក្នុងដំណាក់កាលដែលយើងបានធ្វើមកដល់ពេលបច្ចុប្បន្នហើយទៅមុខបន្ថែមទៀត គឺយើងធានាថាមិនចាំបាច់បង់ជាកម្រៃណាទេ ដើម្បីឱ្យឈានដល់ការជាប់»។
ជាមួយគ្នានេះ ដើម្បីធានាឱ្យការប្រឡងនេះ ប្រព្រឹត្តទៅដោយតម្លាភាព និងមិនមានការបែកធ្លាយវិញ្ញាសា គណៈកម្មការប្រឡង បានរៀបចំការតាក់តែងវិញ្ញាសានៅថ្ងៃតែមួយ មានន័យថាធ្វើភ្លាមប្រឡងភ្លាម។ «ចំពោះថ្ងៃប្រឡង អ្វីដែលធំជាងគេ គឺវិញ្ញាសា។ វិញ្ញាសា មិនមានការឱ្យធ្លាយទេ ដូច្នេះហើយបានយើងរៀបចំដើម្បីធ្វើយ៉ាងណាឱ្យវិញ្ញាសាចេញក្នុងថ្ងៃតែមួយ»។ នេះជាការលើកឡើងរបស់លោក ហ៊ុន ម៉ានី ដោយបន្តថា ក្នុងដំណើរការកំណែវិញ្ញាសាវិញ ក៏ធានាប្រសិទ្ធភាពផងដែរ។
ទោះមានការធានាបែបនេះក្ដី លោក ហ៊ុន ម៉ានី នៅតែស្វាគមន៍ដល់ប្រជាពលរដ្ឋ និងសាធារណជន ដែលមានការសង្ស័យ អាចទាក់ទងទៅកាន់គណៈកម្មការរៀបចំការប្រឡងប្រជែងបាន។ សម្រាប់លោក ហ៊ុន ម៉ានី ជុំវិញដំណើរការប្រឡងនេះ លោកជឿជាក់លើការខំប្រឹងប្រែងរបស់គណៈកម្មការរៀបចំការប្រឡង និងអនុគណៈកម្មការនីមួយៗ ដែលយកចិត្តទុកក្នុងការប្រឡងនេះ។
លោក ហ៊ុន ម៉ានី បន្តថា៖«អ្វីដែលយកចង់បានធំជាងគេ គឺការកែលម្អប្រព័ន្ធជ្រើសរើសមន្ត្រីរាជការ ដើម្បីធានាថា មន្ត្រីរាជការដែលយើងជ្រើសរើសនេះផ្អែកលើមូលដ្ឋាននៃសមត្ថភាពសុទ្ធសាធ។ ហើយបើគាត់មានសមត្ថភាពសុទ្ធសាធក្នុងការបម្រើកិច្ចការងាបន្តទៀត គឺត្រូវតម្កល់ផលប្រយោជន៍ជាតិជាធំ ជាពិសេសបម្រើប្រជាពលរដ្ឋ»។
សូមបញ្ជាក់ថា នៅថ្ងៃទី១១ មីនានេះ ក្រសួងមុខងារសាធារណៈ បានរៀបចំការប្រកាសលទ្ធផលការប្រឡងជ្រើសជ្រើសមន្ត្រីរាជការឱ្យចូលបម្រើក្នុងក្របខណ្ឌអង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន ក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីតំណាងអង្គភាពប្រឆាំងអំពើពុករលួយ តំណាងក្រសួងសាធារណការ និងដឹកជញ្ជូន។ ក្នុងចំណោមលទ្ធផលខាងលើ អង្គភាពប្រឆាំងអំពើពុករលួយ មានបេក្ខជនជាប់ចំនួន ៣៣នាក់ ក្នុងនោះ១៣នាក់ ជាស្ត្រី, ក្រសួងសាធារណការ និងដឹកជញ្ជូន ជាប់ ៩៩នាក់ ក្នុងនោះស្ត្រី១៨នាក់ និងក្រសួងកសិកម្ម រុក្ខាប្រមាញ់ និងនេសាទ ជាប់៥២នាក់ មាន១៧នាក់ ជាស្ត្រី៕
ប្រជាពលរដ្ឋមួយចំនួននៅក្នុងសង្គម គិតថាទាល់តែមានលុយ ទើបអាចប្រឡងជាប់ជាមន្ត្រីរាជការស៊ីវិល។ ប៉ុន្តែសម្រាប់អាណត្តិទី៧នេះ ក្រោមការរៀបចំការប្រឡងប្រជែងជ្រើសរើសមន្ត្រីរាជការដោយក្រសួងមុខងារសាធារណៈ គឺធានាមិនឱ្យមានអំពើពុករលួយ។
ក្នុងពិធីប្រកាសលទ្ធផលនៃប្រឡងប្រជែងជ្រើសរើសមន្ត្រីរាជការ នាថ្ងៃទី១១ មីនា លោក ហ៊ុន ម៉ានី រដ្ឋមន្ត្រីក្រសួងមុខងារសាធារណៈ មានប្រសាសន៍ថា៖«ក្នុងនាមគណៈកម្មការរៀបចំការប្រឡង យើងធានាចំពោះមុខរាជរដ្ឋាភិបាល ក៏ដូចជាប្រជាពលរដ្ឋទាំងអស់ថា ក្នុងដំណាក់កាលដែលយើងបានធ្វើមកដល់ពេលបច្ចុប្បន្នហើយទៅមុខបន្ថែមទៀត គឺយើងធានាថាមិនចាំបាច់បង់ជាកម្រៃណាទេ ដើម្បីឱ្យឈានដល់ការជាប់»។
ជាមួយគ្នានេះ ដើម្បីធានាឱ្យការប្រឡងនេះ ប្រព្រឹត្តទៅដោយតម្លាភាព និងមិនមានការបែកធ្លាយវិញ្ញាសា គណៈកម្មការប្រឡង បានរៀបចំការតាក់តែងវិញ្ញាសានៅថ្ងៃតែមួយ មានន័យថាធ្វើភ្លាមប្រឡងភ្លាម។ «ចំពោះថ្ងៃប្រឡង អ្វីដែលធំជាងគេ គឺវិញ្ញាសា។ វិញ្ញាសា មិនមានការឱ្យធ្លាយទេ ដូច្នេះហើយបានយើងរៀបចំដើម្បីធ្វើយ៉ាងណាឱ្យវិញ្ញាសាចេញក្នុងថ្ងៃតែមួយ»។ នេះជាការលើកឡើងរបស់លោក ហ៊ុន ម៉ានី ដោយបន្តថា ក្នុងដំណើរការកំណែវិញ្ញាសាវិញ ក៏ធានាប្រសិទ្ធភាពផងដែរ។
ទោះមានការធានាបែបនេះក្ដី លោក ហ៊ុន ម៉ានី នៅតែស្វាគមន៍ដល់ប្រជាពលរដ្ឋ និងសាធារណជន ដែលមានការសង្ស័យ អាចទាក់ទងទៅកាន់គណៈកម្មការរៀបចំការប្រឡងប្រជែងបាន។ សម្រាប់លោក ហ៊ុន ម៉ានី ជុំវិញដំណើរការប្រឡងនេះ លោកជឿជាក់លើការខំប្រឹងប្រែងរបស់គណៈកម្មការរៀបចំការប្រឡង និងអនុគណៈកម្មការនីមួយៗ ដែលយកចិត្តទុកក្នុងការប្រឡងនេះ។
លោក ហ៊ុន ម៉ានី បន្តថា៖«អ្វីដែលយកចង់បានធំជាងគេ គឺការកែលម្អប្រព័ន្ធជ្រើសរើសមន្ត្រីរាជការ ដើម្បីធានាថា មន្ត្រីរាជការដែលយើងជ្រើសរើសនេះផ្អែកលើមូលដ្ឋាននៃសមត្ថភាពសុទ្ធសាធ។ ហើយបើគាត់មានសមត្ថភាពសុទ្ធសាធក្នុងការបម្រើកិច្ចការងាបន្តទៀត គឺត្រូវតម្កល់ផលប្រយោជន៍ជាតិជាធំ ជាពិសេសបម្រើប្រជាពលរដ្ឋ»។
សូមបញ្ជាក់ថា នៅថ្ងៃទី១១ មីនានេះ ក្រសួងមុខងារសាធារណៈ បានរៀបចំការប្រកាសលទ្ធផលការប្រឡងជ្រើសជ្រើសមន្ត្រីរាជការឱ្យចូលបម្រើក្នុងក្របខណ្ឌអង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន ក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីតំណាងអង្គភាពប្រឆាំងអំពើពុករលួយ តំណាងក្រសួងសាធារណការ និងដឹកជញ្ជូន។ ក្នុងចំណោមលទ្ធផលខាងលើ អង្គភាពប្រឆាំងអំពើពុករលួយ មានបេក្ខជនជាប់ចំនួន ៣៣នាក់ ក្នុងនោះ១៣នាក់ ជាស្ត្រី, ក្រសួងសាធារណការ និងដឹកជញ្ជូន ជាប់ ៩៩នាក់ ក្នុងនោះស្ត្រី១៨នាក់ និងក្រសួងកសិកម្ម រុក្ខាប្រមាញ់ និងនេសាទ ជាប់៥២នាក់ មាន១៧នាក់ ជាស្ត្រី៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
